ស្ត្រី ចិន វ័យ២៥ឆ្នាំ កើតមហារីកសួត ខណៈគ្រូពេទ្យសង្ស័យមកពីរបស់ប្រើប្រចាំថ្ងៃ

យោងតាមគេហទំព័រ SOHA បានឲ្យដឹងថា ស្រ្តីម្នាក់ឈ្មោះ Xiao Yang មានអាយុ ២៥ ឆ្នាំមកពីខេត្ត Zhejiang ប្រទេសចិន ជាទូទៅនាងតែងតែយកចិត្តទុកដាក់ចំពោះសុខភាពផ្ទាល់ខ្លួន ហើយក៏មានទម្លាប់រត់ពេលព្រឹក​ តមមិន​ជក់​បារី និង​មិន​ពិសា​គ្រឿង​ស្រវឹង។ ប៉ុន្តែផ្ទុយទៅវិញ នាងបានកើតជំងឺមហារីកសួត ខណៈគ្រូពេទ្យសង្ស័យថា វាអាចទាក់ទងនឹងវត្ថុដែលស្ត្រីជាច្រើនប្រើប្រាស់ប្រចាំថ្ងៃ។

បន្ទាប់​ពី​ការ​ពិនិត្យ​សុខភាព​ផ្តល់​ដោយ​ក្រុមហ៊ុន នាងត្រូវបានគេជូនដំណឹងភ្លាមៗទាក់ទិននឹងជំងឺផ្ទាល់ខ្លួន។ ការស្គេន CT ដើមទ្រូងបង្ហាញពីចំណុចភ្លឺចាំងមានទំហំ ១០x៦មីលីម៉ែត្រនៅក្នុងសួតខាងឆ្វេងរបស់នាង។ ក្នុងពេលនេះ វេជ្ជបណ្ឌិត​បាន​ណែនាំ​ឲ្យនាងលេប​ថ្នាំ​រយៈពេល​៩​ថ្ងៃ ហើយ​តាមដាន​ដោយ​ការ​ស្កែន CT ដើមទ្រូងម្តងទៀតក្នុងរយៈពេល ៣ខែ ប្រសិនបើនៅតែមានស្រមោល ការវះកាត់អាចត្រូវបានពិចារណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា​ ជាលទ្ធផល​នៃ​ការ​ពិនិត្យ​បាន​បង្ហាញ​ថា ក្រោយ​រយៈពេល​៣​ខែ ស្នាម​​ខ្មៅ​មិនបាន​បាត់​ទៅណាឡើយ ។ ដូច្នេះការវះកាត់ត្រូវតែធ្វើឡើង។ ក្រោយ​ពេល​វះកាត់ គេ​បាន​រក​ឃើញ​ថា​កន្លែង​ភ្លឺ​ចាំង​ជាជំងឺ​មហារីក​សួត។ ជាសំណាងល្អ វាកំពុងស្ថិតក្នុងដំណាក់កាលដំបូង​ ហើយអាចព្យាបាលបានទាំងស្រុង បន្ទាប់ពីការយកចេញនៃជាលិកាដែលរងផលប៉ះពាល់។

ទោះបីជាបែបនេះក្ដី ទាំងនេះគ្រាន់តែជាករណីមួយក្នុងចំណោមករណីជាច្រើនរបស់ស្ត្រីដែលមិនចូលរួមក្នុងអាកប្បកិរិយាប្រថុយប្រថាន មិនជក់បារី ឬផឹកស្រា ហើយស្ទើរតែមិនចំអិនអាហារត្រូវផ្សែង ប៉ុន្តែនៅតែឈឺដោយជំងឺមហារីកសួត។ពីមុនមក មហារីកសួតច្រើនកើតលើបុរស និងអ្នកជក់បារី។ ប៉ុន្តែ​ប៉ុន្មាន​ឆ្នាំ​ចុងក្រោយ​នេះ ចំនួន​ស្ត្រី​ដែល​កើត​ជំងឺ​នេះ​បាន​កើនឡើង​ជា​លំដាប់។ ការសិក្សារយៈពេល ៤៣ ឆ្នាំដែលត្រូវបានចេញផ្សាយនៅសហរដ្ឋអាមេរិកក្នុងឆ្នាំ ២០២៣ បានរកឃើញថា ចំនួនស្ត្រីដែលវិវត្តទៅជាជំងឺមហារីកសួតបានកើនឡើង ៨៤% ឯណោះ។

លោក Chen Jinxing វេជ្ជបណ្ឌិតវះកាត់នៅមន្ទីរពេទ្យសាកលវិទ្យាល័យជាតិតៃវ៉ាន់ បានចង្អុលបង្ហាញថាការកើនឡើងយ៉ាងខ្លាំងនៃការធ្វើរោគវិនិច្ឆ័យមហារីកសួតក្នុងចំណោមស្ត្រីក្នុងប៉ុន្មានឆ្នាំថ្មីៗនេះ គឺទាក់ទងទៅនឹងទម្លាប់តុបតែងមុខញឹកញាប់របស់ពួកគេ។ ​ក្នុងនោះលោក​បាន​ពន្យល់​ថា ស្ត្រី​មហារីក​សួត​ជា​ធម្មតា​មិន​ជក់​បារី​​ មិនផឹកស្រា ក៏មិនចំអិនអាហារដែរ។ ក្រៅពីប្រវត្តិគ្រួសារ ឬកត្តាហ្សែន មូលហេតុចម្បងនៃជំងឺមហារីកគឺការទាក់ទងជាមួយគ្រឿងសំអាងដែលមានគុណភាពទាប ឬប្រភពមិនស្គាល់ ដែលស្ត្រីប្រើក្នុងជីវិតប្រចាំថ្ងៃ។

គាត់បានពន្យល់ថា ម្សៅគ្រឿងសំអាងច្រើនតែប្រើម្សៅ talcum និង asbestos ត្រូវបានរកឃើញរួមគ្នានៅក្នុងធម្មជាតិ។ ដូច្នេះ គ្រឿងសម្អាងដែលមានគុណភាពទាប ឬមិនស្គាល់ប្រភពដើមនៅលើទីផ្សារ ដែលមិនទាន់បានឆ្លងកាត់នីតិវិធីដកយកចេញនូវសារធាតុអាបេស្តូស។ ប្រសិនបើអាបស្តូមិនត្រូវបានយកចេញកំឡុងពេលផលិត ជារឿយៗវាត្រូវបានលក់រួមជាមួយគ្រឿងសំអាង។ ដ្បិតថាបែបនេះ ក៏មានគ្រឿងសំអាងម្សៅដែលមានប្រភពដើម និងគុណភាពច្បាស់លាស់ផងដែរ ដែលត្រូវបានយកចេញពីសារធាតុអាបស្តូស។ ដោយសារការដកអាបស្តូសមានតម្លៃថ្លៃ ដូច្នេះ​ហើយ​ទើប​តម្លៃ​លក់​កើនឡើង​ដូចគ្នា។

លោកវេជ្ជបណ្ឌិត Chen Jinxing ណែនាំថា ដើម្បីសុខភាពខ្លួនឯង ស្ត្រី​គួរ​ចៀសវាង​ការ​ប្រើ​គ្រឿងសម្អាង​ដែល​មិន​ស្គាល់​ប្រភពដើម និង​គុណភាព​បន្ថែម​ទៀត ប្រសិនបើ​លែង​ត្រូវការ​គ្រឿងសម្អាង​លើមុខបន្តទៀត សូមប្រញាប់លុបវាឲ្យបានឆាប់តាមដែលអាចធ្វើទៅបាន៕

អត្ថបទ៖ សាង ស្រីល័ក្ខ

ចុចអាន៖ជំនឿទាំង ១០ លើលោក មនុស្សនៅតែយល់ច្រឡំគិតថា វាជាការពិត