ព័ត៌មានអន្ដរជាតិ
លោកស្រី អ៊ុងសាន ស៊ូជី នៅជាប់ឃុំខ្លួន ២៧ ឆ្នាំទៀត ទើបរួចទោសអស់
យោធាមីយ៉ាន់ម៉ាកាលពីថ្ងៃអង្គារបានប្រកាសលើកលែងទោសចំនួន ៥ ករណីដល់អតីតមេដឹកនាំជាប់ឆ្នោតតាមបែបលទ្ធិប្រជាធិបតេយ្យលោកស្រី អ៊ុងសាន ស៊ូជី ដែលជាប់ចោទក្នុងចំណោមសំណុំរឿងក្ដីក្ដាំសរុប ១៩ ករណី និងកាត់ទោសលោកស្រីឲ្យជាប់ពន្ធនាគារ ៣៣ ឆ្នាំ ។
ទន្ទឹមនោះ ៥ ករណីដែលយោធាមីយ៉ាន់ម៉ាដឹកនាំដោយលោក មីន អ៊ុងឡាំង ប្រកាសលើកលែងទោសដល់លោកស្រី អ៊ុងសាន ស៊ូជី គឺបន្ថយការជាប់ពន្ធនាគារត្រឹមតែរយៈពេល ៦ ឆ្នាំប៉ុណ្ណោះ ដូច្នេះអតីតមេដឹកនាំរដ្ឋាភិបាលស៊ីវិលវ័យ ៧៨ ឆ្នាំរូបនេះ នឹងនៅជាប់ក្ដីក្ដាំចំនួន ១៤ ករណី ហើយបន្តការចាប់ឃុំខ្លួននៅក្នុងផ្ទះរយៈពេល ២៧ ឆ្នាំទៀត ទើបរួចទោសទាន់អស់ ។
លោកស្រី អ៊ុងសាន ស៊ូជី ត្រូវបានចាប់ឃុំខ្លួន ចាប់តាំងពីយោធាបានដណ្តើមអំណាចក្នុងរដ្ឋប្រហារកាលពីថ្ងៃទី១ ខែកុម្ភៈ ឆ្នាំ ២០២១ ក្រោមបទចោទប្រកាន់សរុបចំនួន ១៩ ករណី រាប់ចាប់តាំងពីអំពើពុករលួយ រហូតដល់ការបំពានច្បាប់រឹតត្បិតជំងឺកូវីដ ១៩ ។
ស្របពេលជាមួយគ្នានោះ ចាប់តាំងពីការចាប់ខ្លួនលោកស្រី អ៊ុងសាន ស៊ូជី មក មីយ៉ាន់ម៉ាក៏ផ្ទុះភាពចលាចលនៅក្នុងប្រទេស ដើម្បីទាមទារឲ្យមានការដោះលែងលោកស្រី ខណៈក្នុងភាពចលាចលនោះក៏បណ្ដាលឲ្យមានការប៉ះទង្គិចគ្នារវាងជនស៊ីវិល និងកម្លាំងយោធាផងដែរ ។
យោងតាមទិន្នន័យរបស់អង្គការសហប្រជាជាតិ (UN) បានបង្ហាញថា យ៉ាងហោចណាស់មនុស្ស ២,៨៩០ នាក់បានបាត់បង់ជីវិតក្រោមកណ្តាប់ដៃបង្ក្រាបរបស់យោធា ខណៈដែលប្រជាជន ៧៦៧ នាក់ត្រូវបានចាប់ខ្លួន ហើយកុមារជាង ៥ លាននាក់ត្រូវការជំនួយមនុស្សធម៌ ចាប់តាំងពីយោធាឡើងកាន់អំណាចក្នុងរយៈពេល ២ ឆ្នាំចុងក្រោយនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Newsday
ចុចអាន ៖ តើលោកស្រី អ៊ុងសាន ស៊ូជី នៅសល់ក្ដីក្ដាំប៉ុន្មានករណីទៀត ទើបរួចទោស អស់?
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៧ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៧ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)