ព័ត៌មានអន្ដរជាតិ

រុស្ស៊ីចោទបស្ចឹមប្រទេសព្យាយាមបំផ្លាញហេដ្ឋារចនាសម្ព័ន្ធបច្ចេកវិទ្យា

បានផុស

២ years មុន

នៅ

ថ្ងៃព្រហស្បតិ៍ ៣១ តុលា ២០២៤

ដោយ

រដ្ឋមន្ត្រីការបរទេសរុស្ស៊ីលោក Sergey Lavrov បានចោទក្រុមបស្ចឹមប្រទេសអំពីការប៉ុនប៉ងជ្រៀតជ្រៀកផ្នែកបច្ចេកវិទ្យាលើប្រទេសរុស្ស៊ី ខណៈដែលប្រទេសនេះកំពុងធ្វើសង្គ្រាមនៅលើទឹកដីអ៊ុយក្រែនចាប់តាំងពីឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងតាមវីដេអូស្វាគមន៍អ្នកចូលរួមក្នុងសន្និសីទស្តីពីទំនាក់ទំនងអន្តរជាតិឌីជីថល២០២៤ «Digital International Relations 2024» ដែលធ្វើឡើងនៅវិទ្យាស្ថានទំនាក់ទំនងអន្តរជាតិរដ្ឋ Moscow លោក Lavrov បានលើកឡើងថា បណ្តាប្រទេសលោកខាងលិចបន្តការប៉ុនប៉ងរបស់ពួកគេក្នុងការជ្រៀតជ្រែក នៅក្នុងតំបន់ឌីជីថលរបស់រុស្ស៊ី ដើម្បីបំផ្លាញហេដ្ឋារចនាសម្ព័ន្ធសំខាន់ៗរបស់រុស្ស៊ី។

យោងការដកស្រង់របស់ទីភ្នាក់ងារព័ត៌មានរុស្ស៊ី TASS លោករដ្ឋមន្ត្រីបានកត់សម្គាល់ថា ខណៈពេលដែលបើកឱកាសបន្ថែម បច្ចេកវិជ្ជាទំនើប «ក៏ផ្តល់នូវហានិភ័យយ៉ាងច្រើនផងដែរ»។

លោក Lavrov បានសង្កត់ធ្ងន់ថា៖«ពួកគេបង្ហាញឱ្យឃើញពីការកើនឡើងនៃការប៉ុនប៉ងដើម្បីជ្រៀតជ្រែកដោយចេតនាក្នុងលំហឌីជីថលនៃប្រទេសរបស់យើង ការវាយប្រហារតាមអ៊ីនធឺណិតក្នុងគោលបំណងបំផ្លាញហេដ្ឋារចនាសម្ព័ន្ធសំខាន់ៗ ក៏ដូចជាការផ្សព្វផ្សាយព័ត៌មានមិនពិតក្នុងគោលបំណងផ្តល់ព័ត៌មាន និងផលប៉ះពាល់ផ្លូវចិត្តដល់ប្រជាជន។ ប្រភពនៃបញ្ហាប្រឈមបែបនេះគឺបស្ចឹមប្រទេសជារួម ដែលបានកំណត់គោលដៅរបស់ពួកគេក្នុងការរក្សាការអនុញ្ញាតរបស់ខ្លួននៅក្នុងលំហព័ត៌មានអន្តរជាតិ»។

ពិភពលោកបានរត់ប្រណាំងផ្នែកបច្ចេកវិទ្យាយ៉ាងខ្លាំងនៅដើមសតវត្សរ៍ទី២១នេះ ហើយក្នុងសង្គ្រាមរុស្ស៊ី-អ៊ុយក្រែន បច្ចេកវិទ្យាត្រូវបានគេប្រើប្រាស់ជាមធ្យោបាយប្រយុទ្ធជួរមុខ ដូចជាការបញ្ជាយន្តហោះគ្មានមនុស្សបើក ការបញ្ជាបាញ់មីស៊ីលជាដើម។

រ៉ាន់ រើយ