លោក ពូទីន ជួបរដ្ឋមន្ត្រីការពារជាតិចិន នៅ មូស្គូ ដើម្បីពង្រឹងទំនាក់ទំនងយោធា

លោក វ្ល៉ាឌីមៀរ ពូទីន បានជួបរដ្ឋមន្ត្រីការពារជាតិចិន លោក លី សាងហ្វូ នៅទីក្រុងមូស្គូ ខណៈប្រធានាធិបតីរុស្ស៊ី បានសាទរចំពោះកិច្ចសហប្រតិបត្តិការយោធារវាងប្រទេសទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ច​ប្រជុំ​នេះ ​ត្រូវ​បាន​ធ្វើ​ឡើង​នៅ​វិមាន​ក្រឹមឡាំង​កាល​ពី​ថ្ងៃ​អាទិត្យទី១៦ខែមេសា ហើយរដ្ឋមន្ត្រីការពារជាតិរុស្ស៊ី លោក សឺហ្គៃ សូយហ្គូ ក៏បានចូលរួមផងដែរ។

នៅពេលចាប់ផ្តើមកិច្ចពិភាក្សា លោកពូទីននិយាយថា រុស្ស៊ីនិងចិន ជាទៀងទាត់បានដោះដូរព័ត៌មានមានប្រយោជន៍ ធ្វើការរួមគ្នាក្នុងវិស័យកិច្ចសហប្រតិបត្តិការបច្ចេកទេសយោធា និងធ្វើសមយុទ្ធរួមគ្នានៅក្នុងតំបន់ចុងបូព៌ានិងអឺរ៉ុប។

ស្របពេលជាមួយគ្នានោះ លោក លី បានលើកសរសើរថា ទំនាក់ទំនងរបស់ប្រទេសចិននិងរុស្ស៊ី គឺប្រសើរជាងសហជីពនយោបាយយោធានៃសម័យសង្គ្រាមត្រជាក់ ទៅទៀត។

គួរបញ្ជាក់ថា លោក លី គ្រោងនឹងជួបពិភាក្សាជាមួយមន្ត្រីយោធាជាន់ខ្ពស់ ហើយធ្វើទស្សនកិច្ចនៅសាលាយោធា ក្នុងអំឡុងពេលបំពេញទស្សនកិច្ចប្រទេសរុស្ស៊ី ចាប់ពីថ្ងៃអាទិត្យទី១៦ខែមេសា ដល់ថ្ងៃពុធទី១៩ខែមេសា។

ជាក់ស្តែង ប្រទេសទាំងពីរមានបំណងបង្ហាញពីភាពរឹងមាំនៃទំនាក់ទំនងរបស់ពួកគេ ដើម្បីប្រឆាំងនឹងសម្ពាធពីសហរដ្ឋអាមេរិក ក៏ដូចជាពីប្រទេសដទៃទៀតដែរ៕

ប្រែសម្រួល៖ Vann Vann

ប្រភព៖ NHK

ចុចអាន៖ លោក ពូទីន បញ្ជាក់ច្បាស់ៗ ចំពោះព័ត៌មានថា រុស្ស៊ី និងចិន បង្កើតសម្ព័ន្ធភាពយោធាជាមួយគ្នា