យុវតីថៃម្នាក់ ជាតារា OnlyFans ត្រូវបានចាប់ខ្លួនកាលពីថ្ងៃព្រហស្បតិ៍ទី១៦ខែមីនា បន្ទាប់ពីនាងបង្ហោះរូបភាពស្រាត ជាមួយព្រះសង្ឃមួយអង្គនៅលើ Twitter និងផ្សព្វផ្សាយវីដេអូអាសអាភាសរបស់នាងជាមួយព្រះសង្ឃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី៣ខែមីនា គណនី Twitter ឈ្មោះ juniijune6969 បានបង្ហោះរូបភាពមួយសន្លឹកដែលថតនៅស្ថានីយរថភ្លើង Bang Sue ក្នុងទីក្រុងបាងកក ដោយបង្ហាញពី នារីម្នាក់បើកអាវ បញ្ចេញដើមទ្រូង ពេលអង្គុយជិតព្រះសង្ឃ ជាមួយនឹង Caption ថា “លក់វីដេអូអាសអាភាសរបស់ខ្ញុំជាមួយព្រះសង្ឃ តម្លៃ៦៩៩បាត។ សូមផ្ញើសារមកខ្ញុំ ប្រសិនបើអ្នកចាប់អារម្មណ៍”។

យុវតីរូប​នេះ​​បន្ត​បង្ហោះ​សារ ​ដើម្បី​អញ្ជើញ​អ្នក​តាម​នាងឲ្យមក​ទិញ​វីដេអូ ហើយ​អះអាង​ថា ​នាង​មាន​វីដេអូ​អាសអាភាស​របស់​នាង និង​ព្រះសង្ឃ​កំពុង​រួម​ភេទ។

គណនីរបស់នាងមានអ្នកតាមដានជាង ៤៧០០០០នាក់ ហើយវីដេអូអាសអាភាស និងវីដេអូអាក្រាតជាច្រើនពីវេទិកានេះ ត្រូវបានចែករំលែកដោយអ្នកប្រើប្រាស់ Twitter។ គណនី OnlyFans របស់នាង និងក្រុម VIP នៅលើកម្មវិធី LINE ក៏ត្រូវបានផ្សព្វផ្សាយលើគណនី Twitter របស់នាងផងដែរ។

ទោះបីជាយ៉ាងណាក៏ដោយ អ្នកនិយមលេងអ៊ីនធឺណិតថៃ បានសម្តែងការខឹងសម្បា និងអំពាវនាវដល់មន្ទីរពាក់ព័ន្ធ ជាពិសេសការិយាល័យព្រះពុទ្ធសាសនាជាតិ ឲ្យស៊ើបអង្កេត និងដាក់ទោសទាំងព្រះសង្ឃ និងយុវតីម្នាក់។ មនុស្ស​ជា​ច្រើន​យល់​ថា យុវតីម្នាក់នេះ​ បាន​បង្អាប់​មុខមាត់​ព្រះ​សង្ឃ​ថៃ និង​ប្រមាថ​ដល់ព្រះ​ពុទ្ធ​សាសនា។

បន្ទាប់ពី​ចាប់​ខ្លួន​នៅ​ផ្ទះ​ យុវតីឈ្មោះ Wanida បាន​ទទួល​ស្គាល់​កំហុស​របស់​នាង។ យ៉ាង​ណា​មិញ នាង​ថា នាង​មិន​មាន​វីដេអូ​សិច​ជាមួយ​ព្រះសង្ឃ​ដូចការ​ផ្សព្វផ្សាយទេ ហើយក៏​មិន​ស្គាល់​ព្រះសង្ឃ​ដែរ។

នាងអាចប្រឈមមុខនឹងការជាប់ពន្ធនាគាររហូតដល់៥ឆ្នាំ និងពិន័យជាប្រាក់រហូតដល់១០០ ០០០បាត ពីបទបង្កើត និងផ្សព្វផ្សាយរូបភាពអាសអាភាស យោងតាមមាត្រា ១៤(៤) នៃច្បាប់កុំព្យូទ័រ។

ទង្វើរបស់ Wanida ក៏បានរំលោភលើមាត្រា ២៨៧(១) នៃច្បាប់ព្រហ្មទណ្ឌផងដែរ ដែលចែងថា អ្នកណាដែលផ្សាយ ឬផលិតខ្លឹមសារផ្លូវភេទ ត្រូវផ្តន្ទាទោសដាក់ពន្ធនាគាររហូតដល់៣ឆ្នាំ ឬពិន័យជាប្រាក់រហូតដល់ ៦០០០០បាត ឬទាំងពីរ៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ថៃ ធ្វើសេចក្តីព្រាងច្បាប់ អនុញ្ញាតចំពោះស្រ្តីរកស៊ីផ្លូវភេទ ដែលមានអាយុលើ២០ឆ្នាំ