ព័ត៌មានអន្ដរជាតិ

៧០នាក់ត្រូវសម្លាប់ក្នុងប្រតិបត្តិការ «Iron Wall» របស់អ៊ីស្រាអែលនៅ West Bank

បានផុស

១ year មុន

នៅ

ថ្ងៃអង្គារ ៤ កុម្ភៈ ២០២៥

ដោយ

ក្រសួងសុខាភិបាលប៉ាឡេស្ទីន បានឲ្យដឹងថា កងកម្លាំងអ៊ីស្រាអែលបានសម្លាប់មនុស្ស៧០នាក់ក្នុងនោះមានកុមារ ១០នាក់នៅតំបន់ West Bank ក្នុងរយៈពេលត្រឹមតែ១ខែដើមឆ្នាំនេះប៉ុណ្ណោះ ដែលបង្ហាញឲ្យឃើញនូវអំពើហិង្សាបន្តកើនឡើងឥតឈប់ឈររវាងអ៊ីស្រាអែលនិងប៉ាឡេស្ទីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួលេខរបស់ក្រសួងសុខាភិបាលប៉ាឡេស្ទីនដែលបានចេញផ្សាយកាលពីថ្ងៃចន្ទ បានលើកឡើងថា ការវាយឆ្មក់របស់អ៊ីស្រាអែលបានសម្លាប់មនុស្សជាបន្តបន្ទាប់ ដូចជា ៣៨នាក់នៅJenin, ១៥នាក់នៅ Tubas, ៦ នាក់នៅ Nablus, ៥ នាក់នៅ Tulkarem, ៣ នាក់នៅ Hebron, ២ នាក់នៅ Bethlehem និងម្នាក់នៅ Jerusalem ខាងកើត។ ក្រៅពីក្មេង១០នាក់ដែលត្រូវបានសម្លាប់ យោធាអ៊ីស្រាអែលក៏បានសម្លាប់ស្ត្រីម្នាក់ និងជនជាតិប៉ាឡេស្ទីនវ័យចំណាស់ពីរនាក់ផ្សេងទៀត។

យោធាអ៊ីស្រាអែលបានបើកការវាយលុកដ៏ធំមួយដែលមានឈ្មោះថា «Iron Wall» នៅក្នុងទឹកដីនេះ ភ្លាមៗបន្ទាប់ពីបទឈប់បាញ់នៅហ្គាហ្សាចូលជាធរមានកាលថ្ងៃទី១៩ខែមករា ដែលជាការបើកផ្លូវឲ្យមានការដោះលែងចំណាប់ខ្មាំងដែលក្រុមហាម៉ាសចាប់ និង អ្នកទោសប៉ាឡេស្ទីនរហូតដល់២០០០នាក់។

ប្រតិបត្តិការយោធារបស់អ៊ីស្រាអែលនេះ ផ្តោតជាពិសេសទៅលើគោលដៅក្រុមប្រដាប់អាវុធប៉ាឡេស្ទីនពីតំបន់ Jenin ។

លើសពីនេះកាលពីថ្ងៃអាទិត្យ កងកម្លាំងអ៊ីស្រាអែលបានបំផ្លាញអគារចំនួន២៣នៅក្នុងជំរុំជនភៀសខ្លួន Jenin បានបង្ខំប្រជាជនប៉ាឡេស្ទីនប្រហែល១៥០០០នាក់ចេញពីជំរំ។ ទន្ទឹមនឹងនេះដែរ ការវាយប្រហាររបស់អ៊ីស្រាអែលនៅក្នុងជំរំជនភៀសខ្លួន Tulkarem បានជម្លៀសប្រជាជនប៉ាឡេស្ទីន៧៥ភាគរយចេញពីតំបន់នោះ។

ពាក់ព័ន្ធបញ្ហានេះកាលពីថ្ងៃចន្ទ ប្រធានអាជ្ញាធរប៉ាឡេស្ទីន (PA) បានថ្កោលទោសការវាយប្រហាររបស់អ៊ីស្រាអែល ដោយសង្កត់ធ្ងន់ថា ប៉ាឡេស្ទីននឹងមិនទទួលយកផែនការតាំងទីលំនៅថ្មី ឬ «មាតុភូមិជំនួស»ឡើយ។

អ្នកនាំពាក្យអាជ្ញាធរប៉ាឡេស្ទីន លោក Nabil Abu Rudeineh បាននិយាយនៅក្នុងសេចក្តីថ្លែងការណ៍មួយថា «អ៊ីស្រាអែលកំពុងពង្រីកសង្គ្រាមលើប្រជាជនប៉ាឡេស្ទីននៅតំបន់ West Bank ដើម្បីអនុវត្តផែនការបំលាស់ទីពលរដ្ឋ និងអនុវត្តការបោសសម្អាតជនជាតិភាគតិច»។

លោកបានបន្ថែមថា គោលនយោបាយរបស់អ៊ីស្រាអែលបានធ្វើឱ្យមនុស្សរាប់រយនាក់រងរបួស ត្រូវបានឃុំខ្លួន រួមទាំងបំផ្លិចបំផ្លាញប្លុកលំនៅដ្ឋានទាំងមូលនៅក្នុងជំរុំជនភៀសខ្លួន Jenin និង Tulkarem ។

គួរបញ្ជាក់ថាការកើនឡើងការវាយប្រហាររបស់អ៊ីស្រាអែលនៅតំបន់ West Bank បានកើតឡើងបន្ទាប់ពីកិច្ចព្រមព្រៀងឈប់បាញ់ និងការដោះដូរអ្នកទោសធ្វើឡើងនៅហ្គាហ្សាកាលពីថ្ងៃទី ១៩ ខែមករា បន្ទាប់ពីមានសង្គ្រាមរយៈពេល ១៥ ខែ ដែលអ៊ីស្រាអែលបានសម្លាប់ប្រជាជនប៉ាឡេស្ទីនជិត ៦២០០០នាក់ រួមទាំងរាប់ពាន់នាក់ដែលកំពុងបាត់ខ្លួនដែលត្រូវបានសន្មតថាបានស្លាប់៕

អត្ថបទ៖ ប៊ុន សុភាព

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា