ព័ត៌មានអន្ដរជាតិ
អាមេរិក ប្រកាសផ្ដល់ជំនួយយោធាបន្ថែមចំនួន ២៧៥ លានដុល្លារឲ្យ អ៊ុយក្រែន
សហរដ្ឋអាមេរិកនឹងប្រកាសផ្តល់ជំនួយយោធាចំនួន ២៧៥ លានដុល្លារបន្ថែមទៀតដល់អ៊ុយក្រែន ខណៈដែលទីក្រុងកៀវកំពុងតស៊ូដើម្បីទប់ទល់នឹងសង្គ្រាមលុកលុយកាន់តែខ្លាំងឡើងរបស់កងទ័ពរុស្ស៊ីនៅក្នុងតំបន់ Kharkov ។ នេះបើយោងតាមការចេញផ្សាយដោយទីភ្នាក់ងារព័ត៌មាន AP កាលពីថ្ងៃទី២៣ ខែឧសភាកន្លងទៅ ។
យោងតាមមន្រ្តីអាមេរិក ២ រូបដែលសុំមិនបញ្ចេញឈ្មោះបានឲ្យដឹងថា ជំនួយនេះនឹងក្លាយជាជំនួយយោធាលើកទី ៤ សម្រាប់អ៊ុយក្រែន ចាប់តាំងពីសភាបានអនុម័តច្បាប់ជំនួយបរទេសដែលបានពន្យារពេលជាយូរកាលពីចុងខែមុន ។
កញ្ចប់យោធាថ្មីនេះរួមមាន ប្រព័ន្ធកាំភ្លើងធំ HIMARS, គ្រាប់បែក, គ្រាប់កាំភ្លើងធំដែលអ៊ុយក្រែនកំពុងមានតម្រូវការខ្ពស់ រួមទាំងមីស៊ីលបាញ់ប្រឆាំងរថក្រោះ Javelin និង AT-4 ក៏ដូចជាគ្រាប់រំសេវសម្រាប់អាវុធទាំងនោះជាដើម ខណៈកញ្ចប់នេះនឹងប្រកាសឲ្យបានឆាប់រហ័សដើម្បីឆ្លើយតបនឹងការការវាយលុកថ្មីរបស់រុស្ស៊ីលើទីក្រុង Kharkov ដែលជាទីក្រុងធំទីពីររបស់អ៊ុយក្រែន ។
គួរបញ្ជាក់ថា រុស្ស៊ីបានព្យាយាមទាញយកអត្ថប្រយោជន៍ពីការខ្វះខាតរបស់អ៊ុយក្រែនខាងផ្នែកកម្លាំងទ័ព និងសព្វាវុធ បន្ទាប់ពីជំនួយទាំងនោះត្រូវបានជាប់គាំងអស់រយៈពេលជាច្រើនខែ ដោយសារតែសភាអាមេរិកមិនព្រមអនុម័ត ខណៈចាប់តាំងពីពេលនោះមក កងកម្លាំងអ៊ុយក្រែនបានដកថយចេញពីកន្លែងនានា ស្របពេលដែលរុស្ស៊ីបានវាយលុកបណ្តាញអគ្គិសនី និងតំបន់ស៊ីវិលរបស់ខ្លួន ។
ចាប់តាំងពីលោកប្រធានាធិបតី Joe Biden បានចុះហត្ថលេខាលើកញ្ចប់ជំនួយបរទេសថ្មីចំនួន ៩៥ ពាន់លានដុល្លារ ដែលរួមមានប្រហែល ៦១ ពាន់លានដុល្លារដល់អ៊ុយក្រែនមក សហរដ្ឋអាមេរិកបានផ្ដល់ជំនួយយោធាសរុបឲ្យអ៊ុយក្រែនគឺរាប់រយពាន់លានដុល្លារហើយ ចាប់តាំងពីរុស្ស៊ីបើកប្រតិបត្តិការសឹកក្នុងខែកុម្ភៈ ឆ្នាំ២០២២ ៕
អត្ថបទ៖ ប៊ុន សុភាព
-
ព័ត៌មានអន្ដរជាតិ៤ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ២ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៤ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ៥ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៣ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
សន្តិសុខសង្គម២ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ
-
ព័ត៌មានជាតិ៤ ថ្ងៃ ago
រៀបចំក្រុងពាលី ត្រៀមបើកការដ្ឋានសាងសង់ «ព្រែកជីកហ្វូណន-តេជោ»
-
ព័ត៌មានជាតិ៥ ថ្ងៃ ago
នគរបាលខេត្តស្វាយរៀង បង្ក្រាបករណីឆបោកក្រោមរូបភាពដាក់ប្រាក់វិនិយោគ