Connect with us

ព័ត៌មានអន្ដរជាតិ

កម្លាំងរដ្ឋាភិបាលយោធា មីយ៉ាន់ម៉ា ដុតអ្នកប្រឆាំងរបបសឹក ២ រូបទាំងរស់​មុខគេឯង

បានផុស

នៅ

កម្លាំងរដ្ឋាភិបាលយោធាមីយ៉ាន់ម៉ាបានចាប់ចងព្យួរក្រុមអ្នកតស៊ូប្រឆាំងនឹងរបបសឹកចំនួន ២ រូបដែលមានអាយុខ្ទង់ ២០ ឆ្នាំទៅនឹងដើមឈើ ហើយដុតពួកគេទាំងរស់យ៉ាងព្រៃផ្សៃនៅមុខគេឯងក្នុងភូមិមួយក្នុងតំបន់ Magwe ។ នេះបើយោងតាមការចេញផ្សាយដោយសារព័ត៌មាន The Irrawaddy កាលពីថ្ងៃទី៧ ខែកុម្ភៈកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងរឿងរ៉ាវដ៏អាណោចអាធ័មនេះដែរ ក្រុមតស៊ូប្រឆាំង Yaw Defense Force (YDF) បាននិយាយថា ទាហានរដ្ឋាភិបាលយោធា និងសមាជិកកងជីវពល Pyu Saw Htee ដែលជាបក្ខពួកជាមួយគ្នា គឺជាទទួលខុសត្រូវចំពោះឧក្រិដ្ឋកម្ម ក៏ដូចជាអំពើយង់ឃ្នងនៅក្នុងភូមិ Myauk Khin Yan នៃក្រុង Gangaw ។

YDF បាននិយាយថា គ្រួសារនីមួយៗនៅក្នុងភូមិត្រូវបានកម្លាំងយោធាបង្ខំឲ្យធ្វើជាសាក្សីនៃការប្រហារជីវិតនេះ ខណៈអត្តសញ្ញាណបុរស ២ នាក់នៅក្នុងសោកនាដកម្មនេះមានឈ្មោះ Phoe Tay និង Thar Htaung គឺជាសមាជិក YDF ដែលកងទ័ពរដ្ឋាភិបាល និងសមាជិកកងជីវពល Pyu Saw Htee ចាប់ខ្លួន អំឡុងពេលប្រតិបត្តិការមួយនៅក្នុងភូមិ Myauk Khin Yan កាលពីថ្ងៃទី៧ ខែវិច្ឆិកា ឆ្នាំ២០២៣ ។

វីដេអូដែលចែកចាយនៅលើប្រព័ន្ធផ្សព្វផ្សាយសង្គមបង្ហាញពីបុរសទាំងពីរនាក់ត្រូវបានបង្ខំឲ្យសារភាពថា ពួកគេគឺជាសមាជិកនៃកងកម្លាំងការពារប្រជាជនក្នុងតំបន់ ហើយកងទ័ពយោធាមីយ៉ាន់ម៉ាថែមទាំងបង្ខំពួកគេឲ្យហៅខ្លួនឯងថាជា “សត្វឆ្កែ” ផងដែរ មុនពេលចាក់សាំងដុតពួកគេទាំងដែលដៃជើងជាប់ច្រវាក់ដែក ។

ចំណែកអ្នក​ប្រើ​បណ្ដាញ​សង្គម​ជា​ច្រើន​ក៏បាន​បញ្ចេញ​ប្រតិកម្ម​ចំពោះ​វីដេអូ​នេះ​ដោយ​កំហឹងផងដែរ ។ ក្នុងនោះពួកគេបានលើកឡើងថា ភាពអមនុស្សធម៌បែបនេះនឹងធ្វើឲ្យស្មារតីបដិវត្តន៍ប្រឆាំងរបបផ្តាច់ការកាន់តែពុះកញ្ជ្រោលឡើង ខណៈអ្នកផ្សេងទៀតប្រៀបធៀបការប្រព្រឹត្តអំពើដ៏ស្មោគគ្រោករបស់យោធាលើអ្នកជាប់ឃុំជាអ្នកគាំទ្រលទ្ធិប្រជាធិបតេយ្យ និងក្រុមប្រដាប់អាវុធជនជាតិភាគតិច គឺជាការរំលោភបំពានលើអ្នកទោសសង្គ្រាម ។

គួរបញ្ជាក់ថា ភូមិនេះត្រូវបានគ្រប់គ្រងដោយកងជីវពល Pyu Saw Htee ដែលស្ថិតក្រោមការដឹកនាំរបស់លោក Hla Swe អតីតសមាជិកសភានៃគណបក្សសម្ព័ន្ធភាព និងអភិវឌ្ឍន៍ដែលគាំទ្រដោយយោធា ។ កងជីវពលមានឈ្មោះបោះសំឡេង ដោយសារតែអំពើហិង្សាលើជនស៊ីវិល រួមទាំងការបាញ់ផ្លោងចូលទៅក្នុងភូមិ និងកន្លែងផ្សេងទៀតនៅក្បែរនោះ ខណៈនៅខែមីនា ឆ្នាំ ២០២២ ជនស៊ីវិល ២ នាក់ត្រូវបានធ្វើទារុណកម្មរហូតដល់ស្លាប់នៅក្នុងភូមិនេះ ៕

ដោយ ៖ សុខ ជីវ័ន្ត

ចុចអាន ៖ ប៉ូលិសព្រំដែន មីយ៉ាន់ម៉ា ជិត ១០០ នាក់រត់ភៀសខ្លួនទៅប្រទេសជិតខាង គេចពីបាញ់បោះរបស់ក្រុមទ័ពព្រៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥៤ នាទី មុន

ប្រធាន​សភា​ថៃ​គ្រោង​នឹង​មក​បំពេញ​ទស្សនកិច្ច​នៅ​កម្ពុជា ចូលរួម​ពិធីបុណ្យ​រ៉ា​ម៉ា​ដាន​

សន្តិសុខសង្គម៣ ម៉ោង មុន

សមត្ថកិច្ច ឃាត់ខ្លួនជនសង្ស័យម្នាក់ ពាក់ព័ន្ធរឿងលួចដកប្រាក់ពីគណនីធនាគារ AMK ៨១៤០ដុល្លារ

ព័ត៌មានជាតិ៣ ម៉ោង មុន

លោក ជួន ណារិន្ទ៖ ករណីចោទប៉ូលីសស្តុបក្ដាន់ពីរ ផាកហើយតាមញ៉ែ ជារឿងប្រឌិត

ព័ត៌មានជាតិ៣ ម៉ោង មុន

កំណាយស្រាវជ្រាវខ្លោងទ្វារខាងត្បូងប្រាសាទ​តាព្រហ្ម លទ្ធផល​រក​ឃើញ​ថ្មបាយ​​ក្រៀម​ជិត ១០០ ដុំ

វប្បធម៌ ជំនឿ៤ ម៉ោង មុន

សម្ដេចធិបតី ស្នើកុំអន់ចិត្តសង្ក្រាន្តថៃចូលបញ្ជីយូណេស្កូ ខណៈកម្ពុជាក៏មានសិទ្ធិស្នើ

Sokha Hotels

ព័ត៌មានពេញនិយម