ទ័ព អាមេរិក ឲ្យ Buakaw ជួយបង្វឹកក្បាច់គុនមួយថៃ

កងទ័ពសហរដ្ឋអាមេរិកបានអញ្ជើញអ្នកប្រដាល់ Buakaw Banchamek ឲ្យជួយបង្វឹកសិល្បៈក្បាច់គុនមួយថៃ ដល់ទាហានអាមេរិក ក្នុងអំឡុងពេលសមយុទ្ធយោធា “Cobra Gold ឬពស់មាស” នាពេលខាងមុខនេះ ។

ក្រៅពីការបង្ហាត់បង្ហាញក្បាច់គុនមួយថៃដល់ទាហានអាមេរិកហើយនោះ, Buakaw ក៏នឹងចូលរួមក្នុងវគ្គបណ្តុះបណ្តាលនៃប្រតិបត្តិការយុទ្ធសាស្ត្រតាមអាកាស (SAO) របស់សមយុទ្ធ Cobra Gold ដែលគ្រោងនឹងធ្វើឡើងនៅក្នុងប្រទេសថៃ ចាប់ពីថ្ងៃទី២៧ ខែកុម្ភៈ ដល់ថ្ងៃទី១០ ខែមីនា ។

អ្នកប្រដាល់ថៃវ័យ ៤០ ឆ្នាំរូបនេះបាននិយាយនៅលើហ្វេសប៊ុកកាលពីពេលថ្មីៗនេះថា “សូម្បីតែកងទ័ពអាមេរិកដែលបំពាក់ដោយឧបករណ៍យោធាកំពូលៗក៏ទទួលយកការបង្ហាត់បង្ហាញនៃសិល្បៈក្បាច់គុនមួយថៃផងដែរ ព្រោះថា វាជាគ្បាច់គុនដែលប្រើដៃទទេ” ។

គួរបញ្ជាក់ថា នេះមិនមែនជាលើកទីមួយទេសម្រាប់ Buakaw ដែលបង្ហាត់បង្ហាញដល់កងទ័ពអាមេរិកនោះ ខណៈកាលពីឆ្នាំមុន អ្នកប្រដាល់រូបនេះក៏ធ្លាប់បានហ្វឹកហាត់ក្បាច់គុនមួយថៃដល់ទាហានអាមេរិកផងដែរ អំឡុងពេលសមយុទ្ធយោធាទ្វេភាគី “Hanuman Guardian 22” រវាងអាមេរិក និងថៃ ដែលធ្វើឡើងនៅខេត្ត Prachuap Khiri Khan ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ EU ដាក់ទណ្ឌកម្មថ្មីលើ មីយ៉ាន់ម៉ា ដោយបង្កកទ្រព្យសម្បត្តិអ្នកមុខអ្នកការ ក្នុងជួរយោធា