អត្ថាធិប្បាយ
ហេតុអ្វីបានជាលោក ពូទីន សម្រេចចិត្តដាក់ពង្រាយអាវុធនុយក្លេអ៊ែរនៅ បេឡារុស?
បន្ទាប់ពីសេចក្ដីប្រកាសរបស់លោកប្រធានាធិបតីរុស្ស៊ី វ្ល៉ាឌីមៀរ ពូទីន អំពីការដាក់ពង្រាយអាវុធនុយក្លេអ៊ែរយុទ្ធសាស្ត្រនៅលើទឹកដីនៃប្រទេសបេឡារុស បានធ្វើឲ្យមានការថ្កោលទោស និងខឹងសម្បារយ៉ាងខ្លាំងពីសំណាក់អង្គការណាតូ ។

ដូច្នេះតើហេតុអ្វីបានជាលោក ពូទីន សម្រេចដាក់ពង្រាយអាវុធនុយក្លេអ៊ែរលើទឹកដីប្រទេសបេឡារុស?
ការសម្រេចចិត្តដាក់ពង្រាយអាវុធនុយក្លេអ៊ែររបស់លោក ពូទីន នៅក្នុងប្រទេសបេឡារុស គឺដើម្បីជាការឆ្លើយតបទៅនឹងគោលនយោបាយគ្មានការទទួលខុសត្រូវរបស់អង់គ្លេស ក្រោយពេលដែលទីក្រុងឡុងដ៍ប្រកាសនឹងផ្ដល់គ្រាប់អ៊ុយរ៉ានីញ៉ូមទៅឲ្យអ៊ុយក្រែន ។
លោក ធៀរី ម៉ារីអានី (Thierry Mariani) សមាជិកសភាអឺរ៉ុបមកពីប្រទេសបារាំងបានប្រាប់សារព័ត៌មាន TASS កាលពីថ្ងៃអង្គារថា “ការសម្រេចចិត្តរបស់អង់គ្លេសក្នុងការផ្តល់គ្រាប់អ៊ុយរ៉ានីញ៉ូមដល់ទីក្រុងកៀវ គឺពិតជាបញ្ហាដ៏ធ្ងន់ធ្ងរដែលមិនអាចមើលរម្លងបាន ដោយសារតែគ្រាប់ផ្ទុកជាតិវិទ្យុសកម្មប្រភេទនេះ គឺបំផ្លាញខ្លាំងជាងគ្រាប់បែកធម្មតាទៅទៀត” ។

សមាជិកសភារូបនេះបាននិយាយថា “តាមពិត កងកម្លាំងណាតូបានពង្រាយអាវុធនុយក្លេអ៊ែរជាយូរមកហើយនៅជិតព្រំដែនរុស្ស៊ី ដូច្នេះវាមិនខុសអ្វីពីការចាក់សាំងលើភ្លើងកំពុងឆេះនោះទេ ហើយខ្ញុំចាត់ទុក ការសម្រេចចិត្តរបស់លោក ពូទីន សម្រាប់កិច្ចព្រមព្រៀងរវាងទីក្រុងមូស្គូ និងទីក្រុងមីន ស្ដីពីការដាក់ពង្រាយអាវុធនុយក្លេអ៊ែរ គឺជារឿងត្រឹមត្រូវ” ។
លោក ម៉ារីអានី បានបញ្ជាក់ទៀតថា “អស់រយៈពេល ៤ សតវត្សមកហើយ ទីក្រុងឡុងដ៍បានព្យាយាមបំបែកទ្វីបអឺរ៉ុប ជាពិសេសអង់គ្លេសតែងតែគាំទ្រដល់ជម្លោះលើទឹកដីអឺរ៉ុប” ។

កន្លងមកសម្ព័ន្ធមិត្តរបស់លោក ពូទីន គឺប្រធានាធិបតីបេឡារុសលោក លោក អាឡិចសាន់ឌឺ លូកាសិនកូ (Alexander Lukashenko) ក៏ធ្លាប់បានព្រមានផងដែរថា ចក្រភពអង់គ្លេសនឹងទទួលបានមេរៀន និងការសងសឹកដ៏គួរឲ្យភ័យខ្លាច ប្រសិនបើរដ្ឋាភិបាលទីក្រុងឡុងដ៍ពិតជាបញ្ជូនគ្រាប់អ៊ុយរ៉ានីញ៉ូមទៅឲ្យអ៊ុយក្រែនបា្រកដមែន ។
ពាក់ព័ន្ធនឹងបញ្ហាបញ្ជូនគ្រាប់អ៊ុយរ៉ានីញ៉ូមនេះ វាក៏ហាក់ដូចជាបង្ហាញពីចេតនាច្បាស់ៗរបស់ប្រទេសលោកខាងលិចដែលដឹកនាំដោយសហរដ្ឋអាមេរិក និងចក្រភពអង់គ្លេស ដែលពិតជាចង់ឃើញប្រទេសអ៊ុយក្រែនត្រូវបានកម្ទេចទាំងស្រុង មិនមែនចង់ឃើញអ៊ុយក្រែនឈានទៅរកការបញ្ចប់សង្គ្រាមដោយការចរចាឡើយ ៕

អត្ថបទ ៖ ជីវ័ន្ត

-
ព័ត៌មានអន្ដរជាតិ៥ ថ្ងៃ ago
ប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ១ សប្តាហ៍ ago
រុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
ជីវិតកម្សាន្ដ១៥ ម៉ោង ago
មាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានអន្ដរជាតិ៥ ថ្ងៃ ago
ត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៤ ថ្ងៃ ago
ស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៤ ថ្ងៃ ago
អាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៦ ថ្ងៃ ago
រុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៣ ថ្ងៃ ago
ខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ