Connect with us

ព័ត៌មានអន្ដរជាតិ

ថៃ ចង់​រុះរើ​​រាជធានី​ចេញ​​ពី​បាងកក ទៅ​ទីតាំង​ថ្មី

បានផុស

នៅ

រដ្ឋាភិបាល​ថៃ ទំនង​ជា​​អាច​ពិចារណា​លើ​គម្រោង​ផ្លាស់ប្ដូរ​រាជធានី​បាងកក ក៏​ព្រោះ​តែ​កត្តា​កើន​​ឡើង​​នៃ​កម្រិត​ទឹក​សមុទ្រ។ នេះ​បើ​យោង​តាម​​លោក Pavich Kesavawong អគ្គនាយក​រង​នៃ​នាយកដ្ឋាន​​បម្រែបម្រួល​អាកាសធាតុ និង​បរិស្ថាន​​របស់​រដ្ឋាភិបាល​ថៃ ថ្លែង​ទៅ​កាន់​សារព័ត៌មាន AFP កាល​ពី​ថ្ងៃ​ទី​​១៥ ខែ​ឧសភា ឆ្នាំ​២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ព្យាករ​ បាន​បង្ហាញ​ថា បាងកក​ស្ថិត​នៅ​តំបន់​ទំនាប​ខ្លាំង ហេតុ​ដូច្នោះ​​ហើយ​ទើប​​មាន​ហានិភ័យ​​នៃ​ការ​ជន់​លិច​បាត់​​​​នៅ​​ក្រោម​​ផ្ទៃ​សមុទ្រ នា​ត្រឹម​ចុង​​​​សតវត្ស​ខាង​មុខ​ទៀត ខណៈ​ដែល​បច្ចុប្បន្ន​រាជធានី​ដ៏​មមាញឹក​នេះ​​​រមែង​ប្រឈម​នឹង​បញ្ហា​​​គ្រោះ​ទឹក​ជំនន់ រាល់​ពេល​ខែ​វស្សា​ចូល​មក​ដល់​ម្ដងៗ។

លោក Pavich Kesavawong បាន​ព្រមាន​ថា បាងកក​ប្រហែល​ជា​មិន​អាច​​សម្រប​ខ្លួន​ជាមួយ​ពិភពលោក ចំពោះ​បញ្ហា​កើន​ឡើង​នៃ​កម្ដៅ​​​ផែន​ដី។ មន្ត្រី​ជាន់​ខ្ពស់​ថៃរូប​នេះ បាន​និយាយ​ថា សីតុណ្ហភាព​នៅ​ថៃ បាន​កើន​ឡើង ១,៥​អង្សាសេ​​​​​ លើស​ពី​លក្ខខណ្ឌ​កម្រិត​បរិយាកាស​សកល ដែល​ទាមទារ​ឲ្យ​​រដ្ឋាភិបាល​ត្រូវ​មាន​ការ​ពិចារណា​​ទៅ​លើ​បម្រែបម្រួល​ដ៏​សំខាន់​នេះ។ លោក បន្ត​ថា “ខ្ញុំ​ស្រមៃ​​ឃើញ​បាងកក​នឹង​ស្ថិត​នៅ​ក្រោម​ទឹក​​រួច​ហើយ ប្រសិន​បើ​យើង​​នៅ​តែ​ស្ថិត​ក្នុង​កាលៈទេសៈ​បច្ចុប្បន្ន”។

លោក Pavich បាន​សង្កត់​ធ្ងន់​ថា រដ្ឋាភិបាល​ថៃ​បាន​និង​កំពុង​ពិចារណា​អំពី​ការ​រុះ​រើ​រាជធានី​ចេញ​ទៅ​ទីតាំង​ផ្សេង តែ​ការ​ពិភាក្សា​ទាំង​នោះ​ស្ថិត​នៅ​ក្នុង​សម្មតិកម្ម ហើយ​បញ្ហា​ត្រូវ​​ប្រឈម​មាន​សភាព​ស្មុគស្មាញ​ខ្លាំង។

យ៉ាង​ណា​មិញ បើ​ចំពោះ​គំនិត​របស់​លោក Pavich វិញ លោក​បាន​លើក​ឡើង​ថា “ខ្ញុំ​ផ្ទាល់​គិត​​ថា​វា​ជា​ជម្រើស​ល្អ ដូច្នេះ​យើង​អាច​បំបែក​រាជធានី​ជា​២ មួយ​​ជា​តំបន់​រដ្ឋាភិបាល និង​មួយ​ទៀត​ជា​តំបន់​ពាណិជ្ជកម្ម។ បាងកក​នឹង​នៅ​តែ​ជា​រាជធានី​រដ្ឋាភិបាល ប៉ុន្តែ​រើ​ចេញ​​​នូវ​អាជីវកម្ម”។

គួរ​​បញ្ជាក់​ថា រដ្ឋាភិបាល​ក្រុង​បាងកក កន្លង​មក​ធ្លាប់​​​​​ប្រើប្រាស់​វិធានការ​បញ្ចៀស​ការ​ជន់​លិច​ជា​ច្រើន​មក​ហើយ ដូចជា ការ​កសាង​ទំនប់​វារី​អគ្គិសនី ជា​ដើម។ ទោះ​ជា​បែប​នេះ​ក្ដី វិធានការ​ទាំង​នោះ ហាក់​មិន​សូវ​អំណោយផល​បាន​ល្អ​​សោះ​ចំពោះ​រាជធានី​ដ៏​ស៊ីវិល័យ​របស់​ប្រទេស​ថៃ​មួយ​នេះ ក៏​ព្រោះ​តែ​កត្តា​ភូមិសាស្ត្រ និង​អាកាសធាតុ។

​​សូម​រំឭក​​ថា ស្រដៀង​គ្នា​​នឹង​ប្រទេស​ថៃ ប្រទេស​ឥណ្ឌូណេស៊ី​បាន​សម្រេច​​​​រៀបចំ​ផ្លាស់ប្ដូរ​រដ្ឋធានី​របស់​ខ្លួន​ ដោយ​​ចាក​ចេញ​ពី​ចាកាតា ទៅ​កាន់​​ទីក្រុង នូសាន់តារ៉ា (Nusantara) វិញ។ ការ​រើ​រដ្ឋធានី​របស់​ឥណ្ឌូណេស៊ី ក៏​ព្រោះ​តែ​កត្តា​បំពុល​​បរិយាកាស និង​ការ​ជន់​លិច​​មិន​ឈប់​មិន​ឈរ​ដូច​នៅ​បាងកក​អ៊ីចឹង​ដែរ។ គម្រោង​រើ​រដ្ឋធានី​នៅ​​ឥណ្ឌូណេស៊ី នឹង​ចំណាយ​ថវិកា​អស់​ប្រមាណ ៣២​​ពាន់​លាន​ដុល្លារ ដល់ ៣៥​ពាន់​លាន​ដុល្លារ៕

ដោយ៖ ឈាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង២ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៣ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៤ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៤ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៤ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៦ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង២ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ១៨ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ៧ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៧ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម