សុខភាព

កូវីដ-១៩គ្រោះថ្នាក់ខ្លាំងចំពោះមនុស្សចាស់ នេះជាតិចនិកមើលថែចាស់ៗចៀសផុតពីការចម្លង

បានផុស

៣ years មុន

នៅ

ថ្ងៃសុក្រ ២៦ មីនា ២០២១

ដោយ

មនុស្សចាស់មានសុខភាពមិនមាំទាំ និងមានជំងឺរ៉ាំរ៉ៃជាងក្មេងៗ ប្រព័ន្ធភាពស៊ាំរបស់ក៏ចុះខ្សោយពិបាកទប់ទល់នឹងជំងឺ ឬការឆ្លងមេរោគ និងវីរុសផ្សេងៗ ហើយការព្យាបាលឲ្យជាសះស្បើយក៏ពិបាក យឺត និងស្មុគស្មាញទៀត។ អំឡុងពេលនេះ គ្នាយើងមួយចំនួនមានការព្រួយបារម្ភខ្លាំងពីឪពុកម្ដាយចាស់របស់យើង ខ្លាចគាត់ឆ្លងវីរុសកូវីដ-១៩ នេះ ប៉ះពាល់ដល់សុខភាព ឬអាចបាត់បង់ជីវិតបាន។ ខាងក្រោមនេះជាតិចនិកថែទាំសុខភាពមនុស្សចាស់ យើងអាចសាកល្បងការពារពួកគាត់ពីវីរុសកាចសាហាវកូវីដ-១៩ បានដូចជា៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ប្រាកដថា យើងមានសុខភាពល្អ

ជំហានដំបូងដែលយើងត្រូវធ្វើ ដើម្បីមើលថែសុខភាពមនុស្សចាស់ គឺត្រូវប្រាកដថា យើងខ្លួនឯងផ្ទាល់មិនមានផ្ទុកវីរុសនេះ ដោយធ្វើតាមការណែនាំការពារពីក្រសួងសុខាភិបាលដូចជា៖

លាងដៃឲ្យបានញឹកញាប់ និងស្អាតជានិច្ច
ចៀសវាងកន្លែងមនុស្សច្រើន
ក្អក ឬកណ្ដាស់ខ្ទប់មាត់ ច្រមុះជាមួយកន្សែង ក្រដាស ឬកែងដៃ
មិនត្រូវប៉ះពាល់បរិវេណផ្ទៃមុខ
សម្អាត សម្លាប់មេរោគលើសម្ភារៈប្រើប្រាស់ក្នុងផ្ទះ និងឧបករណ៍ជំនួយដែលឪពុកម្ដាយយើងប្រើ (ឧ.រទះរុញ ឈើច្រត់…)

២. ទិញរបស់របរដោយខ្លួនឯង

យោងតាមអង្គការ UNICEF បានឲ្យដឹងថា អំឡុងពេលនេះ យកល្អ យើងគួរចេញទៅទិញអ៊ីវ៉ាន់ បន្លែ សាច់ទុក ឬរបស់របរត្រូវការប្រើប្រាស់រាល់ថ្ងៃដោយខ្លួនឯង និងកុំឲ្យមនុស្សចាស់ចេញទៅខាងក្រៅ។ មួយវិញទៀត អ្វីដែលសំខាន់នោះ គួរពិនិត្យមើលលើថ្នាំដែលពួកគាត់ចាំបាច់ប្រើប្រាស់ជាប្រចាំ បើអាចយើងគួរទិញថ្នាំនោះស្ដុកទុកសម្រាប់គាត់ជាពិសេស។

៣. បង្រៀនពីបច្ចេកវិទ្យា

នៅក្នុងស្ថានភាពបែបនេះ យើងម្នាក់ត្រូវការរក្សាគម្លាតឲ្យឆ្ងាយពីមនុស្សទូទៅ បើមិនចាំបាច់មិនគួរចេញពីផ្ទះ ដូចនេះអាចត្រូវសង្ងំក្នុងផ្ទះច្រើនថ្ងៃ អាចបណ្ដាលឲ្យធុញថប់អារម្មណ៍។ ហេតុនេះហើយ វាក៏ជាពេលល្អមួយដែលយើងអាចប្រាប់ពួកគាត់ពីរបៀបនៃការប្រើប្រាស់បច្ចេកវិទ្យា ដើម្បីឲ្យគាត់ដឹងពីអ្វីៗដែលកំពុងកើតឡើងក្នុងសង្គម។ លើសពីយើងអាចខលវីដេអូអាចមើលមុខគ្នាឃើញជាមួយសមាជិកក្រុមគ្រួសារដទៃ មើលរឿងភាគ ឬលេងកម្មវិធីកម្សាន្តនានាលើទូរស័ព្ទ ឬកុំព្យូទ័រ។

៤. ពន្យារពេលការណាត់ជួបមិនចាំបាច់

ប្រសិនបើឪពុកម្ដាយត្រូវណាត់ជួបពេទ្យអំឡុងពេលនេះ ពិនិត្យមើលសុខភាព បើអាចគួរសួរគ្រុពេទ្យថាតើអាចពិគ្រោះតាមប្រព័ន្ធអនឡាញសិនបានអត់ (ក្នុងករណីសុខភាពពួកគាត់ធម្មតា) ចៀសវាងចេញទៅខាងក្រៅប្រឈមនឹងការឆ្លងវីរុស។ធ្វើបែបនេះ យើងអាចជួយគាត់តាមដានសុខភាពជាមួយអ្នកជំនាញយ៉ាងងាយស្រួល។

៥. ពន្យល់ឲ្យដឹងពីរោគសញ្ញានៃជំងឺ

ចំណុចសំខាន់ជាងគេនោះគឺ ពន្យល់ប្រាប់គាត់ឲ្យដឹងពីរោគសញ្ញា និងការវិវត្តរបស់ជំងឺកូវីដ-១៩ ដើម្បីងាយស្រួលឲ្យគាត់ចំណាំមើលខ្លួនឯងថាតើមានចេញរោគសញ្ញាគួរឲ្យសង្ស័យណាមួយដូចជា ក្អក ឈឺក ក្ដៅខ្លួន និងពិបាកដកដង្ហើម។ល។ ម៉្យាងវិញទៀត យើងគួរតែប្រាប់ឲ្យគាត់ដឹងពីលេងទូរស័ព្ទខាងមន្ទីរពេទ្យ ដើម្បីប្រាប់ពីស្ថានភាពសុខភាព៕

អត្ថបទផ្ដល់សិទ្ធ៖ Hello គ្រូពេទ្យ

ចុចអាន៖ សួតអ្នកកើតជំងឺកូវីដ-១៩ និងសួតអ្នកជក់បារី ខុសគ្នាខ្លាំងកម្រិតណា?

ចុចអាន៖ ត្រូវពន្លឺព្រះអាទិត្យមួយថ្ងៃត្រឹមតែ១០នាទី អាចជួយពង្រឹងប្រព័ន្ធភាពស៊ាំ