ឡាវ និងវៀតណាម បង្កើនកិច្ចសហប្រតិបត្តិការប្រឆាំងឧក្រិដ្ឋកម្មឆ្លងដែន

នាយកដ្ឋានប៉ូលិសរបស់ប្រទេសឡាវ និង​វៀតណាម បានចុះហត្ថលេខាលើកិច្ចសហការគ្នា​ ដើម្បីជំរុញ​កិច្ចសហប្រតិបត្តិការ​ប្រយុទ្ធប្រឆាំង​នឹងឧក្រិដ្ឋកម្មឆ្លងដែនរវាងប្រទេសទាំងពីរ ។

សារព័ត៌មានឡាវបានចុះផ្សាយថា ពិធីចុះហត្ថលេខាមួយនេះត្រូវបានធ្វើឡើងនៅក្នុងរដ្ឋធានីវៀងច័ន្ទប្រទេសឡាវកាលពីថ្ងៃពុធ ហើយកិច្ចព្រមព្រៀងនេះគឺជាការឯកភាពគ្នារវាងនាយកដ្ឋានប៉ូលិសជាតិនៃក្រសួងសន្តិសុខសាធារណៈរបស់ប្រទេសឡាវ ជាមួយភ្នាក់ងារស៊ើបអង្កេតប៉ូលិសក្រោមក្រសួងសន្តិសុខសាធារណៈរបស់ប្រទេសវៀតណាម ។

នៅក្រោមកិច្ចព្រមព្រៀងនេះដែរ ភាគីទាំងពីរនឹងចែករំលែកព័ត៌មានស្តីពីការងារប៉ូលិស ការរត់ពន្ធគ្រឿងញៀន ការជួញដូរមនុស្ស ឧក្រិដ្ឋកម្មសេដ្ឋកិច្ច ការស៊ើបអង្កេតឧក្រិដ្ឋកម្ម និងការចាប់ខ្លួនឧក្រិដ្ឋជននៅក្នុងប្រទេសទាំងពីរ រួមទាំងបញ្ហាផ្សេងៗទៀតជាដើម ៕

ប្រែសម្រួលដោយ ៖ នាង រតនៈ

ប្រភព ៖ Xinhua

ចុចអាន ៖ ដឹងទេ សំបុត្រចូលទស្សនាពិធីបើកកីឡាស៊ីហ្គេមឆ្នាំមុននៅ វៀតណាម ចែក ដោយឥតគិតថ្លៃ ឬលក់យកលុយ?