ព័ត៌មានអន្ដរជាតិ
លោក ត្រាំ គំរាមមាន “ការបង្ហូរឈាម” បើចាញ់ឆ្នោត
តាមការចុះផ្សាយរបស់ CNN, អតីតប្រធានាធិបតីសហរដ្ឋអាមេរិក លោក ដូណាល់ ត្រាំ បានព្រមានអំពី “ការបង្ហូរឈាម” ប្រសិនបើគាត់ មិនឈ្នះអាណត្តិទីពីរ ក្នុងការបោះឆ្នោតសហរដ្ឋអាមេរិកនៅថ្ងៃទី៥ខែវិច្ឆិកា ទេនោះ។
លោក ត្រាំ បានព្រមានបែបនេះ ក្នុងអំឡុងការជួបជុំជាមួយអ្នកគាំទ្រនៅទីក្រុង Vandalia នៃរដ្ឋ Ohio កាលពីថ្ងៃអាទិត្យទី១៧ខែមីនា ដើម្បីប្រកាសអំពីផែនការរបស់គាត់ ការពារក្រុមហ៊ុនផលិតរថយន្តអាមេរិកពីការប្រកួតប្រជែងរបស់ចិន។
ក្នុងការជួបជុំនោះ លោក ត្រាំ បានជំរុញប្រជាជនអាមេរិក ឲ្យបោះឆ្នោតជូនគាត់ដោយនិយាយថា “ឥឡូវនេះ ប្រសិនបើខ្ញុំមិនជាប់ឆ្នោតទេ វានឹងក្លាយជាការបង្ហូរឈាមសម្រាប់ប្រទេសទាំងមូល”។ លោកក៏បានព្រមានប្រជាជនដែរថា “ប្រសិនបើខ្ញុំមិនឈ្នះការបោះឆ្នោតនេះ ខ្ញុំមិនប្រាកដថា អ្នកនឹងមានការបោះឆ្នោតមួយផ្សេងទៀតនៅក្នុងប្រទេសនេះទេ”។
លើសពីនេះ បេក្ខជនតែងតាំងខាងគណបក្សសាធារណរដ្ឋរូបនេះ ក៏ថ្លែងសារផ្តាំផ្ញើទៅមេដឹកនាំចិន ស៊ី ជីនពីង ផងដែរដោយនិយាយថា “អ្នកនិងខ្ញុំជាមិត្តនឹងគ្នា ប៉ុន្តែរោងចក្រផលិតរថយន្តដ៏ធំដែលអ្នកកំពុងសាងសង់នៅប្រទេសម៉ិកស៊ិកឥឡូវនេះ អ្នកមិនជួលជនជាតិអាមេរិកឲ្យធ្វើការឡើយ ហើយអ្នកនឹងលក់រថយន្តឲ្យយើង មិនអាចទៅរួចទេ។ យើងនឹងដាក់ពន្ធ១០០% លើគ្រប់រថយន្តដែលឆ្លងកាត់ខ្សែបន្ទាត់ ហើយអ្នកនឹងមិនអាចលក់រថយន្តទាំងនោះបានឡើយ ប្រសិនបើខ្ញុំជាប់ឆ្នោត”។
ឆ្លើយតបទៅលោក ត្រាំ, ក្រុមយុទ្ធនាការរបស់ប្រធានាធិបតីអាមេរិក ចូ បៃដិន បានចាត់ទុកការព្រមានបង្ហូរឈាមនេះ ថាជាការគំរាមកំហែងនៃអំពើហិង្សាផ្នែកនយោបាយ ពីគូប្រជែង។
លោក James Singer អ្នកនាំពាក្យយុទ្ធនាការរបស់លោក បៃដិន បាននិយាយក្នុងសេចក្តីថ្លែងការណ៍មួយថា “លោក ត្រាំ កំពុងចង់បានការបះបោរថ្ងៃទី៦ខែមករាមួយទៀត ប៉ុន្តែប្រជាជនអាមេរិក នឹងឲ្យគាត់ស្គាល់ភាពបរាជ័យក្នុងការបោះឆ្នោតជាថ្មី នៅខែវិច្ឆិកា ពីព្រោះពួកគេមិនអនុញ្ញាតឲ្យភាពជ្រុលនិយម ការស្រលាញ់អំពើហិង្សា និងការស្រេកឃ្លានសងសឹករបស់គាត់ កើតឡើងបានឡើយ”។
សូមបញ្ជាក់ថា ការប្រកួតរវាងលោក បៃដិន និង ត្រាំ នៅខែវិច្ឆិកា គឺជាការប៉ះគ្នារវាងបេក្ខជនដដែលលើកដំបូងក្នុងការបោះឆ្នោតអាមេរិកចាប់តាំងពីឆ្នាំ១៩៥៦មក ដែលកាលនោះប្រធានាធិបតីខាងគណបក្សសាធារណរដ្ឋ Dwight D. Eisenhower ផ្តួលលោក Adlai Stevenson ជាលើកទី២៕
អត្ថបទ៖ សុខ សុវណ្ណ
ចុចអាន៖ លោក Macron ថា Trump នឹងចាញ់ឆ្នោត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ