Connect with us

សុខភាព

ថៃ រកឃើញជំងឺអុតស្វា ករណីទី ៦

បានផុស

នៅ

ករណីទី៦ នៃជំងឺអុតស្វារបស់ប្រទេសថៃ ត្រូវបានបញ្ជាក់នៅខេត្ត Maha Sarakham។ នេះបើតាមការឲ្យដឹងកាលពីថ្ងៃសុក្រទី២៦ខែសីហា ពីនាយកដ្ឋានគ្រប់គ្រងជំងឺឆ្លង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Opas Karnkawinpong អគ្គនាយកនៃនាយកដ្ឋាន បាននិយាយថា អ្នកជំងឺគឺជាស្ត្រីអាយុ ២១ ឆ្នាំដែលធ្វើការជាអ្នកម៉ាស្សា ហើយទើបវិលត្រលប់មកពីប្រទេសកាតា កាលពីថ្ងៃអាទិត្យសប្តាហ៍មុន។

នាង​​មានចេញ​ពងបែក​លើ​ប្រដាប់​ភេទ ចាប់​តាំងពី​ថ្ងៃ​ទី​១០ ខែសីហា ដែលពេលនោះ នាងកំពុងស្ថិតក្នុង​ប្រទេស​កាតា​នៅឡើយ។ ក្រោយ​ត្រលប់​មក​ប្រទេស​ថៃ​វិញ នាង​បាន​ធ្វើ​ដំណើរ​ទៅ​ផ្ទះ​របស់​ខ្លួន​ក្នុង​ខេត្ត Maha Sarakham ភាគ​ឦសាន ហើយ​បាន​ចូល​សម្រាក​ព្យាបាល​នៅ​មន្ទីរពេទ្យ Phayakkhaphum Phisai នៅ​ថ្ងៃ​ទី ២២ ខែសីហា។

លទ្ធផល​មន្ទីរពិសោធន៍​នៅ​ថ្ងៃ​ទី ២៤ ខែ​សីហា​បាន​បញ្ជាក់​ថា ស្ត្រី​រូបនេះ ​មាន​ជំងឺអុត​ស្វា។

យោងតាមអង្គការសុខភាពពិភពលោកបានឲ្យដឹងថា ក្នុងឆ្នាំនេះ មានករណីជំងឺអុតស្វាចំនួន ៤៥ ៣៥៥ករណី និងការស្លាប់ចំនួន១៥នាក់ នៅទូទាំងប្រទេសយ៉ាងហោចណាស់៩៦៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ បុរសម្នាក់ កើតជំងឺអេដស៍ កូវីដ និងអុតស្វា ក្នុងពេលតែមួយ (មានវីដេអូ)

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម