Connect with us

ព័ត៌មានអន្ដរជាតិ

លោក ត្រាំ ក្លាយជាប្រធានាធិបតីអាមេរិកដំបូងគេ ត្រូវបានកាត់ទោសពីបទឧក្រិដ្ឋធ្ងន់ធ្ងរ

បានផុស

នៅ

តាមការចុះផ្សាយរបស់ CNN នៅថ្ងៃសុក្រទី៣១ខែឧសភា អតីតប្រធានាធិបតីអាមេរិក លោក ដូណាល់ ត្រាំ ត្រូវបានរកឃើញថាមានពិរុទ្ធ ពីបទក្លែងបន្លំកំណត់ត្រាអាជីវកម្មដើម្បីជួយដល់ការជាប់ឆ្នោតឆ្នាំ២០១៦ ហើយករណីនេះក៏ពាក់ព័ន្ធនឹងការចោទប្រកាន់ថា លោកបានបង់ប្រាក់បំបិទមាត់ដល់តារាសិច Stormy Daniels ផងដែរ នាំឲ្យលោក ត្រាំ ក្លាយជាប្រធានាធិបតីអាមេរិកដំបូងគេ ដែលត្រូវបានកាត់ទោសពីបទឧក្រិដ្ឋធ្ងន់ធ្ងរ។

លោក ដូណាល់ ត្រាំ (រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងក្តីគឺចាប់ផ្តើមតាំងពីឆ្នាំមុនមកម្ល៉េះ ពេលដែលមេធាវីសង្កាត់ Manhattan លោក Alvin Bragg នៅខាងគណបក្សប្រជាធិបតេយ្យ បានចោទប្រកាន់លោក ត្រាំ ជាមួយនឹងអំពើឧក្រិដ្ឋកម្មចំនួន៣៤ករណី ដោយចោទថា អ្នកនយោបាយគណបក្សសាធារណរដ្ឋរូបនេះ ព្យាយាម លាក់បាំងព័ត៌មានខុសឆ្គងនិងសកម្មភាពខុសច្បាប់ពីប្រជាជនអាមេរិក មុននិងក្រោយការបោះឆ្នោតឆ្នាំ២០១៦។

ក្រោយមក គណៈវិនិច្ឆ័យបានពិចារណាអស់រយៈពេលពីរថ្ងៃ ហើយក៏ប្រកាសសាលក្រម មុនម៉ោង៥ល្ងាចថ្ងៃព្រហស្បតិ៍ទី៣០ខែឧសភាឆ្នាំ២០២៤ថា លោក ត្រាំ ពិតជាមានកំហុសលើការចោទប្រកាន់ទាំងអស់មែន។

លោក Alvin Bragg (រូបថត៖ Getty)

ទោះបីជាយ៉ាងណាក៏ដោយ ក្រោយការប្រកាសសាលក្រមភ្លាម លោក ត្រាំ បានប្រាប់ទៅអ្នកយកព័ត៌មានមួយរំពេចថា “នេះគឺជាការកាត់ក្តីដ៏ឃោរឃៅ និងគួរឲ្យអាម៉ាស់បំផុត។ សាលក្រមពិតនឹងធ្វើឡើងនៅថ្ងៃទី៥ ខែវិច្ឆិកាដោយប្រជាជនអាមេរិក។ ​យើង​នឹង​បន្ត​ប្រយុទ្ធ! យើង​នឹង​តស៊ូ​ដល់​ទី​បញ្ចប់ ហើយ​យើង​នឹង​ឈ្នះ”។

សូមបញ្ជាក់ថា ការចោទប្រកាន់ទាំង៣៤ករណីនេះ គឺសំដៅទៅលើវិក្កយបត្រចំនួន១១សន្លឹក, បង្កាន់ដៃ១២សន្លឹកនិងមូលប្បទានប័ត្រ១១សន្លឹក ដែលលោក ត្រាំ ផ្តល់ជូនអតីតមេធាវីរបស់គាត់ឈ្មោះ Michael Cohen ឲ្យប្រគល់ប្រាក់ ១៣០ ០០០ដុល្លារដើម្បីបំបិទមាត់តារាសិច Daniels ជុំវិញរឿងអាស្រូវផ្លូវភេទ ហើយដោយសាររឿងទាំងនេះហើយ ទើបលោកមេធាវី Bragg អះអាងថា វាស្មើនឹង “ការក្លែងបន្លំកំណត់ត្រាអាជីវកម្ម”។

តារាសិច Stormy Daniels (រូបថត៖ Peacock)

យ៉ាងណាក្តី លោក ត្រាំ បាន​បដិសេធ​ម្តងហើយម្តងទៀត រាល់​ទំនាក់ទំនង​ជាមួយ​តារា​សិច Stormy Daniels ហើយអះអាងថា ការចោទប្រកាន់ទាំងឡាយគឺជាការធ្វើទុក្ខបុកម្នេញ ខាងនយោបាយសុទ្ធសាធ៕

អត្ថបទ៖ សុខ សុវណ្ណ

ចុចអាន៖ លោក ត្រាំ គំរាមមាន “ការបង្ហូរឈាម” បើចាញ់ឆ្នោត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ នាទី មុន

អាជ្ញាធរនឹងប្រើវិធានការក្ដៅលើអាជីករលក់ដូររំលោភលើដងផ្លូវ៣០ម៉ែត្រ

ព័ត៌មានជាតិ៣២ នាទី មុន

NEA ជាមួយ RULE សហការគ្នារៀបចំវេទិកាការងារ ដោយនាំយកឱកាសការងារ ជាង ១ ពាន់កន្លែង សម្រាប់យុវជន

ព័ត៌មានអន្ដរជាតិ៤២ នាទី មុន

ប្រមុខ​យោធា​មី​យ៉ាន់​ម៉ា​ប្រគល់​អំណាច​ឲ្យ​លោក Min Aung Hlaing ​ដើម្បីសម្រាក​ព្យាបាល​ជំងឺ​

ព័ត៌មានជាតិ៤៣ នាទី មុន

កម្ពុជាទទួលបានភ្ញៀវទេសចរអន្តរជាតិជាង ៣ លាន នាក់ កើន ២២,៧% នៅឆមាស​ទី១ ឆ្នាំនេះ

ព័ត៌មានអន្ដរជាតិ៤៥ នាទី មុន

តម្លៃ​មាស​ធ្លាក់ចុះ​៤​ដង​ជាប់​ៗ​គ្នា​កាល​ពី​ថ្ងៃ​ចន្ទ​ ដោយសារ​ភាព​មិន​ច្បាស់លាស់​នៃ​នយោបាយ​អាមេរិក​

ព័ត៌មានជាតិ២០ ម៉ោង មុន

តេស្ដរកសារធាតុញៀន៖ មនុស្ស៩៧នាក់ប៉ុណ្ណោះបានប្រើសារធាតុញៀន ក្នុងចំណោមមន្ត្រី និងកងកម្លាំងជាង៩ម៉ឺននាក់

ព័ត៌មានអន្ដរជាតិ២២ ម៉ោង មុន

អាជ្ញាធរ​ម៉ាឡេស៊ី ស្ទាក់ចាប់​នាវា​ដឹក​ប្រេង​ដែលរត់​គេច ក្រោយ​បុក​គ្នានាវា​សិង្ហបុរី​

ព័ត៌មានអន្ដរជាតិ២០ ម៉ោង មុន

បៃដិនដកខ្លួន មាន​ន័យថា លោក​ ​ត្រាំ​ ​ជួប​គ្រោះ​ធំក្នុងដំណើរ​ទៅ​​អង្គុយ​​កៅអីសេតវិមាន​​​​ជាថ្មី​​

ព័ត៌មានអន្ដរជាតិ៤ ម៉ោង មុន

ព្យុះព្រះភិរុណ បង្កការបំផ្លិចបំផ្លាញនៅភាគខាងជើង ប្រទេសវៀតណាម

ព័ត៌មានអន្ដរជាតិ២១ ម៉ោង មុន

កម្ពុជា ជាប់លេខ១២លើលោក ជាប្រទេសសម្បូរមនុស្សស្រី ទាបៗ

Sokha Hotels

ព័ត៌មានពេញនិយម