ព័ត៌មានអន្ដរជាតិ

ជំងឺពិសធ្យូងត្រូវសង្ស័យផ្ទុះការឆ្លងក្នុងខេត្ត Nong Bua Lamphu ប្រទេសថៃ

បានផុស

៦ នាទីutes មុន

នៅ

ថ្ងៃសុក្រ ៣០ ឧសភា ២០២៥

ដោយ

មន្ត្រីសុខាភិបាលក្នុងខេត្ត Nong Bua Lamphu នៅភាគឦសាន្តប្រទេសថៃ បានចាប់ផ្តើមការតាមដានទំនាក់ទំនងជាបន្ទាន់ បន្ទាប់ពីបុរសអាយុ ៦៤ឆ្នាំម្នាក់ត្រូវបានបញ្ជូនទៅមន្ទីរពេទ្យដោយមានរោគសញ្ញាស្រដៀងនឹងជំងឺពិសធ្យូង Anthrax (អង់ត្រាក់)។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី៣០ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំងឺដែលសង្ស័យបានកើតពងបែករមាស់ ប្រែទៅជាស្នាមខ្មៅ បន្ទាប់ពីគាត់បានចូលរួមបរិភោគសាច់គោឆៅកាលពីថ្ងៃទី២៣ ខែឧសភា។ លទ្ធផលមន្ទីរពិសោធន៍បឋមបង្ហាញថា ទំនងជាមានការឆ្លងមេរោគ Bacillus anthracis ដែលជាបាក់តេរីដែលបង្កឱ្យមានជំងឺអង់ត្រាក់។

បុរសនេះស្ថិតក្រោមការតាមដានយ៉ាងដិតដល់នៅមន្ទីរពេទ្យ ខណៈអាជ្ញាធរខេត្តកំពុងស្រាវជ្រាវរកប្រភព និងតាមដានទំនាក់ទំនង។ ចំណែកសំណាករបស់បុរសសង្ស័យកើតជំងឺនេះខាងលើ ត្រូវបានបញ្ជូនទៅមន្ទីរពិសោធន៍ជាតិសម្រាប់ការបញ្ជាក់បន្ថែម ខណៈដែលអាជ្ញាធរបង្កើនការឃ្លាំមើល និងវិធានការបង្ការ ដើម្បីទប់ស្កាត់ការរីករាលដាលដែលអាចកើតមាន។

គួរបញ្ជាក់ថា ជំងឺពិសធ្យូង គឺជាជំងឺធ្ងន់ធ្ងរដែលឆ្លងតាមរយៈការប៉ះពាល់ជាមួយសត្វដែលមានមេរោគ ឬសាច់ដែលមានមេរោគ ដែលបង្កហានិភ័យខ្ពស់ចំពោះអ្នកកាប់សាច់ អ្នកបរិភោគសាច់ឆៅ និងកម្មករក្នុងឧហ្សាហកម្មសាច់សត្វ។ សត្វដែលអាចឆ្លងមេរោគនេះមានដូចជា គោ ក្របី ពពែ និងចៀម ខណៈសាធារណជនត្រូវបានជំរុញឱ្យចៀសវាងការបរិភោគសាច់ឆៅ និងរាយការណ៍ពីរោគសញ្ញាស្បែកមិនប្រក្រតីជាបន្ទាន់៕