ព័ត៌មានអន្ដរជាតិ
លោក គីម ហៅ ពូទីន ថាជាមិត្តស្លាប់រស់ ហើយផ្ដែផ្ដាំថានឹងឈរជាមួយរុស្ស៊ីជានិច្ច
មេដឹកនាំកូរ៉េខាងជើង លោក គីម ជុងអ៊ុន បានអះអាងជាថ្មីនូវភក្តីភាពដ៏ខ្ជាប់ខ្ជួនរបស់ប្រទេសលោកចំពោះរុស្ស៊ី ដោយប្រកាសថា កូរ៉េខាងជើងនឹង«ឈរជានិច្ច» ជាមួយទីក្រុងមូស្គូ ដែលនេះគូសបញ្ជាក់ពីទំនាក់ទំនងយុទ្ធសាស្ត្រកាន់តែស៊ីជម្រៅរវាងប្រជាជាតិទាំងពីរ។
យោងតាមការចុះផ្សាយនៅថ្ងៃទី១២ខែមិថុនាឆ្នាំ២០២៥របស់ទីភ្នាក់ងារព័ត៌មានរដ្ឋ KCNA ការបញ្ជាក់ម្ដងទៀតនូវចំណងមិត្តភាពនេះ ត្រូវបានលោក គីម ធ្វើឡើងនៅក្នុងសារអបអរមួយដែលផ្ញើទៅកាន់មដឹកនាំវិមានក្រឹមឡាំង សម្រាប់ទិវាឯករាជ្យជាតិរបស់រុស្ស៊ី។ នៅក្នុងសារ លោក គីម បានហៅលោក វ៉្លាឌីមៀរ ពូទីន ថាជា «សមមិត្តជាទីស្រឡាញ់បំផុត» និងបានកោតសរសើរទំនាក់ទំនងកូរ៉េខាងជើង-រុស្ស៊ីថាជា «ទំនាក់ទំនងពិតប្រាកដរវាងមិត្តស្លាប់រស់»។
លោក គីម បាននិយាយថា «វាគឺជាឆន្ទៈមិនអាចរង្គោះរង្គើរបស់រដ្ឋាភិបាលកូរ៉េខាងជើង និងដោយខ្ជាប់ខ្ជួនរបស់ខ្ញុំផ្ទាល់ ដើម្បីបន្តទំនាក់ទំនងកូរ៉េខាងជើង និងរុស្ស៊ី»។
សូមជម្រាបថា កាលពីខែមេសា ទីក្រុងព្យុងយ៉ាងបានបញ្ជាក់ជាផ្លូវការថា ខ្លួនពិតជាបានបញ្ជូនកងទ័ពទៅកាន់តំបន់ Kursk របស់រុស្ស៊ី ដើម្បីជំរុញការវាយលុកនៅប្រទេសអ៊ុយក្រែន ដែលជាការទទួលស្គាល់យ៉ាងមុតមាំនៃសម្ព័ន្ធភាពយោធារវាងប្រទេសទាំងពីរ។ ការប៉ាន់ប្រមាណបង្ហាញថា ទាហានកូរ៉េខាងជើងពី ១០ ០០០ ទៅ ១៤ ០០០នាក់ ត្រូវបានដាក់ពង្រាយ។
កិច្ចសហប្រតិបត្តិការរបស់ពួកគេបានពង្រីកលើសពីការបញ្ជូនកងទ័ពទៅទៀត ដោយទីក្រុងព្យុងយ៉ាងត្រូវបានគេរាយការណ៍ថាបានផ្គត់ផ្គង់ដល់ទីក្រុងមូស្គូនូវកាំភ្លើងធំរាប់លានគ្រាប់ និងមីស៊ីលបាលិស្ទិក ខណៈដែលរុស្ស៊ីជាការតបស្នងបានជួយកូរ៉េខាងជើងក្នុងការអភិវឌ្ឍបច្ចេកវិទ្យាយោធា និងយន្តហោះគ្មានមនុស្សបើក។
ទំនាក់ទំនងកាន់តែស៊ីជម្រៅទាំងនេះ ឆ្លុះបញ្ចាំងពីសន្ធិសញ្ញាស្តីពីភាពជាដៃគូយុទ្ធសាស្ត្រគ្រប់ជ្រុងជ្រោយ ដែលបានចុះហត្ថលេខាក្នុងអំឡុងដំណើរទស្សនកិច្ចរបស់ប្រធានាធិបតី ពូទីន ទៅកាន់ទីក្រុងព្យុងយ៉ាងក្នុងខែមិថុនាឆ្នាំ២០២៤។ សន្ធិសញ្ញាដែលបានចូលជាធរមាននៅក្នុងខែធ្នូឆ្នាំ២០២៤ រួមមាន បទប្បញ្ញត្តិការពារគ្នាទៅវិញទៅមក ដែលតម្រូវឲ្យប្រទេសនីមួយៗផ្តល់ជំនួយយោធាពេញលេញ ប្រសិនបើភាគីម្ខាងទៀតត្រូវបានវាយប្រហារ៕
ដោយ៖ ឈាង
ប្រធានអាស៊ានស្នើថៃនិងកម្ពុជាបញ្ឈប់ការបាញ់គ្នាជាបន្ទាន់ បញ្ចៀសអរិភាពបន្ថែមទៀត
ក្រសួងការងារ ចេញញត្តិថ្កោលទោសការឈ្លានពានរបស់ថៃ
មជ្ឈមណ្ឌលស្រាវជ្រាវសុខភាពសកលនឹងក្លាយជាមជ្ឈមណ្ឌលកណ្តាលសំយោគចំណេះដឹងសុខភាពថ្មីៗ
ជម្លោះព្រំដែន៖ អ្នកនាំពាក្យ ថា សារព័ត៌មានថៃ ផ្សាយលឿន តែមិនប្រាកដការពិតទេ
ថៃបង្កហេតុនិងផ្ទុះអាវុធមុន ប៉ុន្តែរំអែរំអួយធ្វើដូចជនរងគ្រោះនៅមុខអន្តរជាតិ
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
សារព័ត៌មានថៃសម្រុកផ្សាយពីភាពរងគ្រោះរបស់ខ្លួន ខណៈកងទ័ពថៃជាអ្នកបង្កហេតុ
សារព័ត៌មានល្បីៗផ្សាយថា ថៃបើកការបាញ់ប្រហារកម្ពុជា និងឆ្លងចូលទឹកដីកម្ពុជា
តើស្តេចថៃ វ៉ាជីរ៉ាឡុងកន រាមាទី១០ ប្រមូលផ្តុំអំណាចយោធាដោយរបៀបណា?
-
ព័ត៌មានអន្ដរជាតិ៥ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៣ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៦ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៤ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១៨ ម៉ោង agoអត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
បច្ចេកវិទ្យា៤ ថ្ងៃ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានអន្ដរជាតិ១២ ម៉ោង agoថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ២ ថ្ងៃ agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន