Connect with us

ព័ត៌មានអន្ដរជាតិ

ថៃ ថា ពិបាកបង្ក្រាបការភ្នាល់បាល់ Euro ណាស់ បើមន្ត្រីលេងល្បែងដែរ

បានផុស

នៅ

ស្របពេលរដូវកាលបាល់ទាត់ដណ្តើមពានរង្វាន់ទ្វីបអឺរ៉ុប Euro 2024 ឬគេនិយមហៅថា យូរ៉ូៗ បានឈានចូលមកដល់ហើយនោះ លោក Thanakorn Komkrit អគ្គលេខាធិការនៃមូលនិធិបញ្ឈប់ការលេងល្បែងប្រទេសថៃ បានបង្ហាញក្តីបារម្ភថា យុទ្ធនាការបង្ក្រាបការភ្នាល់បាល់តាមអនឡាញអំឡុងព្រឹត្តិការណ៍នេះ ពិតជាលំបាកខ្លាំងណាស់ បើមន្ត្រីក៏លេងល្បែងដែរនោះ។

(រូបថត៖ Mothership)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការលើកឡើងរបស់លោក ចំនួនអ្នកភ្នាល់បាល់តាមអនឡាញអំឡុងពានរង្វាន់ Euro ​លើកនេះ នឹងមានការកើនឡើងលើសព្រឹត្តិការណ៍ឆ្នាំ២០២០ ដល់ទៅ៥១%ឯណោះព្រោះថា ឥឡូវ មនុស្សមិនមែនមើលបាល់ដើម្បីតែកម្សាន្តដូចមុនទៀតនោះទេ។ អ្នកលេងល្បែងឥឡូវបានសិក្សាអំពីប្រវត្តិក្រុមនិងទម្រង់លេងច្បាស់ណាស់ ដូចនេះនឹងមានការភ្នាល់ជាក់ជាមិនខានឡើយ។

លោក Thanakorn បញ្ជាក់ថា ក្នុងរយៈពេល២ឆ្នាំចុងក្រោយ មានអ្នកលេងល្បែង៣លាននាក់នៅក្នុងប្រទេសថៃ ហើយត្រឹមតែមួយខែឧសភានៃឆ្នាំ២០២៤នេះ ក្រសួងសេដ្ឋកិច្ចនិងសង្គមឌីជីថល បានបិទគេហទំព័រល្បែងប្រមាណ ៦ ៥០០ ប៉ុន្តែនៅតែមានគេហទំព័រច្រើនទៀត លួចបើកដំណើរការ។

លោក Thanakorn Komkrit (រូបថត៖ Nation)

ទន្ទឹមនោះ មជ្ឈមណ្ឌលព្យាករសេដ្ឋកិច្ចនិងធុរកិច្ច នៃសាកលវិទ្យាល័យសភាពាណិជ្ជកម្មថៃ បានព្យាករថា សកម្មភាពល្បែងក្នុងអំឡុងព្រឹត្តិការណ៍ Euro 2024 រយៈពេលមួយខែ នឹងជំរុញឲ្យមានការចរាចរទឹកប្រាក់ប្រហែល៦៧ពាន់លានបាត។

សូមបញ្ជាក់ថា ព្រឹត្តិការណ៍បាល់ទាត់ Euro 2024 ដែលមានប្រទេសអាល្លឺម៉ង់ ធ្វើជាម្ចាស់ផ្ទះ នឹងប្រព្រឹត្តិទៅចាប់ពីថ្ងៃទី១៤ខែមិថុនា ដល់ថ្ងៃទី១៤ខែកក្កដា។ នៅថ្ងៃប្រកួតបើកឆាក ម្ចាស់ផ្ទះឥន្ទ្រីដែកអាល្លឺម៉ង់ បានលត់ក្រុមភ្ញៀវស្កុតឡែន យ៉ាងចាស់ដៃក្នុងលទ្ធផល ៥-១៕

អត្ថបទ៖ សុខ សុវណ្ណ

ចុចអាន៖ កីឡាករឈ្នះជើងឯក EURO ច្រើនជាងគេក្នុងប្រវត្តិសាស្រ្ដ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម