ព័ត៌មានអន្ដរជាតិ
មិនឲ្យចាញ់ អ៊ុយក្រែន, រថក្រោះថ្មីសន្លាងរាប់រយគ្រឿងទៅដល់ដៃទ័ព រុស្ស៊ី សម្រាប់ប្រយុទ្ធនៅតំបន់សឹក
ប្រភពមួយបានប្រាប់សារព័ត៌មាន Sputnik នៅថ្ងៃពុធនេះថា កងកម្លាំងប្រដាប់អាវុធរុស្ស៊ីបានទទួលរថក្រោះដែលទើបផលិតថ្មីៗជាច្រើនរយគ្រឿង ដែលភាគច្រើនជារថក្រោះធុន T-90M Proryv និងរថក្រោះ T-72B3M សម្រាប់ប្រើប្រាស់ក្នុងតំបន់ប្រតិបត្តិការសឹកនៅប្រទេសអ៊ុយក្រែន ។
ប្រភពបាននិយាយទៀតថា “រថក្រោះដែលទើបតែបញ្ជូនទៅឲ្យកងកម្លាំងប្រដាប់អាវុធរុស្ស៊ីទាំងនេះ មានលក្ខណៈបច្ចេកទេស និងយុទ្ធសាស្ត្រ ក៏ដូចជាទាំងប្រព័ន្ធគ្រប់គ្រងភ្លើង និងការចល័ត ស្ទើរតែលើសកម្រិតនៃរថក្រោះទំនើបបំផុតរបស់បរទេសទៅទៀត” ។
ជាមួយគ្នានេះ ទាំងរថក្រោះ T-90M និងរថក្រោះ T-72B3M មានសមត្ថភាពអស្ចារ្យ និងខ្លាំងលើសរថក្រោះប្រយុទ្ធដែលកងទ័ពអ៊ុយក្រែនកំពុងមាន ឬនឹងទទួលបានក្នុងពេលដ៏ខ្លីខាងមុខនេះពីប្រទេសណាតូផងដែរ ។ លើសពីនេះទៅទៀត រថក្រោះ T-90M និង T-72B3M ត្រូវបានបំពាក់ដោយឧបករណ៍ការពារ ក៏ដូចជាប្រឆាំងនឹងអាវុធប្រឆាំងរថក្រោះទំនើបៗ ស្ទើរតែគ្រប់ជ្រុងទាំងអស់ ។
គួរបញ្ជាក់ថា ប្រទេសលោកខាងលិចបាននឹងកំពុងផ្គត់ផ្គង់នូវប្រព័ន្ធសព្វាវុធជាច្រើនប្រភេទ រួមទាំងកាំជ្រួចការពារដែនអាកាស ប្រព័ន្ធបាញ់គ្រាប់រ៉ុកកែតជាច្រើន រថក្រោះ កាំភ្លើងធំ និងកាំភ្លើងបាញ់យន្តហោះទៅឲ្យអ៊ុយក្រែន ចាប់តាំងពីរុស្ស៊ីបើកការវាយលុកលើអ៊ុយក្រែនកាលពីជាងមួយឆ្នាំមុន ។
ពាក់ព័ន្ធនឹងបញ្ហានេះដែរ ទីក្រុងមូស្គូបានព្រមានម្តងហើយម្តងទៀតថា ការប្រគល់អាវុធណាមួយឲ្យអ៊ុយក្រែន គឺមិនរួមចំណែកដល់ដំណោះស្រាយដោយសន្តិវិធីនោះទេ ហើយថែមទាំងធ្វើឲ្យជម្លោះកាន់តែរីកធំឡើងផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ហេតុអ្វីបានជាលោក ពូទីន សម្រេចចិត្តដាក់ពង្រាយអាវុធនុយក្លេអ៊ែរនៅ បេឡារុស?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ