ព័ត៌មានអន្ដរជាតិ
លោក ពូទីន ឲ្យភាគីជម្លោះ អ៊ីស្រាអែល-ប៉ាឡេស្ទីន ធ្វើយ៉ាងណាបន្ថយផលប៉ះពាល់ដល់ជនស៊ីវិលមកនៅត្រឹមសូន្យ
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយនៅក្នុងកិច្ចពិភាក្សាជាមួយនាយករដ្ឋមន្ត្រីអ៊ីរ៉ាក់ លោក Mohammed Shia Al-Sudani ថា គ្រប់ភាគីទាំងអស់ក្នុងជម្លោះនៅអ៊ីស្រាអែលគួរតែខិតខំបញ្ចៀស ឬកាត់បន្ថយផលប៉ះពាល់ទៅដល់ជនស៊ីវិលឲ្យមកនៅត្រឹមសូន្យ ។
លោក ពូទីន បានលើកឡើងថា “ក្នុងកាលៈទេសៈណាក៏ដោយ ហើយមិនថាមានរឿងអ្វីកើតឡើងនៅទីនោះឡើយ គោលជំហររបស់រុស្ស៊ី និងអ៊ីរ៉ាក់ គឺការខូចខាត ក៏ដូចជាផលប៉ះពាល់ដល់ប្រជាពលរដ្ឋស៊ីវិល គួរតែត្រូវបានបញ្ចៀស និងកាត់បន្ថយមកនៅត្រឹមសូន្យ ហើយយើងសូមអំពាវនាវដល់ភាគីជម្លោះទាំងអស់ត្រូវតែធ្វើដូច្នេះ” ។
ការលើកឡើងរបស់លោក ពូទីន ត្រូវបានគេមើលឃើញថា កើតមានឡើងតែមួយថ្ងៃប៉ុណ្ណោះ បន្ទាប់ពីក្រុមប្រដាប់អាវុធហាម៉ាស់ប៉ាឡេស្ទីនបានប្រកាសពីការត្រៀមខ្លួនក្នុងការពិភាក្សាអំពីបទឈប់បាញ់ជាមួយអ៊ីស្រាអែល ប៉ុន្តែមិនមានបំណងចរចាអំពីជោគវាសនារបស់ចំណាប់ខ្មាំងនោះទេ ស្របពេលដែលការប្រយុទ្ធគ្នានៅតែបន្តកើតមានឡើង ។
ទន្ទឹមនោះ ជនបរទេសរាប់សិបនាក់ត្រូវបានសម្លាប់ រងរបួស ឬចាប់ជាចំណាប់ខ្មាំង ក្នុងអំឡុងការវាយលុកមិនធ្លាប់មានពីមុនពីសំណាក់ក្រុមប៉ាឡេស្ទីនហាម៉ាស់មកលើប្រទេសអ៊ីស្រាអែល ដែលបណ្តាលឲ្យមនុស្សរាប់ពាន់នាក់បាត់បង់ជីវិតនៅក្នុងប្រទេសអ៊ីស្រាអែល ខណៈ ១៥០ នាក់ផ្សេងទៀតត្រូវបានចាប់ជាចំណាប់ខ្មាំង ។
គួរបញ្ជាក់ថា រហូតមកដល់ពេលនេះការវាយប្រហារគ្នាទៅវិញទៅមករវាងក្រុមប៉ាឡេស្ទីនហាម៉ាស់ និងអ៊ីស្រាអែលដែលផ្ទុះឡើងនៅព្រឹកព្រលឹមថ្ងៃសៅរ៍ ទី៧ ខែតុលា បានសម្លាប់មនុស្សដល់ ៣,០០០ នាក់ ហើយក្នុងចំណោមអ្នកស្លាប់ទាំងនោះ ក៏មានពលរដ្ឋរុស្ស៊ីចំនួន ៤ នាក់ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ លោក ពូទីន បន្ទោសអាមេរិក ចំពោះសង្គ្រាម អ៊ីស្រាអែល-ប៉ាឡេស្ទីន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?