ព័ត៌មានអន្ដរជាតិ
ឆ្នាំក្រោយ ថៃ ដាក់គោលដៅផលិតពូជស្រូវថ្មីចំនួន ៣០ ប្រភេទដើម្បីប្រកួតប្រជែងការនាំចេញ
ប្រទេសថៃកំពុងបង្កើនការប្រកួតប្រជែងការនាំចេញអង្ករដើម្បីបំពេញតម្រូវការទីផ្សារ ហើយថែមទាំងប្តេជ្ញាផលិត និងសម្រេចឲ្យបានពូជស្រូវថ្មីចំនួន ៣០ ប្រភេទផងដែរសម្រាប់នៅឆ្នាំក្រោយ ។
រដ្ឋមន្ត្រីក្រសួងពាណិជ្ជកម្មលោក Jurin Laksanawisit បាននិយាយថា ចំណុចខ្សោយមួយរបស់ថៃ គឺកង្វះភាពចម្រុះនៃផលិតផលអង្ករនៅលើទីផ្សារ ដែលជំរុញឲ្យថៃពន្លឿនការអភិវឌ្ឍន៍ពូជស្រូវថ្មីដើម្បីប្រកួតជាមួយគូប្រជែង ។
ដូចនេះ ថៃបានរៀបចំផែនការរយៈពេល ៥ ឆ្នាំ ដើម្បីសម្រេចឲ្យបានការអភិវឌ្ឍពូជស្រូវថ្មីចំនួន ៣០ ប្រភេទនៅឆ្នាំ ២០២៤ ហើយនៅឆ្នាំក្រោយ ថៃបានកំណត់ការអភិវឌ្ឍន៍ពូជស្រូវថ្មីសម្រាប់ធ្វើពាណិជ្ជកម្មចំនួន ១២ ប្រភេទទៀតដោយក្នុងចំណោមពូជថ្មីនោះ មាន ៤ ប្រភេទជាគ្រាប់អង្កររឹង, ៤ ប្រភេទជាប្រភេទអង្ករទន់, ២ ប្រភេទជាអង្ករក្រអូបថៃ និង ២ ប្រភេទទៀតជាអង្ករមានជីវជាតិខ្ពស់ ខណៈមកដល់ពេលនេះ ថៃសម្រេចបាន ២១ ប្រភេទរួចទៅហើយ ។
បើតាមការបញ្ជាក់ពីរដ្ឋមន្ត្រីក្រសួងពាណិជ្ជកម្មថៃបានឲ្យដឹងទៀតថា ឆ្នាំនេះថៃដាក់គោលដៅប្រជែងយកតំណែងពីវៀតណាមវិញ ដោយសារតែឥណ្ឌា និងវៀតណាម គឺជាប្រទេសលំដាប់លេខ ២ នាំចេញអង្ករធំបំផុតទៅកាន់ទីផ្សារពិភពលោក ។
ដោយឡែកប្រធានសមាគមនាំចេញអង្ករថៃ ក៏បានឲ្យដឹងដែរថា នៅឆមាសទី២ ថៃដាក់ក្ដីរំពឹងនឹងនាំចេញអង្ករដែលមានទាំងបរិមាណច្រើន និងគុណភាពខ្ពស់ ខណៈនៅក្នុងឆមាសទី១ ថៃសម្រេចបានការនាំចេញអង្ករចំនួន ៤ លានតោន ។
គួរបញ្ជាក់ថា កាលពីឆ្នាំមុន ថៃបាននាំចេញអង្ករចំនួន ៧.៧ លានតោន ហើយរំពឹងនឹងសម្រេចឲ្យបានចំនួន ៨ លានតោននៅឆ្នាំនេះ ៕
ប្រែសម្រួល៖ នាង រតនៈ
ប្រភព៖ Bangkok Posts
-
ព័ត៌មានជាតិ១ សប្តាហ៍ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
សេដ្ឋកិច្ច៣ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៤ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ១ សប្តាហ៍ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានជាតិ៧ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ព័ត៌មានអន្ដរជាតិ១ សប្តាហ៍ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ជីវិតកម្សាន្ដ១ សប្តាហ៍ ago
តារាចម្រៀងហុងកុង Steven Cheung ធ្លាក់ខ្លួនខ្លាំង សូម្បីលុយបង់ភ្លើងក៏គ្មានផង
-
ព័ត៌មានអន្ដរជាតិ៧ ថ្ងៃ ago
ត្រីនៅ វៀតណាម ងាប់អណ្ដែតត្រៀបត្រាពេញផ្ទៃទឹក ខណៈរលកកម្ដៅកំពុងអុកឡុកខ្លាំង