ព័ត៌មានអន្ដរជាតិ

កម្លាំងសន្តិសុខមីយ៉ាន់ម៉ា បាញ់រះលើបាតុករ យ៉ាងហោចណាស់១៨នាក់ស្លាប់ថ្ងៃអាទិត្យនេះ

បានផុស

៣ years មុន

នៅ

ថ្ងៃអាទិត្យ ២៨ កុម្ភៈ ២០២១

ដោយ

កម្លាំងសន្តិសុខមីយ៉ាន់ម៉ានៅថ្ងៃអាទិត្យនេះបានធ្វើការបង្ក្រាបបាតុកម្ម និងបាញ់រះលើអ្នកតវ៉ាដែលបណ្តាលឲ្យមនុស្សហោចណាស់១៨នាក់ត្រូវបានសម្លាប់។

ការប៉ះទង្គិះបានកើតមានឡើងនៅចំកណ្តាលទីក្រុងរ៉ង់ហ្គន់ ដែលក្រុមសន្តិសុខរបបយោធាមីយ៉ាន់ម៉ាបានធ្វើការបង្ក្រាបដោយមានការបាញ់ហ្គាស់បង្ហូរទឹកភ្នែក ការបំផ្ទុះគ្រាប់បែកដៃ បាញ់គ្រាប់ជ័រ និងបាញ់រះដែលបានក្លាយជាថ្ងៃចុងសប្តាហ៍ពោរពេញដោយឈាមស្រោចលើដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីសិទ្ធិមនុស្សអង្គការសហប្រជាជាតិបាននិយាយថា យ៉ាងហោចណាស់មនុស្ស១៨នាក់ត្រូវបានសម្លាប់ និងមនុស្សជាច្រើននាក់បានរងរបួសនៅថ្ងៃអាទិត្យ។

មន្ត្រីដដែលបាននិយាយថា ៖«ពេញមួយថៃ នៅតាមទីតាំងជាច្រើនទូទាំងប្រទេស កងកម្លាំងប៉ូលិស និងយោធាបានប្រឈមនឹងបាតុកម្មដោយសន្តិវិធី ដោយប្រើកម្លាំងកាចសាហាវបណ្តាលឲ្យគ្រោះថ្នាក់ដល់អាយុជីវិត និងការប្រើកម្លាំងមិនគ្រោះថ្នាក់ដល់អាយុជីវិតដែលហោចណាស់មនុស្ស១៨នាក់បានស្លាប់ និងជាង៣០នាក់របួស។ នេះបើយោងតាមព័ត៌មានគួរឲ្យទុកចិត្តដែលមន្ត្រីសិទ្ធិមនុស្សអង្គការសហប្រជាជាតិទទួលបាន»។

ប្រទេសមីយ៉ាន់ម៉ាបានធ្លាក់ទៅក្នុងវិបត្តិដ៏ធ្ងន់ធ្ងរចាប់តាំងពីរបបយោធាបានក្តោបក្តាប់អំណាច និងបានឃុំខ្លួនមេដឹកនាំជាប់ឆ្នោតលោកស្រី អ៊ុង សាន់ស៊ូជី ព្រមទាំងមេដឹកនាំកំពូលៗរបស់លោកស្រីជាច្រើននាក់ទៀត តាមរយៈរដ្ឋប្រហារកាលពីថ្ងៃទី១ ខែកុម្ភៈដែលរបបយោធាបានចោទប្រកាន់គណបក្សរបស់លោកស្រីថា បានកេងបន្លំក្នុងការបោះឆ្នោតកាលពីវិច្ឆិកា ដែលបានឈ្នះភ្លូកទឹក-ភ្លូកដី៕

អត្ថបទ៖ វីរះបុត្រ