Connect with us

ព័ត៌មានអន្ដរជាតិ

​កូរ៉េខាងត្បូង ចោទ កូរ៉េខាងជើង ថា ដឹកអាវុធតាមកុងតឺន័រ ៧ ពាន់ទូឲ្យ រុស្ស៊ី

បានផុស

នៅ

រដ្ឋមន្ត្រីការពារជាតិកូរ៉េខាងត្បូងបាននិយាយកាលពីថ្ងៃចន្ទថា ប្រទេសកូរ៉េខាងជើងបានដឹកជញ្ជូនកុងតឺន័រប្រហែល ៧,០០០ ទូផ្ទុកដោយគ្រាប់បែក និងឧបករណ៍យោធាផ្សេងទៀតទៅកាន់ប្រទេសរុស្ស៊ី ចាប់តាំងពីឆ្នាំមុនមកដើម្បីជួយគាំទ្រដល់សង្គ្រាមរុស្ស៊ីនៅក្នុងប្រទេសអ៊ុយក្រែន ។ នេះបើយោងតាមការចេញផ្សាយរបស់ទីភ្នាក់ងារ AP កាលពីថ្ងៃទី​១៨ ខែមីនា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Shin Won-sik រដ្ឋមន្ត្រីការពារជាតិកូរ៉េខាងត្បូង បានចែករំលែកការវាយតម្លៃនេះនៅក្នុងសន្និសីទសារព័ត៌មានមួយ ពោលប៉ុន្មានម៉ោង បន្ទាប់ពីកូរ៉េខាងជើងបានបាញ់មីស៊ីលផ្លោងរយៈចម្ងាយជិតជាច្រើនគ្រាប់ចូលទៅក្នុងដែនទឹកភាគខាងកើតរបស់ខ្លួន ។ យោធាកូរ៉េខាងត្បូងជឿជាក់ថា កូរ៉េខាងជើងបាននឹងកំពុងប្រើប្រាស់បណ្តាញផ្លូវដែករបស់ខ្លួនកាន់តែខ្លាំងឡើងដើម្បីបញ្ជូនការផ្គត់ផ្គង់អាវុធទៅឲ្យប្រទេសរុស្ស៊ីតាមព្រំដែនដីគោករបស់ពួកគេ ។

ទន្ទឹមនោះ ជាថ្នូរនឹងការបញ្ជូនគ្រាប់កាំភ្លើងធំជាច្រើនលានគ្រាប់ កូរ៉េខាងជើងបានទទួលកុងតឺន័ររុស្ស៊ីជាង ៩,០០០ ទូត្រឡប់មកវិញផងដែរ ។ ការសង្ស័យមួយទៀតគឺថា រុស្ស៊ីអាចនឹងផ្តល់ប្រេងឲ្យកូរ៉េខាងជើង ដែលអាចជាការផ្គើននឹងការដាក់ទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិ ដែលរឹតបន្តឹងការនាំចូលប្រេង និងផលិតផលប្រេងរបស់ប្រទេសនេះ ។

កន្លងមកមន្ត្រីអាមេរិក និងកូរ៉េខាងត្បូងបានចោទប្រកាន់កូរ៉េខាងជើងថាបានផ្គត់ផ្គង់គ្រាប់កាំភ្លើងធំ មីស៊ីល និងឧបករណ៍ផ្សេងទៀតក្នុងរយៈពេលប៉ុន្មានខែថ្មីៗនេះឲ្យរុស្ស៊ី ដើម្បីជួយបង្កើនសមត្ថភាពប្រយុទ្ធលើសមរភូមិសង្គ្រាមនៅអ៊ុយក្រែន បន្ទាប់ពីកិច្ចប្រជុំកំពូលដ៏កម្ររវាងលោក គីម និងប្រធានាធិបតីរុស្ស៊ីលោក វ្ល៉ាឌីមៀរ ពូទីន ប៉ុន្តែទាំងទីក្រុងមូស្គូ និងក្រុងព្យុងយ៉ាងបានបដិសេធថាមិនមានកិច្ចព្រមព្រៀងអាវុធរវាងប្រទេសទាំងពីរនោះទេ ។

គួរបញ្ជាក់ថា ភាពច្របូកច្របល់រវាងជនជាតិកូរ៉េដែលបែកបាក់ដោយសង្រ្គាមនាពេលថ្មីៗនេះកាន់តែអាក្រក់ទៅៗ ដោយប្រទេសទាំងពីរបានចាត់វិធានការដើម្បីបំពានកិច្ចព្រមព្រៀងយោធាទ្វេភាគីឆ្នាំ ២០១៨ ស្តីពីការកាត់បន្ថយភាពតានតឹងនៅតាមព្រំដែន ខណៈលោក គីម បានប្តេជ្ញាកាលពីខែមករានឹងទាត់ចោលការផ្សះផ្សា ហើយថែមទាំងប្រកាសទៀតថា កូរ៉េខាងត្បូងជាសត្រូវដ៏ធំបំផុតរបស់ខ្លួនផងដែរ ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

នៅ​ថ្ងៃ​ស្អែក​នេះ ​ក្រសួង​ការងារ​​​ និង​ស្ថានទូត​ រួម​ទាំង​ភាគី​ពាក់ព័ន្ធ​នឹង​រៀប​ចំ​សង្ក្រាន្ត​ឆ្នាំ​ថ្មី​ជូន​ពលករ​កម្ពុជា​នៅ​ប្រទេស​ថៃ​ដែល​មិន​បាន​វិល​មក​ស្រុក​កំណើត

ព័ត៌មានជាតិ៩ ម៉ោង មុន

កម្លាំង​សមត្ថកិច្ច​ចម្រុះ​ជាង​២០០០​នាក់ ​បាន​ដាក់​​ពង្រាយ​ការពារ​ក្នុង​ភូមិសាស្ត្រ​ខេត្តសៀមរាប ក្នុង​ឱកាស​ពិធីបុណ្យចូលឆ្នាំថ្មី

ព័ត៌មានអន្ដរជាតិ១១ ម៉ោង មុន

ការប្រែប្រួលអាកាសធាតុនាំឲ្យមនុស្សជាងកន្លះលាននាក់លើលោកដាច់សរសៃឈាមខួរក្បាលស្លាប់ក្នុងមួយឆ្នាំ

ព័ត៌មានអន្ដរជាតិ១២ ម៉ោង មុន

ថៃ កំពុងប្រារព្ធពិធីបុណ្យសង្ក្រាន្តចូលឆ្នាំថ្មីក្រោមមេឃក្ដៅចង់ខ្លោច

ព័ត៌មានអន្ដរជាតិ១៣ ម៉ោង មុន

ស្វាមីរបស់អតីតសេដ្ឋិនី វៀតណាម ដែលរងទោសប្រហារជីវិត ក៏មិនរួចខ្លួនដែរ

Sokha Hotels

ព័ត៌មានពេញនិយម