លោក ពូទីន​ ប្រកាសថា រុស្ស៊ី នឹងមិនគោរពច្បាប់ ដែលបង្កើតឡើងដោយនរណាម្នាក់ទេ

ក្នុងកិច្ចប្រជុំក្រុមប្រឹក្សានីតិប្បញ្ញត្តិរបស់រុស្ស៊ីនៅទីក្រុង St. Petersburg, ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីថ្ងៃសុក្រទី២៨ខែមេសាថា ទីក្រុងមូស្គូ នឹងមិនគោរពតាមច្បាប់ដែលបង្កើត និងដាក់ចេញដោយប្រទេសមួយចំនួននោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន និយាយថា បច្ចុប្បន្នរុស្ស៊ីកំពុងស៊ូទ្រាំនឹង “ការឈ្លានពានសេដ្ឋកិច្ច” ពីសមូហភាពលោកខាងលិច។ ទន្ទឹមនោះ លោកក៏បានជំរុញឲ្យសមាជិកសភា ក៏ដូចជាអាជ្ញាធររបស់ប្រទេស ត្រូវធ្វើការឲ្យសកម្ម ជាជាងព្យាយាមរង់ចាំឲ្យឆ្លងផុតរយៈពេលដ៏លំបាកផងដែរ។

លោកបានសង្កត់ធ្ងន់ថា គោលដៅចុងក្រោយគឺបង្កើតមូលដ្ឋានសម្រាប់ការអភិវឌ្ឍរយៈពេលវែង ឯករាជ្យ និងជោគជ័យរបស់ប្រទេស។ លោក កត់សម្គាល់ថា ប្រព័ន្ធការទូតអន្តរជាតិបានរលត់ទៅវិញ ហើយប្រទេសមួយចំនួន បានដាក់ចេញនូវច្បាប់របស់ពួកគេជំនួសវិញ។ ដៃគូរបស់យើង នៅក្នុងប្រទេសមួយចំនួនកំពុងបំផ្លាញក្របខ័ណ្ឌច្បាប់ និងបណ្តាញទំនាក់ទំនងដោយចេតនា។ ពួកគេព្យាយាមដាក់ទស្សនៈរបស់ពួកគេ និងអ្វីដែលគេហៅថាច្បាប់ លើមនុស្សគ្រប់គ្នា។ តើមានច្បាប់អ្វីខ្លះ? គ្មាននរណាម្នាក់មើលឃើញនោះទេ”។

ក្នុងពេលជាមួយគ្នានេះ លោក ពូទីន ពន្យល់ថា រុស្ស៊ីមិនចង់បំបែកចេញពីគេទេ ហើយនៅតែត្រៀមខ្លួនដើម្បីធ្វើកិច្ចសហប្រតិបត្តិការដោយស្មើភាពជាមួយប្រទេសជាមិត្ត។ យើងនឹងពង្រីកទំនាក់ទំនងភាពជាដៃគូប្រកបដោយប្រសិទ្ធភាព ស្មើភាព ផលប្រយោជន៍ទៅវិញទៅមក និងផ្តាច់មុខជាមួយបណ្តាប្រទេសជាមិត្តនៅអឺរ៉ាស៊ី អាហ្វ្រិក និងអាមេរិកឡាទីន៕

ប្រែសម្រួល៖ Vann Vann

ប្រភព៖ RT

ចុចអាន៖ លោក ពូទីន ជួបរដ្ឋមន្ត្រីការពារជាតិចិន នៅ មូស្គូ ដើម្បីពង្រឹងទំនាក់ទំនងយោធា