ព័ត៌មានអន្ដរជាតិ
អ៊ីរ៉ង់ចោទលោក ណេតាន់យ៉ាហ៊ូ ថាបានអូសទាញអាមេរិកឲ្យធ្លាក់ចូល«មហន្តរាយ»នៅមជ្ឈិមបូព៌ា
រដ្ឋមន្ត្រីការបរទេសអ៊ីរ៉ង់ លោក Abbas Araghchi បានចោទប្រកាន់នាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ ពីការប៉ុនប៉ងទាញដៃសហរដ្ឋអាមេរិកឲ្យធ្លាក់ចូលទៅក្នុង «គ្រោះមហន្តរាយ» នៅតំបន់មជ្ឈិមបូព៌ា ដោយព្រមានប្រឆាំងនឹងសកម្មភាពយោធាណាមួយដែលផ្តោតលើប្រទេសអ៊ីរ៉ង់។
នៅក្នុងសេចក្តីថ្លែងការណ៍មួយនៅលើបណ្ដាញសង្គម X កាលពីថ្ងៃទី៥ខែឧសភា លោក Araghchi បានអះអាងថា លោក ណេតាន់យ៉ាហ៊ូ កំពុង «ជ្រៀតជ្រែកដោយផ្ទាល់នៅក្នុងរដ្ឋាភិបាលសហរដ្ឋអាមេរិក ដើម្បីអូសទាញឲ្យចូលទៅក្នុងគ្រោះមហន្តរាយមួយផ្សេងទៀតនៅក្នុងតំបន់របស់យើង»។
លោក Araghchi ក៏បាននិយាយផងដែរថា លោក ណេតាន់យ៉ាហ៊ូ កំពុងព្យាយាមគ្រប់គ្រងនូវអ្វីដែលប្រធានាធិបតីអាមេរិក ដូណាល់ ត្រាំ ត្រូវធ្វើ ឬមិនត្រូវធ្វើ ពាក់ព័ន្ធនឹងកិច្ចព្រមព្រៀងអាវុធនុយក្លេអ៊ែរជាមួយប្រទេសអ៊ីរ៉ង់។
មន្ត្រីការទូតកំពូលរបស់អ៊ីរ៉ង់ ក៏បានសង្កត់ធ្ងន់លើបញ្ហាសង្គ្រាមនៅតំបន់ហ្គាហ្សាផងដែរ ដោយលើកឡើងពីការគាំទ្ររបស់អាមេរិកចំពោះអ៊ីស្រាអែលប្រឆាំងនឹងក្រុមសកម្មប្រយុទ្ធប៉ាឡេស្ទីនហាម៉ាស។ លោកថា ការគាំទ្រដ៏សាហាវទាំងនោះនឹងមិនផ្ដល់ផលប្រយោជន៍អ្វីទាំងអស់ចំពោះប្រជាជនអាមេរិក។
ការចោទប្រកាន់របស់អ៊ីរ៉ង់នេះ ធ្វើឡើងចំពេលដែលភាពតានតឹងក្នុងតំបន់កាន់តែកើនឡើង ជាពិសេសបន្ទាប់ពីការវាយប្រហារដោយមីស៊ីលរបស់ក្រុមហ៊ូធីនៅជិតអាកាសយានដ្ឋាន Ben Gurion របស់អ៊ីស្រាអែល ដែលបានធ្វើឲ្យមនុស្ស ៧នាក់រងរបួស និងរំខានដល់ចរាចរណ៍ផ្លូវអាកាស។ ជាការឆ្លើយតប កងកម្លាំងអ៊ីស្រាអែល និងសហរដ្ឋអាមេរិក បានធ្វើការវាយប្រហារតាមអាកាសរួមគ្នា សំដៅទៅលើកំពង់ផែ Hodeidah របស់ប្រទេសយេម៉ែន ដែលជាខ្សែផ្គត់ផ្គង់ថាមពលដ៏សំខាន់សម្រាប់ក្រុមហ៊ូធី ដែលជាក្រុមឧទ្ទាមមានការគាំទ្រដោយអ៊ីរ៉ង់។
អ៊ីរ៉ង់ បានបដិសេធការចូលរួមដោយផ្ទាល់ក្នុងការវាយប្រហាររបស់ក្រុមហ៊ូធី ប៉ុន្តែបានបង្ហាញការគាំទ្រចំពោះសកម្មភាពរបស់ក្រុមប្រឆាំងនឹងអ៊ីស្រាអែលមួយនេះ។
អាមេរិកបាននិងកំពុងធ្វើការវាយប្រហារតាមអាកាសជារៀងរាល់ថ្ងៃក្រោមប្រតិបត្តិការ«Rough Rider» ចាប់តាំងពីថ្ងៃទី១៥ខែមីនា ដោយផ្តោតលើទីតាំងក្រុមហ៊ូធី ដើម្បីឆ្លើយតបទៅនឹងការវាយប្រហាររបស់ពួកគេលើការដឹកជញ្ជូនអន្តរជាតិ។
នៅពេលដែលកិច្ចខិតខំប្រឹងប្រែងការទូតកំពុងបន្តដោះស្រាយបញ្ហាកម្មវិធីនុយក្លេអ៊ែររបស់អ៊ីរ៉ង់ ភាពតានតឹងនៅតែមានកម្រិតខ្ពស់នៅឡើយ។ លោកប្រធានាធិបតី ត្រាំ បាននិយាយថា កិច្ចព្រមព្រៀងនុយក្លេអ៊ែរថ្មីណាមួយត្រូវតែពាក់ព័ន្ធនឹងការរុះរើទាំងស្រុងនៃកម្មវិធីនុយក្លេអ៊ែររបស់អ៊ីរ៉ង់ ទោះបីជាលោកបានបង្ហាញពីការបើកចំហចំពោះការពិភាក្សាសម្រាប់ការប្រើប្រាស់នុយក្លេអ៊ែរស៊ីវិលក៏ដោយ៕
ដោយ៖ ឈាង
ចុចអាន៖ អ៊ីរ៉ង់ព្រមានថាមិនឈរនៅស្ងៀម បន្ទាប់ពីការគំរាមរបស់អ៊ីស្រាអែល ជុំវិញការវាយប្រហារដោយមីស៊ីលហ៊ូធី
កាយឫទ្ធិនារីកម្ពុជា ធ្វើពិធីសច្ចាបញ្ចូលសមាជិកថ្មីលើកទី៣៣ ចំនួន៣៨៤រូប នៅសាខាខេត្តកំពត
អាហារដ្ឋាន យីហោ “ពេជ្រ ចរណៃ” ត្រូវបានអណ្តាតភ្លើងលេបត្របាក់ អស់សម្ភារៈខាងក្នុងស្ទើរទាំងស្រុង
គណបក្ស Bhumjaithai ដកខ្លួនចេញពីរដ្ឋាភិបាលចម្រុះដឹកនាំដោយបក្សភឿថៃ
ជិះម៉ូតូឌុបប្រពន្ធទៅពិនិត្យផ្ទៃពោះជួបគ្រោះថ្នាក់ចរាចរណ៍ស្លាប់ប្តី ប្រពន្ធរបួសស្រាល
អាជ្ញាធរសង្កាត់ភ្នំពេញថ្មី ថាមិនចង់ឃើញអំពើជួញដូរផ្លូវភេទលើកុមារ កើតឡើងក្នុងសហគមន៍ខ្លួនឡើយ
ឆ្ងល់អត់ ហេតុអ្វីមីស៊ីលភាគច្រើនត្រូវបានបាញ់នៅពេលយប់ជាជាងពេលថ្ងៃ ក្នុងអំឡុងពេលសង្គ្រាម?
យន្តហោះចម្បាំងអាមេរិក ចាកចេញពីមូលដ្ឋាននៅអង់គ្លេសហើយ ដើម្បីទៅជួយអ៊ីស្រាអែល ប្រយុទ្ធជាមួយអ៊ីរ៉ង់
ការរុះរើគណៈរដ្ឋមន្ត្រីថៃ គ្រោងធ្វើនៅថ្ងៃសុក្រ រដ្ឋាភិបាលចម្រុះថៃអាចជាប់គាំងជាថ្មី
មហាជនប្រមាណ១៥ម៉ឺននាក់ ចូលរួមដើរថ្មើរជើង បង្ហាញការរួមគ្នាជាធ្លុងមួយ គាំទ្ររដ្ឋាភិបាល និងកងទ័ពជួរមុខ
គណបក្ស Bhumjaithai ដកខ្លួនចេញពីរដ្ឋាភិបាលចម្រុះដឹកនាំដោយបក្សភឿថៃ
-
ព័ត៌មានអន្ដរជាតិ១ សប្តាហ៍ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៦ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ២ ថ្ងៃ agoអ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ៦ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ១ សប្តាហ៍ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៦ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៦ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន
-
ព័ត៌មានអន្ដរជាតិ៣ ថ្ងៃ agoអ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល