មូល​ហេតុ​នៃ​ការ​កើត​ជំងឺ​មហារីកក្រពះ និងវិធីបង្ការ

​មហារីកក្រពះ​កើតឡើង​នៅពេលដែល​កោសិកា​នៃ​ជញ្ជាំង​ក្រពះ​រីកលូតលាស់​មិន​ឈប់ ក្រោម​ទម្រង់​កាច​សាហាវ​។​

​ក​- មូលហេតុ​ឲ្យ​ពិតប្រាកដ​នៃ​ជំងឺ​នេះ គឺ​មិនទាន់​ដឹង​នៅឡើយ​ទេ កត្តា​បង្ក​នៃ​ជំងឺ​នេះ​មានដូចជា​៖

– មាន​មេរោគ​ក្រពះ Infection à helicobacter Pylori

– កត្តា​ចំណីអាហារ ចំណីអាហារ​ប្រៃ​, ចំណីអាហារ​ផ្អាប់ និង​មាន​ផ្សែង​

– មានគ្រួសារ​កើត​ជំងឺមហារីក​

– ជក់បារី និង​ពិសា​ស្រា​

​ខ​- រោគសញ្ញា​នៃ​ជំងឺ​កាច​សាហាវ​នេះ​គឺ ៖

– ឈឺ​ចុងដង្ហើម​, ឆ្អល់ពោះ​

– អត់​រំលាយ​អាហារ​

– ស្រក​ទម្ងន់ ឬ​មិន​ឃ្លាន​អាហារ​

– លាមក​ខ្មៅ​

– ចង្អោរ និង​ក្អួត​

– ស្លេកស្លាំង​

​គ​- ដើម្បី​ដឹង​ថា​អ្នកជំងឺ​កើត​ជំងឺ​មហារីក​ក្រពះ​យើង​ត្រូវ​៖

– ធ្វើការ​ឆ្លុះ​ក្រពះ និង​ច្រឹប​សាច់​យក​ទៅ​ពិនិត្យ​

​ឃ​- ជំងឺ​មហារីក​ក្រពះ ត្រូវ​បាន​ព្យាបាល​ដោយ ៖

– ការវះកាត់​

– ការ​ចាក់​ថ្នាំ​គីមី​

– ការ​បញ្ចាំង​កាំរស្មី​

​ង​- យើង​អាច​ការពារ​ជំងឺមហារីក​ក្រពះ​បាន​ដោយ​៖

– ពិសា​សាប​, ចៀសវាង​ចំណីអាហារ​កំប៉ុង ឬ​ផ្អាប់​

– ពិសា​ផ្លែឈើ​ស្រស់ និង​បន្លែ​ទៀត​ទាត់​

– រក្សា​ទម្ងន់​ដោយ​ការហាត់​ប្រាណ​

– ចៀសវាង​ជក់បារី និង ពិសា​ស្រា​

​ជំងឺមហារីក​ក្រពះ អាច​ព្យាបាល​ជាសះស្បើយ បើ​យើង​រកឃើញ​វា​ទាន់ពេលវេលា​។​

​សូម​ពិគ្រោះ និង​ព្យាបាល​ជំងឺ​ជាមួយ​គ្រួ​ពេទ្យ​ឯកទេស​នៅ​មន្ទីរពេទ្យ​កាល់ម៉ែត ដើម្បី​រក្សា​សុខភាព​លោកអ្នក ឲ្យបាន​រឹងមាំ​សម្រាប់​គ្រួសារ​អ្នក មិត្តភក្តិ​អ្នក ព្រមទាំង​មនុស្ស​ជាទី​ស្រលាញ់​របស់​អ្នក និង​សង្គមជាតិ​ទាំងមូល​៕​

អត្ថបទ៖ រស្មី​

សូមចុចអាន៖ ឧស្សាហ៍ញ៉ាំត្រីងៀត ត្រីឆ្អើរ ពេទ្យថា អាចកើតមហារីកក្រពះ