ព័ត៌មានអន្ដរជាតិ

ព្រោះសំពាធការរងារនិងរៀបការ បុរសចិន សម្រេចចិត្តយករូងភ្នំធ្វើជាផ្ទះស្នាក់នៅជិត៤ឆ្នាំ

បានផុស

១ year មុន

នៅ

ថ្ងៃសុក្រ ១៣ មិថុនា ២០២៥

ដោយ

បុរសម្នាក់មានឈ្មោះថា Min Hengcai អាយុ ៣៥ ឆ្នាំមកពីខេត្ត Sichuan ភាគនិរតីនៃប្រទេសចិន ដោយសារតែគេចពីសំពាធការងារ និងអាពាហ៍ពិពាហ៍ដ៏ហួសហេតុពេកក្នុងជិវិត គាត់បានសម្រេចចិត្តសាងសង់ទីលំរស់ក្នុងរូងភ្នំអស់រយៈពេល៤ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅចុងឆ្នាំ ២០២១ គាត់បានបោះបង់ការងារបើកឡានតាក់ស៊ី ដែលរកបាន១ម៉ឺនយន់ (១,៤០០ដុល្លារ) ក្នុងមួយខែនៅក្នុងទីក្រុង ហើយបានត្រលប់ទៅផ្ទះវិញដើម្បីរស់នៅដោយភាពឯកា។ លោកបាននិយាយថា ខ្លួនបានរកឃើញការងារដែលគ្មានន័យ។ ពីមុនគាត់បានធ្វើការ ១០ ម៉ោងក្នុងមួយថ្ងៃ ដើម្បីសងបំណុលដែលជំពាក់សាច់ញាតិ។

បុរសដដែលបាននិយាយថា គាត់នៅតែជំពាក់ធនាគារ និងក្រុមហ៊ុនផ្តល់ប្រាក់កម្ចីចំនួន៣០០,០០០យន់ (៤២,០០០ដុល្លារ)។ ក្រោយមក គាត់បានបោះបង់ក្តីសង្ឃឹមក្នុងការទូទាត់សងពួកគេ ដោយបន្ថែមថា សាច់ញាត្តិរបស់គាត់បានលក់ទ្រព្យសម្បត្តិ ដែលអាចប្រើដើម្បីជម្រះបំណុលទាំំងនោះ។

ក្រោយមក បុរសចិនបានផ្លាស់ប្តូរដីមួយចំណែកជារបស់ខ្លួនជាមួយនឹងអ្នកភូមិរួមម្នាក់ ដែលមានទំហំត្រឹមតែមួយភាគបួននៃទំហំរបស់គាត់ ដើម្បីអាចប្រើប្រាស់រូងភ្នំដែលនៅក្បែរនោះ។ គាត់បានចំណាយប្រាក់ ៦ពាន់ដុល្លារអាមេរិក ដើម្បីធ្វើផ្ទះនៅក្នុងរូងភ្នំដែលមានទំហំ ៥០ម៉ែត្រការ៉េ។

ជារៀងរាលថ្ងៃ លោក Min ភ្ញាក់ពីគេងនៅម៉ោង៨ ព្រឹក ចំណាយពេលពេញមួយថ្ងៃអាន ដើរជុំវិញ និងធ្វើការនៅជុំវិញខ្លួន។ ជាទម្លាប់គាត់គេងនៅម៉ោង ១០ យប់ ហើយភាគច្រើនហូបបន្លែដែលគាត់ដាំខ្លួនឯងប៉ុណ្ណោះ។ គាត់បាននិយាយថា គាត់គ្រាន់តែចំណាយប្រាក់លើការចាំបាច់ប្រចាំថ្ងៃប៉ុណ្ណោះ។ ជាពិសេសលោកថា នេះជារបៀបរស់នៅ គឺជាអ្វីដែលគាត់សុបិនអំពីពេលដែលធ្វើការនៅក្នុងទីក្រុងមកម៉្លេះ។

លើសពីនេះ គាត់ក៏បានបង្ហោះអំពីជីវិតផ្ទាល់ខ្លួននៅលើបណ្តាញសង្គមដែលមានអ្នកតាមដាន ៤ម៉ឺននាក់ ហើយអាចរកប្រាក់ចំណូលបានពីការផ្សាយបន្តផ្ទាល់។ គាត់បានដាក់ឈ្មោះរូងភ្នំនោះថា ប្រហោងខ្មៅ ដើម្បីបង្ហាញថា វាជាសកលលោកទាំងមូលរបស់គាត់ ក៏ចង់រំលឹកខ្លួនឯងអំពីភាពមិនសំខាន់របស់គាត់ផងដែរ។

មិនតែប៉ុណ្ណោះ លោក Min បានប្រាប់ទូរទស្សន៍ Sichuan ថា គាត់បានបដិសេធការរៀបការ ព្រោះវាជាការខ្ជះខ្ជាយពេលវេលា និងលុយកាក់។

ទោះបីជាយ៉ាងណាក៏ដោយ រឿងរ៉ាវជីវិតរបស់គាត់បានជំរុញឲ្យមានការពិភាក្សាយ៉ាងក្តៅគគុកតាមអ៊ីនធឺណិត។ មនុស្សមួយចំនួនបាននិយាយថាលោក Min កុហក ហើយសំដៅលើគ្រាន់តែធ្វើគ្រប់គ្រាន់ដើម្បីទៅដល់កន្លែងមួយទេ។ អ្នកខ្លះទៀតនិយាយថា ទោះមិនបានរៀនចប់មធ្យមសិក្សាក៏ដោយ តែលោកគឺជាទស្សនវិទូពិតៗដែរ៕