Connect with us

ព័ត៌មានអន្ដរជាតិ

ភ្លើងសង្គ្រាមដំណាក់កាលទី ៣ នៅហ្គាហ្សា លោក Netanyahu សុំពេល​កន្លះឆ្នាំ

បានផុស

នៅ

នាយករដ្ឋមន្ត្រីអ៊ីស្រាអែល លោក Benjamin Netanyahu បានប្រាប់ក្រុមរដ្ឋមន្ត្រីនៅខុទ្ទកាល័យរបស់លោកថា ភ្លើងសង្គ្រាមដំណាក់កាលទី ៣ នៅតំបន់ហ្គាហ្សានឹងចាយពេលរហូតដល់ ៦ ខែឯណោះ ដោយសារតែកម្លាំងទ័ពអ៊ីស្រាអែលជាប់ដៃប្រយុទ្ធរួចទៅហើយនៅភាគខាងជើងតំបន់មួយនេះ ។ នេះបើយោងតាមទូរទស្សន៍អ៊ីស្រាអែល KAN រាយការណ៍កាលពីថ្ងៃទី២៣ ខែមករាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនាយករដ្ឋមន្ត្រីលើកឡើងទៀតថា ដំណាក់កាលទី ៣ នេះអូសបន្លាយពេលយូរជាងដំណាក់កាលទី១ និងទី២ ដោយសារតែយុទ្ធសាស្ត្រដំណាក់ដំបូងនោះ គឺដាក់ផ្ទាំងស៊ីបតែលើប្រតិបត្តិការទម្លាក់គ្រាប់បែកតាមអាកាសប៉ុណ្ណោះ ហើយជាក់ស្ដែងបានចាយពេលបិទបញ្ចប់ត្រឹម ៣ សប្ដាហ៍ ។

ពាក់ព័ន្ធនឹងបញ្ហានេះ លោករដ្ឋមន្ត្រីការពារជាតិ Yoav Gallant ធ្លាប់បានប្រាប់សារព័ត៌មាន CNN ហើយថា “ភ្លើងសង្គ្រាមជាមួយក្រុមប្រដាប់អាវុធប៉ាឡេស្ទីនហាម៉ាសក្នុងដំណាក់កាលចុងក្រោយនេះ កងកម្លាំងការពារអ៊ីស្រាអែល (IDF) នឹងដាក់មុខព្រួញនៅភាគខាងជើង និងភាគខាងត្បូងតំបន់ហ្គាហ្សា រួមទាំងការវាយឆ្មក់ ការបំផ្លាញផ្លូវរូងក្រោមដី ក៏ដូចជាការប្រហារមិនបន្ថូរដៃទាំងតាមផ្លូវអាកាស និងដីគោកជាដើម ជាពិសេសគឺការឈ្មុសឈ្មុលតាមរកមេដឹកនាំក្រុមហាម៉ាស ប៉ុន្តែត្រូវអូសពេលដល់កន្លះឆ្នាំឯណោះ” ។

យោងតាមការចុះផ្សាយដោយទីភ្នាក់ងារព័ត៌មាន Reuters កាលពីដើមខែមករាក៏បានឲ្យដឹងដែរថា ផែនការយុទ្ធសាស្ត្រដំណាក់កាលទី ៣ នេះក៏កំណត់អនាគតតំបន់ហ្គាហ្សា នៅក្រោយការបញ្ចប់ភ្លើងសង្គ្រាមមួយនេះផងដែរ ដោយក្នុងនោះលោករដ្ឋមន្ត្រីបានលើកឡើងថា ទាំងអ៊ីស្រាអែល និងក្រុមហាម៉ាសនឹងមិនមានសិទ្ធិតាំងខ្លួនជាអ្នកគ្រប់គ្រងតំបន់ហ្គាហ្សាទៀតនោះទេ ។

នៅពេលនោះ លោក Gallant បានបញ្ជាក់ថា អ៊ីស្រាអែលនឹងរក្សាសិទ្ធិសេរីភាពក្នុងការធ្វើប្រតិបត្តិការរបស់ខ្លួននៅតំបន់ហ្គាហ្សា ប៉ុន្តែលោកបានសង្កត់ធ្ងន់ថា ក្រោយពន្លត់ភ្លើងសង្គ្រាមមួយនេះ គឺនឹងមិនមានវត្តមានជនស៊ីវិលអ៊ីស្រាអែលទៅរស់នៅលើទឹកដីរបស់ប៉ាឡេស្ទីនឡើយ ។

គួរបញ្ជាក់ថា អ៊ីស្រាអែលបានបើកការវាយសន្ធាប់យ៉ាងមិនប្រណីដៃទាំងតាមផ្លូវអាកាស និងដីគោកលើតំបន់ហ្គាហ្សាស្ទ្រីបដើម្បីជាការសងសឹកចំពោះការវាយឆ្មក់របស់ក្រុមហាម៉ាសក្នុងព្រឹត្តិការណ៍ ៧ តុលា ២០២៣ ដោយក្នុងបានសម្លាប់ជនជាតិប៉ាឡេស្ទីនឡើងដល់ ២៥,៧០០ នាក់ ដែលភាគច្រើនជាកុមារ និងស្ត្រី ហើយជាង ៦៣,៧០០ នាក់ផ្សេងទៀតរងរបួស ។ ចំណែកខាងអ៊ីស្រាអែលវិញមានមនុស្សជិត ១,២០០ បានបាត់បង់ជិវិត ខណៈចំណាប់ខ្មាំងជាង ១៣០ នាក់នៅតែស្ថិតក្នុងកណ្ដាប់ដៃក្រុមហាម៉ាសដដែល ៕

ដោយ ៖ សុខ ជីវ័ន្ត

ចុចអាន ៖ លម្អិតដំណាក់កាល ៣ ចំណុចក្នុងសំណើផ្អាកបាញ់បោះ ៦០ ថ្ងៃរវាង អ៊ីស្រាអែល-ក្រុមហាម៉ាស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម