ព័ត៌មានអន្ដរជាតិ
ក្រោយបាតុករ ១៨ នាក់ស្លាប់ អាមេរិកត្រៀមវិធានការបន្ថែមប្រឆាំងយោធាមីយ៉ាន់ម៉ា
ទីប្រឹក្សាសន្តិសុខជាតិអាមេរិកលោក Jake Sullivan បាននិយាយថា សហរដ្ឋអាមេរិកកំពុងត្រៀមវិធានការថ្មីប្រឆាំងនឹងមីយ៉ាន់ម៉ាទាក់ទងនឹងអំពើហិង្សាក្នុងពេលបាតុកម្មថ្មីៗនេះ ។
លោក Sullivan បាននិយាយនៅក្នុងសេចក្តីថ្លែងការណ៍កាលពីថ្ងៃអាទិត្យថា “យើងនឹងបន្តសម្របសម្រួលយ៉ាងជិតស្និទ្ធជាមួយសម្ព័ន្ធមិត្ត និងដៃគូនានានៅក្នុងតំបន់ឥណ្ឌូ-ប៉ាស៊ីហ្វិក និងនៅជុំវិញពិភពលោកដើម្បីទទួលខុសត្រូវចំពោះអំពើហិង្សា និងរដ្ឋប្រហារថ្មីៗនេះ និងត្រូវពង្រឹងការគាំទ្ររបស់យើងចំពោះប្រជាជនភូមា” ។
បើយោងតាមការិយាល័យឧត្តមស្នងការអង្គការសហប្រជាជាតិ យ៉ាងហោចណាស់មនុស្ស ១៨ នាក់បានស្លាប់នៅទូទាំងប្រទេសមីយ៉ាន់ម៉ាកាលពីថ្ងៃអាទិត្យក្នុងពេលមានការប៉ះទង្គិចគ្នារវាងប៉ូលិស និងក្រុមអ្នកតវ៉ា ។
ទន្ទឹមនោះរដ្ឋមន្រ្តីក្រសួងការបរទេសសហរដ្ឋអាមេរិកលោក Antony Blinken បានថ្កោលទោសចំពោះអំពើហិង្សាមកលើក្រុមអ្នកតវ៉ានៅក្នុងប្រទេសមីយ៉ាន់ម៉ាកាលពីថ្ងៃអាទិត្យ ។
លោក Blinken បាននិយាយនៅលើ Twitter ថា “យើងសូមថ្កោលទោសចំពោះអំពើហិង្សាដ៏ឃោរឃៅរបស់កងសន្តិសុខប្រឆាំងនឹងប្រជាជនភូមា ។ យើងឈរយ៉ាងរឹងមាំជាមួយប្រជាជនក្លាហានរបស់ភូមា និងលើកទឹកចិត្តប្រទេសទាំងអស់និយាយដោយសំឡេងតែមួយដើម្បីគាំទ្រឆន្ទៈរបស់ពួកគេ” ។
ការតវ៉ាត្រូវបានធ្វើឡើងនៅទូទាំងប្រទេសមីយ៉ាន់ម៉ាចាប់តាំងពីយោធាបានកាន់កាប់ ។ សហរដ្ឋអាមេរិក និងចក្រភពអង់គ្លេសបានដាក់ទណ្ឌកម្មប្រឆាំងនឹងបុគ្គលជាច្រើនដែលជាប់ទាក់ទងនឹងយោធារបស់មីយ៉ាន់ម៉ា។ កាលពីសប្តាហ៍មុនរដ្ឋាភិបាលសហរដ្ឋអាមេរិកបានដាក់ទណ្ឌកម្មលើលោកឧត្តមសេនីយឯក Moe Myint Tun និងឧត្តមសេនីយ Maung Maung Kyaw ។ យោងតាមយោធាភូមាបុរសទាំងពីរនាក់ត្រូវបានតែងតាំងជាសមាជិកក្រុមប្រឹក្សារដ្ឋបាលរដ្ឋ ។
កាលពីថ្ងៃទី ១ ខែកុម្ភៈ យោធាមីយ៉ាន់ម៉ាបានដណ្តើមអំណាចនៅក្នុងប្រទេសដោយប្រកាសដាក់ប្រទេសក្នុងស្ថានភាពអាសន្នរយៈពេលមួយឆ្នាំពេញ ហើយប្តេជ្ញាថានឹងចាត់វិធានការប្រឆាំងនឹងការលួចបន្លំសន្លឹកឆ្នោតក្នុងពេលបោះឆ្នោតសកលថ្ងៃទី ៨ ខែវិច្ឆិកា ។
គួររម្លឹកសាជាថ្មីថា ទីប្រឹក្សារដ្ឋមីយ៉ាន់ម៉ាលោកស្រី អ៊ុងសាន ស៊ូជី ក៏ដូចជាប្រធានាធិបតី Win Myint និងមន្រ្តីជាន់ខ្ពស់ដទៃទៀតដែលជាសមាជិកនៃគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) កំពុងកាន់អំណាចត្រូវបានយោធាចាប់ឃុំខ្លួន និងចោទប្រកាន់ពីបទលួចបន្លំក្នុងការបោះឆ្នោត ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ វីដេអូស្តែងៗ ប៉ូលិសមីយ៉ាន់ម៉ា បាញ់ប្រហារលើបាតុករ ស្លាប់ ១៨ នាក់ម្សិលមិញ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»