ព័ត៌មានអន្ដរជាតិ
ឡាវ រៀបគម្រោងកែប្រែវៀងចន្ទន៍ ឲ្យក្លាយជារដ្ឋធានីមានកាបូនទាបបំផុត
រដ្ឋាភិបាលឡាវ បានប្រកាសពីគម្រោងរៀបចំកែប្រែរដ្ឋធានីវៀងចន្ទន៍ ឲ្យក្លាយជាទីក្រុងមួយ ដែលមានការបញ្ចេញកាបូនទាប ព្រមទាំងធន់នឹងបម្រែបម្រួលអាកាសធាតុ។ នេះបើយោងតាមការប្រកាសរបស់ក្រសួងសាធារណការ និងដឹកជញ្ជូនឡាវ កាលពីចុងសប្ដាហ៍មុន។
រដ្ឋាភិបាលឡាវ បានបញ្ជាក់ថា គម្រោងនេះ ធ្វើឡើងដើម្បីត្រៀមដោះស្រាយបញ្ហាតម្រូវការនៃហេដ្ឋារចនាសម្ព័ន្ធដែលកំពុងកើនឡើង ចំពេលមានកំណើននគរូបនីយកម្មយ៉ាងឆាប់រហ័ស។ គម្រោងនេះទៀតសោត មានការគាំទ្រពីសាជីវកម្មហិរញ្ញវត្ថុអន្តរជាតិនៃធនាគារពិភពលោក ដើម្បីកាត់បន្ថយការបំភាយកាបូន ក៏ដូចជាទប់ស្កាត់បម្រែបម្រួលអាកាសធាតុនៅក្នុងប្រទេសឡាវ។
ក្រសួងសាធារណការ និងដឹកជញ្ជូនឡាវ បានឲ្យដឹងថា នៅក្នុងគម្រោងទីក្រុងដែលមានកាបូនទាប នឹងត្រូវអនុវត្តតាមវិធានការចំនួន៣០។ យ៉ាងណាមិញ វិធានការទាំងនោះមានអ្វីខ្លះ មិនទាន់ត្រូវបានបញ្ជាក់ឲ្យដឹងនៅឡើយទេ តែដឹងត្រឹមថា នៅពេលអនុវត្តគម្រោង វិធានការទាំងនោះនឹងជួយឲ្យវៀងចន្ទន៍កាត់បន្ថយឥន្ធនៈហ្វូលស៊ីលនៅតាមបណ្ដុំអគារបានចំនួន ១៦%, កាត់បន្ថយកាកសំណល់នៅលើដីគោកបាន ៣៧% និងពង្រឹងកម្រិតសន្តិសុខទឹកស្អាតបាន ៩%។
សូមបញ្ជាក់ថា ក្រៅតែពីគម្រោងខាងលើ រដ្ឋាភិបាលឡាវ ក៏រៀបគម្រោងកាត់បន្ថយការបំភាយឧស្ម័នផ្ទះកញ្ចក់ឲ្យអស់ទាំងស្រុងផងដែរ នៅត្រឹមឆ្នាំ២០៥០ខាងមុខ៕
ដោយ៖ ឈាង
-
កីឡា១៨ ម៉ោង agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
សេដ្ឋកិច្ច១ សប្តាហ៍ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ
-
ព័ត៌មានអន្ដរជាតិ១ សប្តាហ៍ agoតម្លៃប្រេងអន្តរជាតិស្ទុះងើបឡើងវិញ ក្រោយអាមេរិកបើកការវាយប្រហារថ្មីប្រឆាំងអ៊ីរ៉ង់
-
ព័ត៌មានអន្ដរជាតិ១ សប្តាហ៍ agoហូឡង់ ប្រកាសលែងជួយអ៊ុយក្រែន ទៀតហើយ ក្នុងសង្គ្រាម ជាមួយរុស្ស៊ី