Connect with us

ព័ត៌មានអន្ដរជាតិ

រុស្ស៊ី អរគុណ កូរ៉េខាងជើង ដែលបានគាំទ្រឥតងាករេចំពោះសង្គ្រាមលើ អ៊ុយក្រែន

បានផុស

នៅ

រដ្ឋមន្ត្រីការបរទេសរុស្ស៊ីលោក Sergei Lavrov បានថ្លែងអំណរគុណដល់ប្រទេសកូរ៉េខាងជើងសម្រាប់ការគាំទ្រសង្គ្រាមរបស់ខ្លួននៅប្រទេសអ៊ុយក្រែន ហើយបានសន្យាថា រដ្ឋាភិបាលទីក្រុងមូស្គូនឹង “គាំទ្រពេញទំហឹង និងសាមគ្គីភាព” សម្រាប់មេដឹកនាំកូរ៉េខាងជើងលោក គីម ជុងអ៊ុន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Lavrov បានទៅដល់ទីក្រុងព្យុងយ៉ាងកាលពីថ្ងៃពុធ ទី១៨ ខែតុលា សម្រាប់កិច្ចប្រជុំ ក៏ដូចជាការរៀបចំទុកឲ្យហើយសម្រាប់ដំណើរទស្សនកិច្ចរបស់លោកប្រធានាធិបតី វ្ល៉ាឌីមៀរ ពូទីន ក្រោយបានបង្កើនកិច្ចសហប្រតិបត្តិការជាមួយកូរ៉េខាងជើងដែលមានភាពឯកោផ្នែកនយោបាយជាយូរមកហើយ ។

ថ្លែងនៅឯពិធីទទួលភ្ញៀវដែលរៀបចំឡើងដោយកូរ៉េខាងជើងកាលពីថ្ងៃពុធ លោក Lavrov បាននិយាយថា “ទីក្រុងមូស្គូឲ្យតម្លៃយ៉ាងជ្រាលជ្រៅទៅដល់រដ្ឋាភិបាលទីក្រុងព្យុងយ៉ាងសម្រាប់ការគាំទ្រឥតងាករេសម្រាប់សង្គ្រាមលើអ៊ុយក្រែនដែលរុស្ស៊ីហៅថា “ប្រតិបត្តិការយោធាពិសេស” ។

ទន្ទឹមនោះ ដំណើរទស្សនកិច្ចរយៈពេល ២ ថ្ងៃរបស់លោក Lavrov កើតឡើងត្រឹមតែរយៈពេល ១ ខែប៉ុណ្ណោះ បន្ទាប់ពីមេដឹកនាំកូរ៉េខាងជើងលោក គីម ជុងអ៊ុន បានធ្វើដំណើរដ៏កម្រមួយទៅកាន់ប្រទេសរុស្ស៊ី ហើយក៏បានអញ្ជើញលោក ពូទីន ទៅកាន់ទីក្រុងព្យុងយ៉ាងវិញផងដែរ ដើម្បីពិភាក្សាអំពីកិច្ចសហប្រតិបត្តិការយោធា ។

ពាក់ព័ន្ធនឹងបញ្ហានេះដែរ លោក Lavrov បានបញ្ជាក់ថា ដំណើរទស្សនកិច្ចរបស់រុស្ស៊ីមកកាន់កូរ៉េខាងជើងនៅសប្តាហ៍នេះនឹងផ្តល់ “ឱកាសមាស” ដើម្បីពិនិត្យឡើងវិញ ក៏ដូចជារ៉ាយរ៉ាប់ពីជំហានជាក់ស្តែងសម្រាប់ការអនុវត្តកិច្ចព្រមព្រៀងដែលបានសម្រេចកាលពីពេលកន្លងមករវាងមេដឹកនាំទាំងពីរ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ តុលាការឧក្រិដ្ឋកម្មអន្តរជាតិ ICC នៅស្ងៀមរឿង អ៊ីស្រាអែល វាយប្រហារសម្លាប់ជនស៊ីវិលនៅហ្គាហ្សា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៦ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៣ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៦ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៣ ម៉ោង មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

ព័ត៌មានជាតិ៥ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម