ឯកអគ្គរដ្ឋទូតអ៊ីស្រាអែល ប្រដូចការវាយប្រហាររបស់ក្រុមហាម៉ាស់ ទៅនឹងព្រឹត្តិការណ៍ ថ្ងៃ១១ខែកញ្ញា នៅអាមេរិក

ការវាយប្រហារដ៏គួរឲ្យភ្ញាក់ផ្អើលដែលមិនធ្លាប់មានពីមុនមករបស់ក្រុមហាម៉ាស់ ប្រឆាំងនឹងអ៊ីស្រាអែល គឺដូចទៅនឹងការវាយប្រហារភេរវកម្មលើសហរដ្ឋអាមេរិកនៅថ្ងៃទី១១ខែកញ្ញាឆ្នាំ ២០០១ដែរ។ នេះបើតាមការអះអាងពីឯកអគ្គរដ្ឋទូតអ៊ីស្រាអែល ប្រចាំអង្គការសហប្រជាជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកអគ្គរដ្ឋទូតអ៊ីស្រាអែលប្រចាំអង្គការសហប្រជាជាតិ លោក Gilad Erdan បាននិយាយក្នុងទូរទស្សន៍ Fox News កាលពីថ្ងៃអាទិត្យទី៨ខែតុលាថា “នេះគឺជាថ្ងៃទី១១ខែ៩របស់យើង។ ទារក ស្ត្រី និងមនុស្សចាស់ ត្រូវបានអូសចេញពីផ្ទះ ចាប់ធ្វើជាចំណាប់ខ្មាំង”។

លោកនិយាយថា “សត្វទាំងនេះ នឹងទទួលបានការតបស្នងចំពោះអ្វីដែលពួកគេប្រព្រឹត្ត ហើយពួកគេនឹងដឹងថា អំពើឃោរឃៅទាំងនេះ មិនអាចប្រព្រឹត្តម្តងទៀតប្រឆាំងនឹងជនស៊ីវិលរបស់យើងបានឡើយ”។

របាយការណ៍គិតត្រឹមថ្ងៃអាទិត្យទី៨ខែតុលា ដែលចេញផ្សាយពីប្រទេសអ៊ីស្រាអែលបង្ហាញថា ជនជាតិអ៊ីស្រាអែលជាង ៧០០នាក់ត្រូវបានសម្លាប់ និង រាប់ពាន់នាក់រងរបួស ចាប់តាំងពីក្រុមហាម៉ាស់ បើកការវាយប្រហារដោយគ្រាប់រ៉ុកកែត ហើយក្រុមខ្មាន់កាំភ្លើង វាយប្រហារលើជនស៊ីវិល និងទាហាននៅតាមទីតាំងជាច្រើន នៅថ្ងៃសៅរ៍។

ទោះបីជាយ៉ាងណាក៏ដោយ ការ​ប្រយុទ្ធ​គ្នា​ដោយ​កាំភ្លើង​បាន​បន្ត​​តាម​ដង​ផ្លូវ ​ក្នុង​ប្រទេស​អ៊ីស្រាអែល​នៅ​ព្រឹក​ថ្ងៃ​អាទិត្យ ពោលគឺប្រហែល​២៤​ម៉ោង​បន្ទាប់​ពី​ការ​វាយ​ប្រហារអាកាស​ចាប់​ផ្តើម៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ៊ីស្រាអែល រំដោះបានចំណាប់ខ្មាំងមួយចំនួន និងសម្លាប់ ក្រុមភេរវករ ១០ នាក់