ព័ត៌មានអន្ដរជាតិ
អ៊ុយក្រែន ថា បេឡារុស កំពុងក្លាយជាចំណាប់ខ្មាំងនុយក្លេអ៊ែររបស់ រុស្ស៊ី
លោក អូឡិចស៊ី ដានីឡូវ (Oleksiy Danilov) ប្រធានក្រុមប្រឹក្សាសន្តិសុខ និងការពារជាតិអ៊ុយក្រែន បាននិយាយកាលពីថ្ងៃអាទិត្យថា ប្រទេសបេឡារុសកំពុងក្លាយជា “ចំណាប់ខ្មាំងនុយក្លេអ៊ែរ” របស់រុស្ស៊ី បន្ទាប់ពីលោក វ្ល៉ាឌីមៀរ ពូទីន ប្រកាសដាក់ពង្រាយអាវុធនុយក្លេអ៊ែរនៅក្នុងប្រទេសសម្ព័ន្ធមិត្តមួយនេះ ។

លោក ដានីឡូវ បានព្រមានក្នុងសារ Twitter ថា “ការសម្រេចចិត្តរបស់លោក ពូទីន ក្នុងការដាក់ពង្រាយអាវុធនុយក្លេអ៊ែរយុទ្ធសាស្ត្រនៅក្នុងប្រទេសបេឡារុស គឺជាជំហានឆ្ពោះទៅរកអស្ថិរភាពផ្ទៃក្នុងរបស់ប្រទេស ហើយនិងមានផលវិបាកដ៏មហន្តរាយសម្រាប់អនាគតរបស់ខ្លួនផងដែរ” ។
ទន្ទឹមនោះ ក្រសួងការបរទេសអ៊ុយក្រែនក៏បានចេញសេចក្ដីថ្លែងការណ៍ និងអំពាវនាវដល់បេឡារុស ឲ្យទប់ស្កាត់ការដាក់ពង្រាយអាវុធនុយក្លេអ៊ែរនៅក្នុងប្រទេសផងដែរ ដោយសារតែនេះជាការរំលោភលើកាតព្វកិច្ចក្រោមសន្ធិសញ្ញាស្តីពីការមិនរីកសាយភាយអាវុធនុយក្លេអ៊ែរ ។

សេចក្តីថ្លែងការណ៍បានឲ្យដឹងទៀតថា ទីក្រុងកៀវរំពឹងលើសកម្មភាពរបស់សមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ ក្នុងការប្រឆាំងនឹងផែនការនេះ ហើយបានជំរុញឲ្យមានកិច្ចប្រជុំភ្លាមៗលើបញ្ហានេះផងដែរ ។
ជាចុងក្រោយ សេចក្តីថ្លែងការណ៍បញ្ជាក់ថា ពិភពលោកត្រូវតែបង្ហាញពីការមិនអាចទទួលយកបាន ចំពោះការញុះញង់ឲ្យមានការដាក់ពង្រាយអាវុធនុយក្លេអ៊ែរ ជាពិសេសគឺចាត់វិធានការយ៉ាងម៉ឺងម៉ាត់ ដើម្បីទប់ស្កាត់លទ្ធភាពណាមួយនៃការប្រើប្រាស់អាវុធបែបនេះផងដែរ ៕

ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ណាតូ ថ្កោលទោស ក្រោយលោក ពូទីន សម្រេចចិត្តដាក់ពង្រាយអាវុធនុយក្លេអ៊ែរ នៅ បេឡារុស
-
ព័ត៌មានជាតិ២ ថ្ងៃ មុន
សម្តេចតេជោ ៖ ខ្ញុំនឹងចុះហត្ថលេខា លើកិច្ចព្រមព្រៀងក្រមខណ្ឌគម្រោង សាងសង់ផ្លូវល្បឿនលឿន ភ្នំពេញ-សៀមរាប-ប៉ោយប៉ែត រសៀលនេះ
-
ជីវិតកម្សាន្ដ១ សប្តាហ៍ មុន
Jisoo តេស្តវិជ្ជមានកូវីដ ក្រោយវិលពីការប្រគំតន្ត្រីនៅថៃវិញ
-
ជីវិតកម្សាន្ដ៥ ថ្ងៃ មុន
ប្រកួតឆ្នាំដំបូង បវរកញ្ញាកម្ពុជា ឈ្នះមកុដ Miss Culture Global នៅឥណ្ឌូនេស៊ី
-
ជីវិតកម្សាន្ដ៦ ថ្ងៃ មុន
ក្រោយលែងលះជាមួយ Angelababy តារាប្រុស Huang Xiaoming មានមិត្តស្រីថ្មីការពារលើសមុន
-
ជីវិតកម្សាន្ដ៦ ថ្ងៃ មុន
ម្ចាស់មេដាយមាសស៊ីហ្គេម កូនកាត់ខ្មែរអាមេរិក លេចមុខថតសំអាងការ
-
សន្តិសុខសង្គម១ សប្តាហ៍ មុន
តខ្សែភ្លើងខុសបច្ចេកទេស ឆ្លងចរន្ដឆេះផ្ទះមួយខ្នង និងរថយន្ដមួយគ្រឿងទាំងស្រុង
-
ព័ត៌មានអន្ដរជាតិ៦ ថ្ងៃ មុន
លោក ថាក់ស៊ីន បញ្ជាក់ច្បាស់ៗពីពេលវេលាវិលត្រឡប់ចូលស្រុកវិញ
-
ជីវិតកម្សាន្ដ៧ ថ្ងៃ មុន
Dilraba រងការរិះគន់ថា ស្លៀកពាក់មិនសមក្នុងព្រឹត្តិការណ៍