ដល់វេនអ៊ុយក្រែន ដាក់តាំងបង្ហាញខ្មោចរថក្រោះរុស្ស៊ី តម្រៀបជួរតាមផ្លូវ ដើម្បីបង្អួតវិញម្តង

កាលពីថ្ងៃចន្ទទី២១ខែសីហា ប្រទេសអ៊ុយក្រែន ​បាន​ដាក់តម្រៀបជួរខ្មោច​រថក្រោះ និងរថពាសដែក​របស់​រុស្ស៊ី​ ​នៅ​តាម​​ផ្លូវ​កណ្តាល​​រដ្ឋធានី កៀវ ខណៈ​​ប្រជាជន​អ៊ុយក្រែន ​ត្រៀម​ប្រារព្ធ​ទិវា​ឯករាជ្យ​ជាតិ​ក្នុង​សប្តាហ៍​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីបុណ្យជាតិ ដែលរំលឹកខួប៣២ឆ្នាំនៃឯករាជ្យភាពក្រោយសម័យសូវៀតនៅថ្ងៃព្រហស្បតិ៍នេះ បានកើតឡើង១៨ខែ បន្ទាប់ពីរុស្ស៊ី បើកការវាយលុកពេញទំហឹង លើអ្នកជិតខាងភាគខាងត្បូងរបស់ខ្លួន។

មនុស្សម្នាបានដើរតាមផ្លូវ Kreshchatyk ដោយសម្លឹងមើលយានប្រយុទ្ធដែលនៅសល់តែសម្បក និងគ្រឿងសឹកផ្សេងទៀត ដែលរៀបចំជាជួរយ៉ាងវែង។

អ្នកស្រី Natalia Koval អាយុ៥៩ឆ្នាំរស់នៅទីក្រុងកៀវ បានបង្ហាញអារម្មណ៍ភ័យរន្ធត់ចំពោះអ្វីដែលកើតឡើងនៅសមរភូមិ ប៉ុន្តែលោកស្រីមានទំនុកចិត្តថា នៅទីបំផុត អ៊ុយក្រែននឹងឈ្នះរុស្ស៊ី។

ចំណែកលោក Mark Omelchenko អាយុ២៣ឆ្នាំនិយាយថា គាត់ចូលចិត្តការតាំងបង្ហាញគ្រឿងសឹក របស់រុស្ស៊ីដែលខូច ហើយសង្ឃឹមថា ការធ្វើបែបនេះ នឹងបង្កើនស្មារតីប្រយុទ្ធរបស់ អ៊ុយក្រែន។

គួរបញ្ជាក់ថា ទិវាឯករាជ្យឆ្នាំនេះ ក៏កើតឡើងផងដែរចំពេលការវាយបករបស់អ៊ុយក្រែនលើរុស្ស៊ី កំពុងស្ថិតក្នុងដំណាក់កាលដ៏សំខាន់ ថ្វីបើមិនទទួលបានផ្លែផ្កាអ្វីគួរឲ្យកត់សម្គាល់ក៏ដោយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ រុស្ស៊ី តាំងបង្អួត គ្រឿងសឹកលោកខាងលិច ដែលខ្លួនរឹបអូសបានពីសមរភូមិ