Connect with us

ព័ត៌មានអន្ដរជាតិ

លោក ត្រាំ ថានឹងទទួលស្គាល់លទ្ធផលឆ្នោត តែមានលក្ខខណ្ឌ

បានផុស

នៅ

អំឡុងការជជែកដេញដោលយ៉ាងតឹងសរសៃ.កជាមួយលោក ចូ បៃដិន, អតីតប្រធានាធិបតីអាមេរិក លោក ដូណាល់ ត្រាំ បានប្រកាសថា លោកនឹងទទួលស្គាល់លទ្ធផលឆ្នោត តែមានលក្ខខណ្ឌ។ នេះបើតាមសេចក្តីរាយការណ៍របស់ RT នៅថ្ងៃសុក្រទី២៨ខែមិថុនាឆ្នាំ២០២៤។

លោក ដូណាល់ ត្រាំ (រូបថត៖ The New York Times)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការជជែកគ្នាបែកផ្សែងរៀបចំដោយ CNN នៅទីក្រុង Atlanta នៃរដ្ឋ Georgia, លោក ត្រាំ ត្រូវបានអ្នកសម្របសម្រួល Dana Bash ចោទសួរថាតើ លោកនឹងទទួលស្គាល់លទ្ធផលដែរឬក៏អត់ ក្នុងការបោះឆ្នោតជ្រើសរើសប្រធានាធិបតីអាមេរិក ថ្ងៃទី៥ខែវិច្ឆិកាឆ្នាំ២០២៤ ខាងមុខ? ស្រាប់តែបុរសវ័យ៧៨ឆ្នាំរូបនេះ ឆ្លើយម៉ាត់ៗថា “ពិតណាស់ខ្ញុំនឹងទទួលស្គាល់ តែក្នុងលក្ខខណ្ឌដែលការបោះឆ្នោតនោះល្អ យុត្តិធម៌និងស្របច្បាប់ប៉ុណ្ណោះ”។

តាមពិតទៅ លោក ត្រាំ មិនដែលទទួលស្គាល់បរាជ័យក្រោមដៃលោក បៃដិន ក្នុងឆ្នាំ២០២០ទេ ដោយលោកតែងប្រកាសថា ការបោះឆ្នោតនោះ ត្រូវបានគេលួចយកពីខ្លួនទៅ ហើយថែមទាំងប្តឹងដល់តុលាការទៀតផង ប៉ុន្តែមិនទទួលជោគជ័យឡើយ។

(រូបថត៖ AP)

យ៉ាងណាមិញ ពេលនេះ ដោយសំដៅទៅការបោះឆ្នោតឆ្នាំ២០២០ លោក ត្រាំ និយាយថា “ខ្ញុំពិតជាចង់ទទួលយកលទ្ធផលទាំងនោះណាស់ ប៉ុន្តែវាជាការក្លែងបន្លំដ៏គួរឲ្យអស់សំណើច”។ 

សូមបញ្ជាក់ថា តាមការស្ទង់មតិរបស់ New York Times / Siena College ដែលចេញផ្សាយកាលពីថ្ងៃពុធ បានបង្ហាញថា លោក ត្រាំ កំពុងមានសំឡេងឆ្នោត៤៨% ពោលគឺនាំមុខលោក បៃដិន ៤%។

ដោយឡែក បើតាមការស្ទង់មតិភ្លាមៗរបស់ CNN បានបង្ហាញថា ក្នុងចំណោមអ្នកមានសិទ្ធបោះឆ្នោតដែលមើលការជជែកដេញដោលគ្នានេះ, មាន៦៧%បង្ហាញទំនុកចិត្តខ្លាំងទៅលើលោក ត្រាំ ខណៈអ្នកផ្សេងទៀតគិតថា លោកបៃដិន ធ្វើមិនសូវបានល្អ៕

អត្ថបទ៖ សុខ សុវណ្ណ

ចុចអាន៖ ខ្លឹមសារសំខាន់ៗ នៃការជជែកដេញដោលគ្នាបែកផ្សែង ៩០នាទី រវាង ត្រាំនិងបៃដិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៤ ម៉ោង មុន

BizKhmer Digital Media និង U.S.R.V. ចាប់ដៃគ្នាជួយអាជីវកម្មចិន ពង្រីកទីផ្សារឌីជីថលក្នុងប្រទេសកម្ពុជា

សន្តិសុខសង្គម៥ ម៉ោង មុន

ប្តី​ប្រពន្ធ​ឌុប​គ្នា​ទៅ​មន្ទីរពេទ្យ ដើម្បី​សម្រាល​មិនទាន់​ដល់​ផង ប្រពន្ធ​ក៏​សម្រាល​លើ​ម៉ូតូ​ផ្អើល​ប្រជាពលរដ្ឋ​ជួយ​

ព័ត៌មានជាតិ៥ ម៉ោង មុន

អាជ្ញាធរ៖ ជិត២ឆ្នាំហើយ លោក ខឹម វាសនា នៅតែប្រើលេស«ទឹកលិចលោក» ប្រមូលសាវ័កឱ្យទៅនៅចម្ការក្បែរភ្នំគូលែន

ព័ត៌មានជាតិ៦ ម៉ោង មុន

កម្ពុជា-KOICA អនុវត្តគម្រោងកសាងសមត្ថភាពលើវបច្ចេកវិទ្យាព័ត៌មាន និងសារគមនាគមន៍ ក្នុងការអប់រំបច្ចេកទេស និងវិជ្ជាជីវៈ

ព័ត៌មានជាតិ៨ ម៉ោង មុន

ភ្លៀងធ្លាក់ខ្លាំង ធ្វើឲ្យស្ថានភាពទឹកទន្លេមេគង្គក្រចេះបន្តហក់ឡើង តែមិនទាន់ដល់កម្រិតប្រកាសអាសន្ន

Sokha Hotels

ព័ត៌មានពេញនិយម