ព័ត៌មានអន្ដរជាតិ
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
ស្ថានការណ៍នៅតំបន់មជ្ឈិមបូព៌ា បានឡើងកម្តៅឈានដល់កម្រិតថ្មីមួយទៀត បន្ទាប់ពីមានសេចក្តីរាយការណ៍ថា មេបញ្ជាការកងឆ្មាំបដិវត្តឥស្លាមអ៊ីរ៉ង់ (IRGC) ត្រូវបានសម្លាប់ក្រោមដៃអ៊ីស្រាអែល។
តាមការផ្សាយរបស់សារព័ត៌មានរដ្ឋអ៊ីរ៉ង់ Tasnim, លោកមេទ័ព Mohammad Reza Zahedi ត្រូវបានសម្លាប់ ក្នុងការវាយប្រហារអាកាសរបស់អ៊ីស្រាអែល លើស្ថានកុងស៊ុលអ៊ីរ៉ង់ នៅទីក្រុង ដាម៉ាស នៃប្រទេសស៊ីរី កាលពីថ្ងៃចន្ទទី១ខែមេសា។ ក្រៅពីលោក Zahedi, មេបញ្ជាការរងឈ្មោះ Mohammad Hadi Haji Rahimi ក៏ត្រូវបានសម្លាប់ផងដែរ។
លោក Zahedi គឺជាមន្ត្រីជាន់ខ្ពស់ IRGC ដែលបម្រើការជាបេសកជនអ៊ីរ៉ង់ បញ្ជាកងកម្លាំង Quds នៅក្នុងប្រទេសលីបង់និងស៊ីរី។ គាត់បានដឹកនាំផ្នែកចារកម្មក្នុងតំបន់របស់ IRCG ព្រមទាំងកងកម្លាំងជើងគោកនិងអាកាស។ លើសពីនេះ គាត់ក៏បានចូលរួមក្នុងការរៀបចំផែនការប្រតិបត្តិការភេរវជនក្នុងប្រទេសអ៊ីស្រាអែលផងដែរ។
លោក Zahedi មិនត្រឹមតែជាឥស្សរជនយោធាជាន់ខ្ពស់របស់អ៊ីរ៉ង់ប៉ុណ្ណោះទេ ថែមទាំងមានបទពិសោធន៍ និងជំនាញខ្ពស់ទៀតផង។ គាត់បានបញ្ជា IRGC កំឡុងសង្គ្រាមអ៊ីរ៉ាក់-អ៊ីរ៉ង់ក្នុងទសវត្សរ៍ឆ្នាំ១៩៨០ ហើយកាន់តំណែងជាន់ខ្ពស់ជាច្រើននៅក្នុងអគ្គសេនាធិការនៃកងកម្លាំងប្រដាប់អាវុធរបស់សាធារណរដ្ឋឥស្លាមអ៊ីរ៉ង់។ គាត់គឺជាឧត្តមសេនីយ៍ជាន់ខ្ពស់បំផុតដែលត្រូវបានសម្លាប់ចាប់តាំងពីការស្លាប់របស់លោក Qasem Soleimani។
យោងតាមទីភ្នាក់ងារសារព័ត៌មានស៊ីរី (SANA) បានឲ្យដឹងថា ការវាយប្រហារនេះ បានបំផ្លាញអគារមួយនៅជាប់នឹងស្ថានទូតអ៊ីរ៉ង់ ដោយបានសម្លាប់មនុស្សយ៉ាងតិច១១នាក់ ខណៈប្រព័ន្ធផ្សព្វផ្សាយអ៊ីរ៉ង់ អះអាងថា អគារនេះគឺជាស្ថានកុងស៊ុលអ៊ីរ៉ង់ និងជាលំនៅដ្ឋានរបស់ឯកអគ្គរដ្ឋទូត។
ចំណែក បើយោងតាម Reuters ឯណោះវិញ, ស្ថានកុងស៊ុល ត្រូវបានកម្ទេចក្នុងការវាយប្រហារដែលគេជឿថា ច្បាស់ជាបង្កឲ្យភាពតានតឹងនៅតំបន់មជ្ឈិមបូព៌ា ជាពិសេសរវាងអ៊ីរ៉ង់និងអ៊ីស្រាអែល ឡើងកម្តៅឈានដល់កម្រិតកំពូលជាក់ជាមិនខានឡើយ។
ភ្លាមៗក្រោយកើតហេតុ រដ្ឋមន្ត្រីការបរទេសអ៊ីរ៉ង់ លោក Hossein Amir-Abdollahian បានទាក់ទងទៅសមភាគីស៊ីរីដោយព្រមានថា ទីក្រុងតេហេរ៉ង់ នឹងឲ្យអ៊ីស្រាអែលទទួលខុសត្រូវចំពោះរឿងនេះ ហើយអ៊ីរ៉ង់ នឹងមានការឆ្លើយតបយ៉ាងធ្ងន់ធ្ងរជាទីបំផុត។
ទោះបីជាយ៉ាងណាក៏ដោយ អ៊ីស្រាអែល មិនធ្វើអត្ថាធិប្បាយអ្វីទេលើការវាយប្រហារ ខណៈទីក្រុងដាម៉ាស បានបរិហារថ្កោលទោសថា ជាការរំលោភលើដែនអធិបតេយ្យរបស់ខ្លួន។
សូមបញ្ជាក់ថា អ៊ីស្រាអែល បានបង្កើនការវាយប្រហារតាមអាកាសនៅក្នុងប្រទេសស៊ីរី ប្រឆាំងទាំងកងជីវពល ហេសបូឡា លីបង់ និងកងឆ្មាំបដិវត្តន៍អ៊ីរ៉ង់ (IRGC) ដោយសារពួកគេគាំទ្រក្រុមហាម៉ាសប៉ាឡេស្ទីន ដែលបើកយុទ្ធនាការសម្លាប់មនុស្សយ៉ាងឃោរឃៅលើទឹកដីអ៊ីស្រាអែលកាលពីថ្ងៃទី៧ខែតុលា៕
អត្ថបទ៖ សុខ សុវណ្ណ
ចុចអាន៖ ក្រុមហេសបូឡា ប្រាប់ អ៊ីរ៉ង់ ថា ត្រឹម អ៊ីស្រាអែល ខ្លួនច្បាំងតែម្នាក់ឯងក៏បាន
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៨ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៨ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?