Connect with us

ព័ត៌មានអន្ដរជាតិ

រុស្ស៊ី វាយប្រហារទូទាំងប្រទេសអ៊ុយក្រែន សម្លាប់មនុស្ស ៨នាក់ និងបង្កការបំផ្លិចបំផ្លាញធ្ងន់ធ្ងរ

បានផុស

នៅ

យោងតាមសេចក្តីរាយការណ៍របស់ BBC នៅថ្ងៃអាទិត្យទី២៥ខែឧសភាឆ្នាំ២០២៥ រុស្ស៊ីបានបើកការវាយប្រហារទ្រង់ទ្រាយធំ នៅទូទាំងប្រទេសអ៊ុយក្រែន ដែលជាលទ្ធផលបណ្តាលឲ្យមនុស្សចំនួន៨នាក់ បាត់បង់ជីវិត និង៣០នាក់រងរបួស។

(រូបថត៖ រដ្ឋបាលតំបន់កៀវ)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីរាយការណ៍ខាងលើបន្តថា ក្នុងចំណោមមនុស្សស្លាប់ទាំងអស់ គឺមាន៤នាក់នៅក្នុងតំបន់ Khmelnytskyi ភាគខាងលិច, ៣នាក់ក្នុងទីក្រុងកៀវ និងម្នាក់នៅទីក្រុង Mykolaiv​ ភាគខាងត្បូង។

ក្រៅពីមនុស្សស្លាប់ហើយនោះ, អភិបាលតំបន់ Khmelnytskyi លោក Serhiy Tyurin បានបញ្ជាក់លើ Facebook ថា ផ្ទះ៦ខ្នងត្រូវខ្ទេចទាំងស្រុង ខណៈ២០ខ្នងទៀត រងរបួសការខូចខាត។

ការវាយប្រហារនេះកើតឡើងពីរថ្ងៃប៉ុណ្ណោះ បន្ទាប់ពីរុស្ស៊ី-អ៊ុយក្រែន ដោះដូរអ្នកទោសទ្រង់ទ្រាយធំបំផុត គិត​ចាប់តាំងពី​សង្គ្រាម​​​ផ្ទុះ​ឡើង​ក្នុងខែកុម្ភៈ​ឆ្នាំ​២០២២។

កាល​ពី​ថ្ងៃ​សុក្រ​ទី​២៣​ខែ​ឧសភា ភាគីនីមួយៗបានដោះលែង​មនុស្ស​ចំនួន ៣៩០​នាក់ ដែលរួមមានបុគ្គលិកយោធាចំនួន ២៧០​នាក់ និងជនស៊ីវិល ១២០​នាក់នៅក្នុងដំណាក់កាលដំបូងនៃកិច្ចព្រមព្រៀងផ្លាស់ប្តូរ​អ្នក​ទោស​​សរុប​ចំនួន ២ ០០០​នាក់​ពី​ភាគី​ទាំង​ពីរ​។

ការដោះដូរ​នេះ ធ្វើឡើងបន្ទាប់ពី​កិច្ច​ចរចាដោយផ្ទាល់នៅទីក្រុងអ៊ីស្តង់ប៊ុល នៃប្រទេសតួកគី ដែលជា​កិច្ចសន្ទនាដ៏សំខាន់លើកដំបូងរវាង​ប្រជាជាតិ​ទាំង​ពីរ​ក្នុងរយៈពេលបីឆ្នាំ។

ដ្បិតគ្មានបទឈប់បាញ់ត្រូវបានបង្កើតឡើងក្នុងអំឡុងពេលកិច្ចចរចានោះក៏ដោយ ប៉ុន្តែការដោះដូរអ្នកទោសនេះ គឺតំណាង​ឲ្យ​កាយវិការមនុស្សធម៌ដ៏គួរ​ឲ្យ​កត់សម្គាល់ចំពេល អរិភាពកំពុងបន្ត៕

អត្ថបទ៖ សុខ សុវណ្ណ

ចុចអាន៖ ត្រាំ កំពុងរៀនសូត្រ ពីសង្គ្រាមដ្រូន រវាង រុស្ស៊ីនិងអ៊ុយក្រែន

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម