ព័ត៌មានអន្ដរជាតិ
ឥណ្ឌា ទិញប្រេងពី រុស្ស៊ី លក់ឲ្យអឺរ៉ុប
ទីភ្នាក់ងារព័ត៌មាន Reuters បានចុះផ្សាយកាលពីពេលថ្មីៗនេះថា រោងចក្រចម្រាញ់ប្រេងឥណ្ឌាបានបង្កើនការផ្គត់ផ្គង់ប្រេងម៉ាស៊ូត និងប្រេងយន្តហោះទៅកាន់សហភាពអឺរ៉ុប (EU) បន្ទាប់ពីប្រទេសនេះបង្កើនការទិញប្រេងពីរុស្ស៊ីយ៉ាងច្រើនក្នុងកំណត់ត្រាមិនធ្លាប់មានក្នុងឆ្នាំ ២០២២-២០២៣ ។
ការចុះផ្សាយនោះបានឲ្យដឹងទៀតថា EU ដែលនាំគ្នាដាក់ទណ្ឌកម្មរុស្ស៊ី បានប្រើប្រាស់ឥណ្ឌាធ្វើជាទ្វាក្រោយដើម្បីទិញប្រេងពីក្រុងមូស្គូ ដោយសារតែឥណ្ឌានាំចូលបរិមាណប្រេងជាច្រើនបារ៉ែលពីរុស្ស៊ី និងក្នុងតម្លៃទាប ។
នៅឆ្នាំ ២០២២-២០២៣ ក្រុមហ៊ុនចម្រាញ់ប្រេងឥណ្ឌាបានទិញប្រេងរុស្ស៊ីពី ៩៧ ម៉ឺនទៅ ៩៨១,០០០ បារ៉ែលក្នុងមួយថ្ងៃដែលស្មើនឹង ១ ភាគ ៥ នៃការនាំចូលសរុបរបស់ប្រទេសដែលមានចន្លោះពី ៤.៥ លានទៅ ៤.៦ លានបារ៉ែលក្នុងមួយថ្ងៃ ។
ស្របពេលជាមួយគ្នានេះ តាមរយៈការបញ្ចុះតម្លៃប្រេងឆៅពីរុស្ស៊ី បានធ្វើឲ្យឥណ្ឌាជម្រុញកែឆ្នៃប្រេង និងលក់ទៅកាន់សហភាពអឺរ៉ុប ក្នងតម្លៃប្រកួតប្រជែងមួយ ។
យោងតាមក្រុមហ៊ុនទិន្នន័យ Kpler បានឲ្យដឹងថា ឥណ្ឌាបានផ្គត់ផ្គង់ប្រេងម៉ាស៊ូត និងប្រេងឥន្ធនៈយន្តហោះជាមធ្យម ១៥៤,០០០ បារ៉ែលក្នុងមួយថ្ងៃដល់ EU មុនពេលមានជម្លោះនៅអ៊ុយក្រែន ប៉ុន្តែឥឡូវបរិមាណផ្គត់ផ្គង់នេះបានកើនឡើងដល់ ២០ ម៉ឺនបារ៉ែលក្នុងមួយថ្ងៃ។
ដោយឡែកតាមការព្យាករណ៍នៅចុងឆ្នាំក្រោយនេះ ការនាំចេញប្រេងម៉ាស៊ូតរបស់ឥណ្ឌាទៅកាន់ទ្វីបអឺរ៉ុប នឹងកើនឡើងពី ១២ ទៅ ១៦ ភាគរយ ស្មើនឹង ១៥ ម៉ឺនទៅ ១៦៧,០០០ បារ៉ែលក្នុងមួយថ្ងៃ ។
Kpler បានឲ្យដឹងទៀតថា អឺរ៉ុបមានចំណែកប្រហែល ៥០ ភាគរយនៃការនាំចេញប្រេងឥន្ធនៈយន្តហោះរបស់ឥណ្ឌា ដោយក្នុងនោះប្រទេសបារាំង តួកគី បែលហ្ស៊ិក និងហូឡង់ ស្ថិតក្នុងចំណោមប្រទេសប្រើប្រាស់ឥន្ធនៈឥណ្ឌាច្រើនជាងគេ ។
គួរឲ្យដឹងថា ឥណ្ឌាដែលជាប្រទេសនាំចូលប្រេងឆៅធំជាងគេទី ៣ របស់ពិភពលោក បានចាប់ផ្តើមជំរុញការទិញប្រេងពីរុស្ស៊ីភ្លាមៗ បន្ទាប់ពីផ្ទុះប្រតិបត្តិការសឹកទៅលើអ៊ុយក្រែន និងការដាក់ទណ្ឌកម្មពីសំណាក់លោកខាងលិច ហើយ តាមរយៈតួរលេខនេះ រុស្ស៊ីក្លាយជាមេកំពូលផ្គត់ផ្គង់ប្រេងដល់ឥណ្ឌា ៕
ប្រែសម្រួលដោយ ៖ នាង រតនៈ
ប្រភព ៖ RT
ចុចអាន ៖ EU ថា ចិន មានឥទ្ធិលពលបំផុតក្នុងការដោះស្រាយសន្តិភាពនៅ អ៊ុយក្រែន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ