សុខភាព
គ្រឿងការី ផ្ដល់ប្រយោជន៍សំខាន់ៗច្រើនយ៉ាងដល់សុខភាព
គ្រឿងការី ដែលមានប្រភពកំណើតពី ប្រទេសឥណ្ឌា គឺជាគ្រឿងម្ហូប ដែលផ្សំពី បណ្តុំគ្រឿងទេសជាច្រើនចូលគ្នា រួមទាំងរុក្ខជាតិក្រអូបទៀតផង។ ដោយសារ គ្រឿងផ្សំ ច្រើនមុខនេះ ធ្វើឱ្យគ្រឿងធ្វើម្ហូបនេះ ផ្តល់នូវអត្ថប្រយោជន៍ជាច្រើនដល់រាងកាយ ដែលក្នុងនោះ អត្ថបទស្រាវជ្រាវសុខភាពជាច្រើន បានលើកឡើងដូចជា៖
១. សមាសធាតុប្រឆាំងនឹងដំណើរហើមរលាក
គ្រឿងការី ដែលមានទាំង រមៀត ម្រេច ម្សៅរុក្ខជាតិក្រអូប ផ្ទុកទៅដោយសមាសធាតុ ដែលទៅជំរុញប្រូតេអ៊ីនប្រឆាំងជំងឺនៅក្នុងរាងកាយពិសេសសមាសធាតុ Interluekin-6 និង Factor-alpha និងសារធាតុជាច្រើនទៀត ដែលអាចប្រឆាំងនឹង ការរលាកសន្លាក់ និងការហើមផ្សេងៗ។
២. ជួយសុខភាពបេះដូង
ម្សៅការី ដែលមានទៅដោយគ្រឿងទេសផ្សេងៗផ្សំចម្អិនទៅក្នុងម្ហូប នឹងជួយទៅដល់បេះដូង ដោយសារការជំរុញឱ្យចលនាឈាមរត់ស្រួល និងសម្រួលទៅដល់សរសៃឈាមដែលនេះបានជួយបន្ថយនូវហានិភ័យ និងបញ្ហាផ្សេងៗទៅលើបេះដូង។
៣. រួមចំណែកប្រឆាំងមហារីក
ផ្អែកតាមការសិក្សាជាច្រើន អ្នកវិទ្យាសាស្រ្តបានលើកឡើងថា រុក្ខជាតិមួយចំនួនអាចរួមចំណែក ប្រឆាំងនឹងកោសិកាមហារីក ហើយរុក្ខជាតិទាំងនោះ ភាគច្រើន គឺមាននៅក្នុងគ្រឿងផ្សំការីផងដែរ ដូចជា រមៀតជាដើម ដែលជាឱសថ មានសារធាតុល្អច្រើនមុខ ដែលរួមចំណែកប្រឆាំងនឹងមហារីកក្រពេញប្រូស្តាត ពោះវៀនធំ និងមហារីកខួរក្បាលទៀតផង។
៤. បង្ការការខូចខាតកោសិកា
សារធាតុនៅក្នុងគ្រឿងទេស នៃការី សំបូរដោយសារធាតុប្រឆាំងអ៊ុកស៊ីតកម្ម (Antioxidants) ដែលជួយបង្ការនូវកោសិកាមិនឱ្យខូចបាត់បង់។ សារធាតុប្រឆាំងអ៊ុកស៊ីតកម្ម មាននាទីសំខាន់ ប្រឆាំងតបត ទៅនឹងម៉ូលេគុលរ៉ាឌីកាល់សេរី (រ៉ាឌីកាល់សេរីក្នុងរាងកាយច្រើន បង្កឱ្យមានបញ្ហា ខួរក្បាល បេះដូង និងមហារីក)។
ក្រៅតែពីផលប្រយោជន៍ខាងលើនេះ លទ្ធផលស្រាវជ្រាវជាច្រើនក៏បានបង្ហាញថា គ្រឿងការីមានសមាសធាតុមានប្រយោជន៍ជាច្រើនទៀត ដែលជួយដល់ សុខភាពខួរក្បាល ព្រមទាំងប្រព័ន្ធរំលាយអាហារផងដែរ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ដឹងអត់ គ្រឿងទេសក្នុងផ្ទះបាយ ទុកបានយូរប៉ុនណា?
ចុចអាន៖ គ្រឿងទេសដែលបង្កើនភាពស៊ាំដល់រាងកាយ ខណៈអាចរកបានដោយងាយនៅក្នុងផ្ទះ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត