ព័ត៌មានអន្ដរជាតិ
អាមេរិក៖ ៣ឆ្នាំទៀត ចិន នឹងវាយយកកោះ តៃវ៉ាន់
តាមរយៈគេហទំព័រ Fox News, មន្ត្រីកងទ័ពជើងទឹកអាមេរិកជាន់ខ្ពស់មួយរូប បានប្រាប់សភាកាលពីថ្ងៃព្រហស្បតិ៍ទី២១ខែមីនាថា នៅឆ្នាំ២០២៧ យោធាចិន នឹងបំពេញតាមគោលដៅរបស់ខ្លួន បើកប្រតិបត្តិការវាយយកកោះតៃវ៉ាន់ មកគ្រប់គ្រង។
ឧត្តមនាវីឯក John Aquilino ដែលដឹកនាំបញ្ជាការដ្ឋានឥណ្ឌូប៉ាស៊ីហ្វិករបស់សហរដ្ឋអាមេរិក បានព្រមានបែបនេះ ក្នុងសម័យប្រជុំ នៃគណៈកម្មាធិការសេវាប្រដាប់អាវុធរបស់សភាអាមេរិក អំពីការត្រៀមខ្លួនរបស់កងទ័ពរំដោះប្រជាជនចិន (PLA) ដណ្តើមយកកោះតៃវ៉ាន់ ហើយនៅក្នុងសេចក្តីប្រកាសនោះទៀតសោត លោកបានចាត់ទុកប្រទេសចិនជាសត្រូវ និងជាប្រទេសតែមួយគត់ ដែលមានសមត្ថភាព ក្តោបក្តាប់ស្ថានការណ៍នៅតំបន់ប៉ាស៊ីហ្វិក។
លោក Aquilino និយាយថា រឿងរ៉ាវលាតត្រដាងក្នុងកិច្ចប្រជុំ PLA តាមបញ្ជារបស់លោកប្រធានាធិបតី ស៊ី ជីនពីង គឺជាការត្រៀមខ្លួនដើម្បីវាយលុកកោះតៃវ៉ាន់នៅត្រឹមឆ្នាំ២០២៧។ ជាងនេះទៅទៀត សកម្មភាពរបស់ PLA បង្ហាញពីសមត្ថភាពរបស់ពួកគេ ក្នុងការបំពេញគោលដៅតាមពេលវេលាដែលលោក ស៊ី កំណត់ ដើម្បីបង្រួបបង្រួមតៃវ៉ាន់ជាមួយចិនដីគោកដោយបង្ខំ។
នេះមិនមែនទើបលើកដំបូងទេ ដែលមន្ត្រីជាន់ខ្ពស់អាមេរិកព្រមានអំពីការវាយលុករបស់ចិន ដើម្បីដណ្តើមយកកោះ តៃវ៉ាន់ មកស្ថិតក្រោមការគ្រប់គ្រងរបស់ខ្លួន។
កាលពីឆ្នាំ២០២៣ នាយក CIA លោក William Burns ក៏បានលើកឡើងអំពីរឿងនេះ ជាច្រើនលើកច្រើនសាផងដែរ ខណៈមេបញ្ជាការយោធាអាមេរិក បានព្រមានជាច្រើនឆ្នាំមកហើយថា ២០២៧អាចជាពេលវេលានៃជម្លោះសម្រាប់តៃវ៉ាន់ បើមិនដូច្នោះ ក៏អាចឆ្នាំ២០៣៥ដែរ។
ទោះបីជាយ៉ាងណាក៏ដោយ មានប្រភពមួយទម្លាយថា ក្នុងអំឡុងកិច្ចប្រជុំរវាងលោក ស៊ី ជាមួយប្រធានាធិបតីអាមេរិក ចូ បៃដិន នៅទីក្រុង San Francisco កាលពីខែវិច្ឆិកាឆ្នាំមុន, មេដឹកនាំចិន បានបដិសេធរាល់ផែនការប្រើប្រាស់កម្លាំងប្រឆាំងកោះតៃវ៉ាន់ ហើយច្រានចោលការប៉ាន់ស្មានរបស់មន្ត្រីអាមេរិក។
សូមបញ្ជាក់ជាថ្មី ទីក្រុងប៉េកាំង ចាត់ទុកកោះតៃវ៉ាន់ ដែលគ្រប់គ្រងដោយខ្លួនឯងថាជាផ្នែករបស់ចិន។ គោលនយោបាយរបស់ខ្លួន គឺស្វែងរកការបង្រួបបង្រួមដោយសន្តិវិធី ប៉ុន្តែក៏ព្រមានដែរថា ខ្លួននឹងងាកទៅរកសកម្មភាពយោធា ប្រសិនបើរដ្ឋបាលដែលគាំទ្រដោយសហរដ្ឋអាមេរិករបស់កោះតៃវ៉ាន់ ព្យាយាមប្រកាសឯករាជ្យជាផ្លូវការ៕
អត្ថបទ៖ សុខ សុវណ្ណ
ចុចអាន៖ កម្របំផុត! ចិន-តៃវ៉ាន់ ចាប់ដៃគ្នាធ្វើបេសកកម្ម ជួយសង្គ្រោះកប៉ាល់នេសាទ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង