ព័ត៌មានអន្ដរជាតិ
ថៃ ប្រកាសពីសមាជិកព្រឹទ្ធសភាថ្មី ជំនួសឲ្យព្រឹទ្ធសភាដែលតែងតាំងដោយយោធា
គណៈកម្មការរៀបចំការបោះឆ្នោតថៃ កាលពីថ្ងៃទី១០ ខែកក្កដា បានអនុម័តជ្រើសតាំងសមាជិកព្រឹទ្ធសភាថ្មីចំនួន ២០០រូប ដែលនឹងជំនួសសភាជាន់ខ្ពស់ចំនួន ២៥០រូប ដែលត្រូវបានតែងតាំងដោយយោធា កាលពី៥ឆ្នាំមុន។ នេះគឺជាការបង្ហាញពីនីតិប្បញ្ញត្តិថ្មី ដែលអ្នកវិភាគនិយាយថា អាចធ្វើឲ្យមានការលំបាកសម្រាប់គណបក្សភឿថៃដែលកំពុងកាន់អំណាចក្នុងការគ្រប់គ្រង។
ព្រឹទ្ធសភាថ្មី នឹងមិនមានតួនាទីក្នុងការបោះឆ្នោត ដើម្បីអនុម័តអ្នកដែលត្រូវក្លាយជានាយករដ្ឋមន្ត្រីនោះទេ ប៉ុន្តែនឹងអាចរក្សាអំណាចសម្រាប់ការត្រួតពិនិត្យច្បាប់ និងតែងតាំងសមាជិកសំខាន់ៗនៃស្ថាប័នដែលមានអំណាច ដូចជា គណៈកម្មការរៀបចំការបោះឆ្នោត និងតុលាការធម្មនុញ្ញ។
អគ្គលេខាធិការនៃគណៈកម្មការរៀបចំការបោះឆ្នោតថៃ លោក Sawaeng Boonmee បាននិយាយថា មានការពន្យារពេលក្នុងការប្រកាសលទ្ធផលនៃដំណើរការជ្រើសរើសព្រឹទ្ធសភាដ៏ស្មុគស្មាញ ដែលទើបបញ្ចប់កាលពីខែមិថុនាកន្លងទៅ ដោយសារតែមានការដាក់បណ្តឹងមួយចំនួន ប៉ុន្តែឥលូវបណ្ដឹងទាំងនោះត្រូវបានដោះស្រាយរួចមកហើយ។
ក្រុមអ្នកវិភាគ បាននិយាយថា លទ្ធផលបណ្តោះអាសន្ននៃការបោះឆ្នោតព្រឹទ្ធសភា បានបង្ហាញថា ព្រឹទ្ធសភាមានសមាសភាពមកពីគណបក្សភឿថៃក្នុងចំនួនតិចតួច ខណៈពេលដែលសមាជិកចេញពីគណបក្ស Bhumjaithai មានចំនួនកើនឡើងគួរឲ្យកត់សម្គាល់។ ប្រការនេះហើយទើបក្រុមអ្នកវិភាគ បានរៀបរាប់ថា គណបក្ស Bhumjaithai ទំនងអាចដើរតួជាអ្នកតំណាងសម្រាប់ការបង្កើតក្រុមរាជានិយម និងក្រុមអភិរក្សនិយម។
សូមបញ្ជាក់ថា ការបែកបាក់គ្នារវាងក្រុមអភិរក្សនិយម ដែលគាំទ្រដោយយោធា និងគណបក្សប្រជានិយម ដូចជា ភឿថៃ បានកើតមានជាយូរណាស់មកហើយនៅក្នុងនយោបាយរបស់ប្រទេសថៃ ដែលជួនកាលបង្កឲ្យកើតមានបាតុកម្មប្រឆាំងនៅតាមដងផ្លូវដោយហិង្សា និងរដ្ឋប្រហារយោធាក្នុងឆ្នាំ២០០៦ និងឆ្នាំ២០១៤ ជាដើម៕
ដោយ៖ ឈាង
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម