គ្រូពេទ្យភ្ញាក់ផ្អើល ក្រោយវះកាត់ឃើញដូងមួយផ្លែក្នុងរន្ធគូថបុរស តៃវ៉ាន់

នៅថ្ងៃទី២០ ខែមីនា ឆ្នាំ២០២៤ រឿងរ៉ាវដ៏ចម្លែកនេះបានកើតឡើងនៅ Kaohsiung នៃកោះតៃវ៉ាន់ នៅពេលដែលបុរសវ័យ ៥០ ឆ្នាំម្នាក់ ត្រូវទៅមន្ទីរពេទ្យ E-Ta បន្ទាប់ពីមានការឈឺចាប់ពោះធ្ងន់ធ្ងរ និងមិនអាចបត់ជើងបាននៅពេលដែលគ្រូពេទ្យធ្វើការស្កេន CT ពួកគេមានការភ្ញាក់ផ្អើលយ៉ាងខ្លាំង ក្រោយរកឃើញដូងមួយផ្លែ នៅក្នុងរន្ធគូថរបស់គាត់។

ករណីដ៏ចម្លែកនេះ ត្រូវបានបោះពុម្ភផ្សាយនៅក្នុងទិនានុប្បវត្តិវេជ្ជសាស្រ្តរបស់ចក្រភពអង់គ្លេស ដែលមានឈ្មោះថា British Journal of Surgery (BJS) និងបានចេញផ្សាយដោយ enews រហូតបង្កើតការភ្ញាក់ផ្អើល និងត្រូវបានពិភាក្សាយ៉ាងទូលំទូលាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​សេចក្តីរាយការណ៍​បាន​ឲ្យ​ដឹង​ថា បុរស​នោះ​មាន​អាការ​ឈឺ​ពោះ​ខ្លាំង មិនអាចសូម្បីតែនោម ហើយក៏ទល់លាមកយ៉ាងធ្ងន់ធ្ងររយៈពេល ២ ថ្ងៃ ដោយគ្មានគ្រុនក្តៅ ចង្អោរ ឬក្អួតឡើយ។ ពេលគ្រូពេទ្យពិនិត្យគាត់ឃើញថា ពោះរបស់គាត់ហើម និងឈឺចាប់នៅពេលចុច។ គ្រូពេទ្យបានបញ្ជាឲ្យថត CT Scan ហើយបានរកឃើញដូងនៅក្នុងរន្ធគូថរបស់គាត់​។ នៅទីបញ្ចប់ ដូងទាំងមូលដែលមានទំហំ ៧.៥ x ៥.៧ x ៥.៥ សង់ទីម៉ែត្រ​ ត្រូវបានដកចេញដោយជោគជ័យ។

វេជ្ជបណ្ឌិត Chen Ziyi បានបញ្ចាក់ថា ​បើ​តាម​ប្រធាន​ផ្នែក​វះកាត់​ទូទៅ​នៅ​មន្ទីរពេទ្យ Eta នៅពេលអ្នកជំងឺមកដល់ ក្រុម​វេជ្ជ​សាស្រ្ដ​បាន​ព្យាយាម​ដាក់​បំពង់​នោម​​ ដើម្បី​ជួយ​បង្ហូរ​ទឹកនោម​ រួមទាំងការព្យាយាមយកដូងចេញដោយដៃផ្ទាល់ ប៉ុន្តែវាមិនជោគជ័យទេ ។ ក្រោយមក ពួកគេមានការព្រួយបារម្ភថាប្លោកនោមរបស់អ្នកជំងឺនឹងប្រេះ ឬរន្ធគូថនឹងត្រូវខូចខាតដោយការបង្ហាប់ ដូច្នេះ​ហើយ​ទើប​គេ​សម្រេច​ចិត្ត​ប្រើ​ការ​វះកាត់​ពោះ​ជំនួស។

ខាងមន្ទីរពេទ្យ​បាន​បង្ហើប​ទៀតថា ពេល​អ្នកជំងឺ​មក​ដល់ ប្លោកនោម​បាន​ហើម​ខុសពី​ធម្មតា ដោយ​មាន​ទឹកនោម​នៅសល់ ២ លីត្រ ប៉ុន្តែ​អ្នកជំងឺ​បដិសេធ​មិន​ប្រាប់​ថា តើ​ដូង​ចូល​ក្នុង​ទីនោះ​ដោយ​របៀបណា​ រហូតដល់ជាសះស្បើយពីការវះកាត់ និងចាកចេញពីមន្ទីរពេទ្យ។

ក្នុងនោះផងដែរ វេជ្ជបណ្ឌិត Chen Ziyi ព្រមាន​ថា​ ពេល​អ្នក​ចង់​រក​ភាព​រំភើប​ នោះ​អ្នក​ត្រូវ​តែ​ប្រយ័ត្ន​គ្រោះថ្នាក់។ ព្រោះ​បើ​មិន​បាន​ព្យាបាល​ទាន់​ពេល ប្លោកនោម ឬពោះវៀនក៏អាចប្រេះដែរ។ វេជ្ជបណ្ឌិត​បាន​និយាយទៀត​ថា វា​មិន​ធម្មតា​ទេ​ដែលគាត់អាចយក​វត្ថុ​ចូល​រន្ធ​គូថបាន។ ប៉ុន្តែ​ការ​ដាក់​អ្វី​មួយ​ធំ​ដូច​ដូង​ទាំង​មូល​បែប​នេះ​គឺ​កម្រកើតឡើងណាស់។

ជាការពិតណាស់ ដំណឹងនេះបានធ្វើឲ្យមានការភ្ញាក់ផ្អើលយ៉ាងខ្លាំង ក្នុងចំណោមអ្នកលេងអ៊ីនធឺណិតតៃវ៉ាន់។ មនុស្សជាច្រើនមានការអស់សំណើច និងបានចំអកថា “ការយល់ដឹងពីភាពបត់បែននៃរន្ធគូថតាមរបៀបថ្មីមួយ” ពិតជាអាណិតដូងទុំណាស់ដែលភ្លាត់ទៅចូលដល់រន្ធគូថបុរសនោះបាន៕

អត្ថបទ៖ សាង ស្រីល័ក្ខ

ចុចអាន៖ដោយសារតែចង់បានលុយ​ធានា​រ៉ាប់រង​រាប់​លាន​ដុល្លារ បុរស​តៃវ៉ាន់សុខចិត្ត​កាត់ជើងចោល