មនុស្សស្លាប់ក្នុង មហាសោកនាដកម្មរញ្ជួយដីនៅតួកគីនិងស៊ីរី អាចឈានដល់ខ្ទង់ម៉ឺន (មានវីដេអូ)

អនុប្រធានាធិបតីតួកគីបាននិយាយថា គិតត្រឹមព្រឹកថ្ងៃអង្គារទី០៧ខែកុម្ភៈ (ពេលវេលានៅកម្ពុជា) មនុស្សចំនួន ២៣៧៩នាក់បានស្លាប់ និង១៤៤៨៣នាក់ បានរងរបួសនៅក្នុងប្រទេសតួកគីបន្ទាប់ពីការរញ្ជួយដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Fuat Otkay បន្ថែមថា មនុស្ស ៧៨៤០នាក់ ត្រូវបានទាញចេញពីគំនរបាក់បែក បន្ទាប់ពីអគារចំនួន ៤៧៤៨ត្រូវបានបំផ្លាញ។

ស្របពេលជាមួយគ្នានោះដែរ មនុស្សយ៉ាងតិច១៤៤៤នាក់ បានបាត់បង់ជីវិតនៅក្នុងប្រទេសស៊ីរី។

នេះមានន័យថា ចំនួនអ្នកស្លាប់ដោយសារការរញ្ជួយដីដ៏បំផ្លិចបំផ្លាញនាពេលនេះ បានកើនឡើងដល់ជាង៣៥០០នាក់ហើយ ប៉ុន្តែអាជ្ញាធរបានព្រមានថា តួលេខនឹងបន្តហក់ឡើងដល់ខ្ទង់ម៉ឺនឯណោះ ខណៈកិច្ចខិតខំប្រឹងប្រែងជួយសង្គ្រោះនៅតែបន្ត។

មុននេះ អង្គការសុខភាពពិភពលោក (WHO) បានព្រមានថា ចំនួនអ្នកស្លាប់អាចកើនឡើង លើសពីនេះ ៨ដងឯណោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ បណ្តុំវីដេអូដ៏តក់ស្លុតនៃសោកនាដកម្មគ្រោះរញ្ជួយដីនៅ តួកគី និងស៊ីរី