ព័ត៌មានអន្ដរជាតិ
វៀតណាម រញ្ជួយដី២ថ្ងៃជាប់គ្នា សរុប ៣៤លើក
ត្រឹមតែ២ថ្ងៃប៉ុណ្ណោះ ខេត្ត Kon Tum នៃប្រទេសវៀតណាម បានជួបគ្រោះរញ្ជួយដីរហូតដល់ទៅ៣៤លើក ហើយការរញ្ជួយទាំងនោះ ក៏មានខ្លះរង្គើដល់ប្រទេសថៃនិងកម្ពុជាផងដែរ។

តាមការចុះផ្សាយរបស់ Tuoi Tre កាលពីថ្ងៃចន្ទទី២៩ខែកក្កដាឆ្នាំ២០២៤, គ្រោះរញ្ជួយដីដំបូង បានកើតឡើងនៅរសៀលថ្ងៃអាទិត្យ រួចក៏បន្តឈានចូលដល់ព្រឹកថ្ងៃចន្ទ ជាមួយកម្លាំងខ្លាំងបំផុតគឺ ៥.០ រ៉ិចទ័រ ដែលបង្កជាការខូចខាតតិចតួចដល់ខេត្ត Kon Tum។
វិទ្យាស្ថានភូគព្ភសាស្ត្រវៀតណាម បានឲ្យដឹងថា នៅថ្ងៃអាទិត្យ ស្រុក Kon Plong នៃខេត្ត Kon Tum កើតរញ្ជួយដីចំនួន២១លើក លុះមកដល់ថ្ងៃចន្ទ កើតមានចំនួន១៣លើកទៀត។
កម្លាំងរញ្ជួយដីទាំងនោះ បានធ្វើឲ្យរង្គើដល់ខេត្តក្រុងផ្សេងទៀតដូចជា Dak Lak, Hue, Da Nang, Quang Nam និង Binh Dinh ព្រមទាំងញ័រដល់ខេត្តថៃ និងខេត្តកម្ពុជា ដែលស្ថិតនៅជាប់ព្រំដែនវៀតណាមផងដែរ។

ត្បិតតែខេត្ត Kon Tum ធ្លាប់ជួបគ្រោះរញ្ជួយដីក៏ពិតមែន ប៉ុន្តែបើយោងតាមវិទ្យាស្ថានភូគព្ភសាស្ត្រវៀតណាម, ការរញ្ជួយញឹកញាប់បែបនេះ គឺមិនធ្លាប់មានកើតមានទេ។
សូមបញ្ជាក់ថា ចាប់ពីឆ្នាំ១៩០៣ ដល់ឆ្នាំ២០២០ ការរញ្ជួយដីត្រឹមជាង៣០លើកប៉ុណ្ណោះ ត្រូវបានកត់ត្រានៅក្នុងខេត្ត Kon Tum ជាមួយកម្លាំងខ្លាំងបំផុត ៣.៩រ៉ិចទ័រ។
ទោះបីជាយ៉ាងណាក៏ដោយ ចាប់តាំងពីខែមេសាឆ្នាំ២០២១មក ការរញ្ជួយដីរាប់រយលើក បានកើតឡើងនៅក្នុងខេត្តនេះ រួមទាំងការរញ្ជួយកម្រិតខ្លាំងមួយចំនួន កាលពីថ្ងៃអាទិត្យផងដែរ៕
អត្ថបទ៖ សុខ សុវណ្ណ
ចុចអាន៖ ត្រឹមមួយថ្ងៃ វៀតណាម រញ្ជួយដី៤លើកផ្ទួនៗ រង្គើដល់ខេត្ត រតនគិរី របស់កម្ពុជា

-
ព័ត៌មានអន្ដរជាតិ២០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?