ព័ត៌មានអន្ដរជាតិ
គ្រោះថ្នាក់ចរាចរណ៍នៅចិន រថយន្តជាង១០០គ្រឿង បុក ត កន្ទុយគ្នា
ប្រព័ន្ធផ្សព្វផ្សាយរដ្ឋចិន CCTV បានរាយការណ៍នៅថ្ងៃសុក្រទី២៣ខែកុម្ភៈថា រថយន្តជាង១០០គ្រឿងបានបុកតកន្ទុយគ្នាលើផ្លូវហាយវេមួយក្នុងទីក្រុង Suzhou ប្រទេសចិន។
ហេតុការណ៍នេះកើតឡើង ចំពេលទីក្រុងខាងលើ ជួបអាកាសធាតុចុះត្រជាក់ខ្លាំងនិងមានធ្លាក់ព្រឹលថែមទៀត ធ្វើឲ្យផ្លូវពោរពេញដោយទឹកកក រអិល ប៉ុន្តែគេមិនដឹងច្បាស់ទេថាតើ មូលហេតុពិតនៃគ្រោះថ្នាក់នេះ បណ្តាលមកពីអ្វី។
ទូរទស្សន៍រដ្ឋ CCTV និងប្រព័ន្ធផ្សព្វផ្សាយសង្គមនានា បានបញ្ចេញរូបភាពរថយន្តបុកគាបជាប់គ្នា ហើយថែមទាំងមានកម្ទេចកម្ទីរាយប៉ាយពេញដងផ្លូវថែមទៀត។
ក្នុងហេតុការណ៍នោះដែរ តាមការឲ្យដឹងពីប៉ូលិសចរាចរណ៍, មិនមាននរណាម្នាក់បាត់បង់ជីវិតទេ ប៉ុន្មានមនុស្ស៣នាក់បានរងរបួស ហើយត្រូវបញ្ជូនទៅព្យាបាលនៅមន្ទីរពេទ្យ។
សូមបញ្ជាក់ ក្នុងរយៈពេលប៉ុន្មានសប្តាហ៍កន្លងមកនេះ តំបន់មួយចំនួននៃប្រទេសចិន បានរងការវាយប្រហារដោយរលកត្រជាក់ ព្យុះព្រឹល និងធ្លាក់ទឹកកក ដែលប៉ះពាល់ដល់ការដឹកជញ្ជូនខណៈមនុស្សរាប់លាននាក់ សម្រុកទៅស្រុកកំណើតវិញ ក្រោយកម្សាន្តសប្បាយបុណ្យចូលឆ្នាំថ្មីចប់។
នៅសប្តាហ៍នេះទៀតសោត រដ្ឋាភិបាលក៏បានបង្កើនការឆ្លើយតបជាបន្ទាន់ ចំពោះអាកាសធាតុត្រជាក់ផងដែរ ហើយចាប់ផ្តើមផែនការជាច្រើនសម្រាប់ជួយសម្រួលដល់ការដឹកជញ្ជូន ការផ្គត់ផ្គង់ និងអគ្គិសនីនៅក្នុងខេត្តនិងទីក្រុងនានា រួមមានជាដើម Beijing, Hebei, Shanxi, Anhui និង Hubei។
ពាក់ព័ន្ធអាកាសធាតុត្រជាក់នេះដែរ សីតុណ្ហភាពក្នុងតំបន់ Xinjiang ចុងភាគខាងលិចប្រទេសចិន បានធ្លាក់ចុះដល់កម្រិតទាបបំផុតមិនធ្លាប់មានក្នុងប្រវត្តិសាស្រ្តរយៈពេល៦៤ឆ្នាំ ពោលគឺ ធ្លាក់ដល់ -៥២.៣ អង្សាសេ។
យោងតាមប្រព័ន្ធផ្សព្វផ្សាយរដ្ឋ, សីតុណ្ហភាពកាលពីថ្ងៃអាទិត្យទី១៨ខែកុម្ភៈនៅទីប្រជុំជន Tuerhong នៃស្រុក Fuyun គឺបានធ្លាក់ចុះដល់កម្រិតទាបបំផុត តាំងពីកំណត់ត្រាចាប់ផ្តើមក្នុងតំបន់ Xinjiang ពោលគឺបំបែកកំណត់ត្រាចាស់ -៥១.៥អង្សាសេនៅថ្ងៃទី២១ខែមករាឆ្នាំ១៩៦០៕
អត្ថបទ៖ សុខ សុវណ្ណ
ចុចអាន៖ សីតុណ្ហភាព នៅភាគខាងលិចប្រទេសចិន ធ្លាក់ចុះដល់ -៥២.៣ អង្សាសេ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ