ព័ត៌មានអន្ដរជាតិ
តើមូលហេតុអ្វីខ្លះទើប ក្រុមហាម៉ាស់ បើកការវាយប្រហារមិនធ្លាប់មានលើ អ៊ីស្រាអែល?
ក្រុមប្រដាប់អាវុធហាម៉ាស់បានបើកការវាយប្រហារយ៉ាងសន្ធាប់មិនធ្លាប់មានទាល់តែសោះទាំងផ្លូវអាកាស ផ្លូវគោក ផ្លូវទឹកទៅលើប្រទេសអ៊ីស្រាអែលកាលពីថ្ងៃទី៧ ខែតុលា ខណៈការវាយឆ្មក់ទាំងនោះមានអ្នកដឹងតិចតួចប៉ុណ្ណោះអំពីដើមចម ក៏ដូចជាមូលហេតុពិតប្រាកដ ។
ពាក់ព័ន្ធនឹងបញ្ហានេះដែរ អ្នកនាំពាក្យក្រុមហាម៉ាស់ លោក Ali Barakeh បានប្រាប់សារព័ត៌មាន AP ថា ហេតុផលចម្បងសម្រាប់ការវាយប្រហារទ្រង់ទ្រាយធំមិនធ្លាប់មានពីមុនមករបស់ក្រុមហាម៉ាស់ គឺដោយសារតែសកម្មភាពរបស់រដ្ឋាភិបាលអ៊ីស្រាអែលទៅលើវិហារឥស្លាម Al-Aqsa នៅកណ្ដាលទីក្រុងហ្សេរុយសាឡឹម និងការដាក់សម្ពាធលើអ្នកទោសប៉ាឡេស្ទីននៅក្នុងប្រទេសអ៊ីស្រាអែល ។
លោក Barakeh បាននិយាយថា ការវាយប្រហារនេះគឺជាការសងសឹកចំពោះសកម្មភាពរបស់អ៊ីស្រាអែលប្រឆាំងនឹងវិហារអ៊ីស្លាម Al-Aqsa នៅតំបន់ Temple Mount នៃក្រុងយេរូសាឡឹម ។ ម្យ៉ាងទៀត ការគុំគួននេះក៏កើនមានឡើង ចាប់តាំងពីឆ្នាំ ២០១៤ ផងដែរ នៅពេលដែលអ៊ីស្រាអែលបើកប្រតិបត្តិការលើជ្រោយហ្គាហ្សាដែលប៉ាឡេស្ទីនអះអាងថាជាទឹកដីរបស់ខ្លួន ។
បន្ទាប់ពីកំហឹងនេះហើយ ក្រុមប្រដាប់អាវុធហាម៉ាស់ប៉ាឡេស្ទីន បានធ្វើការបណ្ដុះបណ្ដាលអ្នកប្រយុទ្ធរបស់ខ្លួន ហើយថែមទាំងផលិតគ្រាប់រ៉ុកកែតដោយខ្លួនឯងផងដែរដើម្បីទុកសម្រាប់វាយប្រហារមកលើអ៊ីស្រាអែល ហើយចាប់ពីពេលនោះមក ជម្លោះប្រដាប់អាវុធមួយនេះកាន់រីកធំឡើងៗ រហូតដល់ផ្ទុះការវាយប្រហារមិនធ្លាប់មានពីមុនមកបែបនេះ ។
ម្យ៉ាងទៀត ក្រុមហាម៉ាស់គ្រោងនឹងប្រើប្រាស់ជនជាតិអ៊ីស្រាអែលដែលត្រូវបានចាប់ខ្លួន សម្រាប់ការចរចាជាថ្នូរនឹងការដោះលែងជនជាតិប៉ាឡេស្ទីនដែលត្រូវបានឃុំខ្លួននៅក្នុងសហរដ្ឋអាមេរិក និងជនជាតិអារ៉ាប់ដែលត្រូវបានឃុំខ្លួននៅក្នុងពន្ធនាគាររបស់អ៊ីស្រាអែល ។
អ្នកនាំពាក្យក្រុមហាម៉ាស់ លោក Ali Barakeh បានប្រាប់សារព័ត៌មាន AP ទៀតថា “មានជនជាតិប៉ាឡេស្ទីនត្រូវបានឃុំខ្លួននៅអាមេរិក ក្រោមការចោទប្រកាន់ពីបទផ្តល់ហិរញ្ញប្បទានដល់ក្រុមហាម៉ាស់ ដូច្នេះយើងនឹងស្នើសុំឲ្យដោះលែងពួកគេ ជាពិសេសក្រុមហាម៉ាស់នឹងស្វែងរកការដោះលែងជនជាតិអារ៉ាប់ទាំងអស់ដែលត្រូវបានឃុំខ្លួនក្នុងប្រទេសអ៊ីស្រាអែល” ។
គួរបញ្ជាក់ថា រហូតមកដល់ពេលនេះការវាយប្រហារគ្នាទៅវិញទៅមករវាងក្រុមប៉ាឡេស្ទីនហាម៉ាស់ និងអ៊ីស្រាអែលដែលផ្ទុះឡើងនៅព្រឹកព្រលឹមថ្ងៃសៅរ៍ ទី៧ ខែតុលា បានសម្លាប់មនុស្សជាង ៣,៦០០ នាក់ និងមានអ្នករងរបួសរាប់ពាន់នាក់ផងដែរ ខណៈជនបរទេសរាប់សិបនាក់ត្រូវបានសម្លាប់ រងរបួស ឬចាប់ជាចំណាប់ខ្មាំង ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ អ៊ីស្រាអែល បញ្ជូនរថក្រោះទៅតំបន់ហ្គាហ្សាមុនការវាយប្រហារពេញបន្ទុកកើតឡើង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?