សុខភាព
មហារីកក្រពះដំណាក់កាលដំបូង អាចចេញសញ្ញាទាំងនេះលើផ្ទៃមុខ
មហារីកក្រពះកើតឡើងដោយសារតែកោសិកាមិនប្រក្រតីលូតលាស់នៅលើស្រទាប់ខាងក្នុងនៃក្រពះ។ ជាក់ស្ដែង មហារីកប្រភេទនេះកម្របង្ហាញរោគសញ្ញានៅដំណាក់កាលដំបូងណាស់ ឬអាចបង្ហាញរោគសញ្ញាមិនច្បាស់លាស់។ យ៉ាងណាមិញ មហារីកក្រពះក៏ពាក់ព័ន្ធនឹងបញ្ហាស្បែកផងដែរ ជាពិសេសចេញរោគសញ្ញានៅលើផ្ទៃមុខតែម្ដង ដែលជាធម្មតា កើតឡើងនៅពេលជំងឺស្ថិតក្នុងដំណាក់កាលដំបូង។
រោគសញ្ញាលើស្បែក
ជំងឺមហារីកក្រពះ អាចបណ្ដាលឲ្យកើតជំងឺស្បែកដ៏កម្រមួយឈ្មោះថា Papuloerythroderma of Ofuji ដែលនាំឲ្យស្បែកកើតមានកន្ទួលពកតូចៗ ហើមរបកស្បែកស្ទើរតែពាសពេញរាងកាយ និងភាគច្រើនកើតនៅលើផ្ទៃមុខ។ លើសពីនេះ ជំងឺមហារីកក្រពះក៏ប៉ះពាល់ដល់ស្រទាប់មុយកឺ ចង្កោមក្រពេញជុំវិញស្បែក និងកូនកណ្ដុរ ព្រមទាំងនាំឲ្យស្បែកយើងឡើងរមាស់ថែមទៀតផង។
រោគសញ្ញាដំបូងផ្សេងទៀត
ក្រៅពីបញ្ហាស្បែក រោគសញ្ញាដំណាក់កាលដំបូងផ្សេងទៀត រួមមាន មិនឃ្លានអាហារ ស្រកទម្ងន់ភ្លាមៗ ឈឺពោះ ឬហើមនៅក្នុងពោះ។ រោគសញ្ញាដទៃទៀតមាន ក្រហាយទ្រូង ពិបាករំលាយអាហារ ចង្អោរ និងក្អួតដែលអាចមាន ឬគ្មានឈាម។ ម្យ៉ាងវិញទៀត អ្នកជំងឺអាចមានអារម្មណ៍ឆ្អែត បន្ទាប់ពីញ៉ាំអាហារតិចតួចប៉ុណ្ណោះ។
កត្តាហានិភ័យ
ភាគច្រើន អ្នកដែលកើតជំងឺមហារីកក្រពះច្រើនតែជាអ្នកមានអាយុលើសពី៦០ឆ្នាំ។ កត្តាហានិភ័យចម្បងដ៏ធំមួយទៀត គឺរបបអាហារតែម្ដង។ ចំពោះរបបអាហារដែលប្រៃខ្លាំង អាហារឆ្អើរ និងផ្អាប់ ព្រមទាំងការញ៉ាំបន្លែ និងផ្លែឈើតិចតួចក៏អាចបង្កើនហានិភ័យនៃការកើតជំងឺមហារីកក្រពះនេះដែរ។ លើសពីនេះ អ្នកដែលជួបបញ្ហារលាក ឬក្រហាយក្រពះរ៉ាំរ៉ៃ វះកាត់ក្រពះពីមុន ឬមានប្រវត្តិគ្រួសារកើតជំងឺមហារីកក្រពះ បញ្ហាច្រាលអាសុីដក្រពះ ធាត់ជ្រុល និងអ្នកជក់បារីគឺសុទ្ធតែអាចមានឱកាសកើតជំងឺនេះខ្ពស់ដូចគ្នា។
គន្លឹះបង្ការជំងឺមហារីកក្រពះ
ដើម្បីកាត់បន្ថយហានិភ័យនៃជំងឺមហារីកក្រពះ យើងគួរញ៉ាំផ្លែឈើចម្រុះ និងបន្លែបៃតង។ ជាងនេះទៅទៀត យើងមិនគួររំលងពពួកគ្រាប់ធញ្ញជាតិ ព្រមទាំងកាត់បន្ថយការញ៉ាំគ្រឿងស្រវឹង ជក់បារី ក៏ដូចជាជៀសវាងពពួកអាហារផ្អាប់ ទើបជាការប្រសើរ។
ចុចអាន៖ចេញសញ្ញាសង្ស័យទាំងនេះ គួរជួបពេទ្យ អាចជារោគសញ្ញាមហារីកក្រពះ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ