ព័ត៌មានអន្ដរជាតិ

មនុស្សរាប់សិបម៉ឺននាក់តម្រង់ជួរ១០គីឡូដីនៅស្រីលង្កា ដើម្បីចាំមើលធ្មេញស័ក្ដិសិទ្ធិមួយគ្រាប់

បានផុស

១ year មុន

នៅ

ថ្ងៃសុក្រ ២៥ មេសា ២០២៥

ដោយ

Chheang

ស្ថិតនៅនៅទីក្រុង Kandy នៃប្រទេសស្រីលង្កា មនុស្សប្រមាណជាង ៤០ម៉ឺននាក់ ដែលជាអ្នកកាន់សាសនាព្រះពុទ្ធ បាននាំគ្នាឈរតម្រង់ជួរ ដើម្បីគោរពបូជាដល់ធ្មេញស័ក្តិសិទ្ធិមួយគ្រាប់នៅព្រះវិហារ Sri Dalada Maligawa ដែលគេជឿថាជាព្រះទន្តរបស់ព្រះពុទ្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការតាំងបង្ហាញធ្មេញស័ក្ដិសិទ្ធិ ដែលរៀបចំឡើងអស់រយៈពេល១៦ឆ្នាំមកហើយ បានចាប់ផ្តើមប្រារព្ធពីថ្ងៃទី១៨ខែមេសា ហើយគ្រោងនឹងបន្តរហូតដល់ថ្ងៃទី២៧ខែមេសា។

អាជ្ញាធរក្នុងតំបន់ បានជំរុញឲ្យពលរដ្ឋផ្អាកការទៅចូលរួមនៅក្នុងពិធីតាំងបង្ហាញធ្មេញស័ក្តិសិទ្ធិ បន្ទាប់ពីមានសេចក្ដីរាយការណ៍អំពីមនុស្សស្លាប់៤នាក់ និងរាប់រយនាក់បង្ហាញអាការៈមិនស្រួលខ្លួន ព្រោះតែមនុស្សច្រើនណែនតាន់តាប់។ អាជ្ញាធរបានអនុវត្តវិធានការមួយចំនួន ដើម្បីគ្រប់គ្រងស្ថានការណ៍ ដូចជា ការដាក់ស្លាកសញ្ញាព្រមាន ស្លាកសញ្ញាជូនដំណឹង និងការផ្អាកសេវាកម្មរថភ្លើងទៅកាន់ទីក្រុង Kandy ជាបណ្ដោះអាសន្ន។

អាជ្ញាធរកំពុងបន្តតាមដានស្ថានការណ៍យ៉ាងដិតដល់ ដោយជំរុញឲ្យសាធារណជនប្រកាន់ខ្ជាប់នូវគោលការណ៍ណែនាំសុវត្ថិភាព និងចៀសវាងការទៅលេងនៅទីក្រុង Kandy រហូតដល់មានការជូនដំណឹងជាថ្មី។

ចំណែកឯអ្នករៀបចំព្រឹត្តិការណ៍នេះកំពុងធ្វើការសម្របសម្រួលជាមួយសមត្ថកិច្ច និងមន្ត្រីសុខាភិបាល ដើម្បីធានាសុវត្ថិភាព និងសុខុមាលភាពរបស់អ្នកចូលរួមទាំងអស់៕

ដោយ៖ ឈាង

Related Topics:ប្រទេសស្រីលង្កា

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា