ព័ត៌មានអន្ដរជាតិ
EU ថា ចិន មានឥទ្ធិលពលបំផុតក្នុងការដោះស្រាយសន្តិភាពនៅ អ៊ុយក្រែន
ប្រធានគណៈកម្មការអឺរ៉ុបលោកស្រី Ursula von der Leyen បានប្រាប់ប្រព័ន្ធផ្សព្វផ្សាយកាលពីថ្ងៃអង្គារថា មានតែប្រទេសចិនប៉ុណ្ណោះដែលមានឥទ្ធិពលលើប្រទេសរុស្ស៊ីសម្រាប់ការរួមចំណែកដល់ការដោះស្រាយដោយសន្តិវិធីនៃជម្លោះអ៊ុយក្រែន ។
លោកស្រី von der Leyen បាននិយាយថា “ប្រទេសចិនស្ថិតនៅក្នុងទីតាំងមួយដ៏មានឥទ្ធិពលលើប្រទេសរុស្ស៊ីក្នុងការកសាងទំនួលខុសត្រូវសម្រាប់សណ្តាប់ធ្នាប់អន្តរជាតិ” ។
ស្របពេលជាមួយគ្នានេះ លោកស្រី von der Leyen ក៏បានសង្កត់ធ្ងន់លើសារៈសំខាន់នៃការរក្សាបណ្តាញការទូតបើកចំហររវាងសហភាពអឺរ៉ុប និងចិន ក៏ដូចជាតម្រូវការដើម្បី “កាត់បន្ថយហានិភ័យ” ទំនាក់ទំនងជាមួយទីក្រុងប៉េកាំង ជំនួសឲ្យការទទួលយកទាំងស្រុងនូវគោលនយោបាយរបស់សហរដ្ឋអាមេរិកនៃការឃ្លាតឆ្ងាយពីប្រទេសអាស៊ី ។
ទន្ទឹមនោះ ប្រធានគណៈកម្មការអឺរ៉ុបរូបនេះក៏គ្រោងនឹងអមដំណើរប្រធានាធិបតីបារាំងលោក Emmanuel Macron ក្នុងដំណើរទស្សនកិច្ចរបស់លោកទៅប្រទេសចិនពីថ្ងៃទី ៥ ដល់ថ្ងៃទី ៧ ខែមេសានេះ តាមការអញ្ជើញរបស់លោក Xi ខណៈរបៀបវារៈនៃកិច្ចពិភាក្សានេះត្រូវបានគេរំពឹងថា នឹងរួមបញ្ចូលជម្លោះអ៊ុយក្រែន និងទំនាក់ទំនងសហភាពអឺរ៉ុប-ចិន ។
គួររំឭកថា កាលពីខែកុម្ភៈ ប្រទេសចិនបានបញ្ចេញឯកសារចំនួន ១២ ចំណុចដែលមានខ្លឹមសារថា “ជំហររបស់ចិនលើដំណោះស្រាយនយោបាយនៃវិបត្តិអ៊ុយក្រែន” ដែលបញ្ជាក់ពីការគោរពចំពោះអធិបតេយ្យភាពរបស់ប្រទេសទាំងអស់ ក៏ដូចជាបញ្ឈប់អរិភាព និងការបន្តការចរចាសន្តិភាពរវាងទីក្រុងមូស្គូ និងកៀវ ហើយនៅក្នុងឯកសារនោះ ទីក្រុងប៉េកាំងក៏បានថ្កោលទោសចំពោះការរំលោភបំពាននៃទណ្ឌកម្មឯកតោភាគីផងដែរ ដោយលើកឡើងថា ប្រទេសទាំងពីរមិនបានរួមចំណែកដល់ការដោះស្រាយវិបត្តិនោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ លោក វ៉ាង យី ព្រមាន ជប៉ុន កុំឲ្យធ្វើតាមគោលនយោបាយរបស់ អាមេរិក ចំពោះ ចិន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ